< 返回
  • 【不一樣的職業】宅男變小丑 監獄激勵囚犯 囚犯卻激勵了他
  •   11,520 views │ 2017年03月16日
    留言()

 

香港小朋友讀書壓力大,自從升讀小學後,要簡單地開懷大笑只是一個願望,不過香港小丑劇團Super Clown則打破慣例,教小朋友面對失敗。「小朋友被家長灌輸,你一定要做最叻,一定要贏,一定要參加比賽。小丑正正就係,全部嘢都係遊戲,輸咗再嚟,贏咗咪繼續玩,無咩所謂。」劇團成員黃定邦指,他們的理念之一,便是推廣歡笑和面對失敗,因為小丑常面對失敗。

Super Clown會到不同機構和學校推廣小丑藝術。成員黃志雄指,小丑訓練班給他們一個空間宣洩和表現自己,建立信心,令他們打開自己。黃定邦則認為,現今家長太功利,「佢哋最鍾意問,今日學到甚麼?無架!其實一定要學啲咩?我覺得有少少進步已好滿足,唔一定每次都學到好新嘅嘢,唔應該係咁。」

黃志雄以自身為例,證明舞台劇的威力。「我本身係個宅男,如果唔係有舞台劇,我都唔識同人溝通。」聽他自白,引來團友大笑。Super Clown成立一年,志願宏大,希望推廣香港不流行的舞台長篇小丑劇,更想觀眾反思歡笑背後的隱喻。

創團以來,他們到過不同機構教班,如小丑化妝班等,做過大大小小的演出,黃志雄最深刻的一次,是去監獄探訪。「我哋好多人覺得,佢哋罪有應得,因為犯事,所以坐監,無自由、無歡樂好應該。但佢哋應該有生活嘅權利。」那次Super Clown在監獄演劇,和他們互動的兩個小時,成為囚友最開心的時光。「當中有位上咗年紀嘅女囚友同我講:『你媽媽應該對有你呢個仔感到好光榮。』我從來無諗過,將小丑同表演帶入監獄係好光榮嘅事。嗰刻好感動。」他從不覺得自己偉大或是有能力的人,甚至覺得自己很弱,「但都有能力俾愛和關懷佢哋,所以唔可以睇小自己,和睇小小丑。」

撰文:關卓凌

攝錄:李育明


【邁向28】《壹週刊》27周年全面睇
http://bit.ly/nextb28thbig
熱門新聞
  • 【醫生與您】心房顫動與中風 83,270 views
  • 【戴幾個豪宅上手?】豪戴1.6億鑽表 關之琳笑唔停 44,723 views
  • 【生意●劏場女超人】師奶連租北角死場14舖 自製百貨街谷返人流 33,316 views
  • 【第一次見】劉華受傷後仍親自抱女 一家三口齊齊整整同fans過56歲生日 32,650 views
  • 【生意●業主力撐】萬五蚊已租起14間舖 水樽榨汁機賣5千部 31,769 views
  • 【母憑女貴?】鄭希怡湊住囡囡搵真銀 梁浸浸真人騷處女作 27,918 views