< 返回
  • 【再見了飛雲】尋魔神英雄傳 海豹叢書 漫畫迷全港大搜查
  •   11,209 views │ 2017年03月17日
    留言()

 

「機會嚟喇,飛雲﹗」這句說話,大家就成日講,但如果你說得出出處,就出賣你的年齡。

 這句說話是是源自日本動漫《魔神英雄傳》,主角機「龍神號」在每集最後出現,就會同主角飛雲說這句話,而飛雲亦高呼:「登!龍!劍!」說起這些片段,可謂回味無窮。

 不過,想租番套漫畫回味,「機會」就愈來愈少。41歲張卓能,典型漫畫迷。自6歲起,漫畫佔據他大部分生命,「魔神英雄傳,出版社執了就無。有些是心癮,都會行下,見到有漫畫店都幾開心。」除了《魔神英雄傳》,他說起另一間本書,大片回憶即出在腦海出現,他指80年代,當時未有正式的單行本,只可在報攤買「老翻」漫畫,「叫海豹叢書,一本兩三元,最後升至五元。」漫畫就是他最大的娛樂,「(電視)始終有時間局限,有節目唔啱睇就拎漫畫睇。漫畫有幻想空間,其他遊戲都會有個比鬥。」 

阿能回想起最初拾起漫畫的時間,「小朋友都是睇大台卡通片開始,我同其他人都一樣是由叮噹開始。」家住九龍區的他,不時會到旺角信和的漫畫店,貪租漫畫夠平,「買盒模型返去整都要十多元,租本書都是三元。以成本計,覺得睇漫畫好似好一點。」放學後補完習,就是他「蒲漫畫店」的好時機。自言有鋪「男人儲物癮」的阿能,亦由租書變成買書,試過為求得心頭好,走到銅鑼灣糖街的出版社買書。 

「以前補買漫畫書係好難,有些書真的只是見過一次就冇再見過。」看著一間又一間漫畫店消失,他決定行勻全港,整理現存漫畫店的資料,「辦法真的想過,但真的無辦法。唯有盡量影低佢哋每一間。」漫畫興起時,出版社「唔休做」,若要補買舊漫畫,只好到坊間的漫畫店,令他開始遊走各區的漫畫店。「以前的漫畫店回本易,好難執笠。直至黃金屋老闆同我講,愈來愈少人租書。他計過數,全日留係到又無假放,同打份工都差不多,索性出去打份工。」 

由執到平書而高興到擔心行業沒落,阿能希望為他們做一點事,「有些老闆一下就不見,原來他整間賣晒或者當廢紙掉晒,開始想想自己可以做一些甚麼。」於是他開始整合全香港漫畫店的資料,一年更新一次。由2008年的120間至今年只餘下23間租書店,阿能只可隔一段時間探訪他們,順便影相紀錄,他亦概嘆童年回憶漸漸消失,「行街很多地方都差不多。有間漫畫店,先有不同的氣色。如果不是,所有地方都是兩大超市、連鎖成衣店都無咩特別。」

 撰文:黎雅婷

攝影:葉漢華、曾春南

【邁向28周年】跨越廿七載 《壹週刊》全面睇
http://bit.ly/nextb28thbig
熱門新聞
  • 【住院片首度曝光】5歲女Hanna抹腳餵飲水 劉華喊住感激朱麗倩:佢一路等我企起身! 175,302 views
  • 【醫生與您】心房顫動與中風 94,066 views
  • 【天皇都無面俾】Hanna 台下塞耳 劉華激氣:係得你一個唔理我㗎咋! 89,211 views
  • 【魔傭】變態!印傭教幼童塞廁紙入下體 謊稱:會發光 54,309 views
  • 【封面●同范冰冰交往?】郭文貴爆王岐山操控海航 財富20萬億 38,323 views
  • 【你當我是浮誇吧】澳門富商洪永時陪老婆放狗 保鑣靚車出齊夠排場 32,021 views