< 返回
  • 【齊撐公投】靚太義工巧遇林鄭 CY2.0騎呢回應唔撐港獨
  •   20,595 views │ 2017年03月17日
    留言()

 

相關連結:
【主流民意】戴耀廷認民投數字不理想 勉不應認命要堅持表態
http://bit.ly/2m8jbvC

【齊撐公投】政黨冷待公投 IT義工︰佢哋有顧慮
http://bit.ly/2nxNzwi

【特首選舉】僅四萬人參與民投 戴耀廷:認為大局已定太悲觀
http://bit.ly/2nfU4Xv

上週中產靚太Dorothy在跑馬地茶餐廳食早餐,竟然巧遇特首候選人林鄭月娥落區,Dorothy把握機會,向林鄭表達反對廿三條立法、不要八三一政改框架,以及重啟政改訴求。

林鄭面對這些耳熟能詳的意見,自然有一套回應的標準答案,「其實我有啲失望,譬如當我講完話重啟政改之後,林太就即係答我,佢就話佢會堅守一國兩制,但佢就話港獨等等,就唔可以存在,嗰下我有啲突然,我會覺得,吓我哋依家講緊政改,唔係講緊港獨等等,嗰刻有啲失望,佢咁答我。」Dorothy說。

問Dorothy這樣質問林鄭,是否因為她撐曾俊華或胡國興?她斬釘截鐵地說︰「我第一一定唔係薯粉......如果我係亦都咁好彩,又撞到曾俊華先生,或者胡國興先生,我諗我都會問返同一set問題,因為就係佢哋兩位都冇正面處理過呢三個問題。」她認為三人的政綱沒有具體落實細節,似乎是空口講白話。

事實上,靚太Dorothy在近年公民社會中,名字並不陌生,她是傘後組織「傘下爸媽」的成員,近日亦一直協助推動特首選舉全民公投計劃,負責對外宣傳。不過,對比2012年有23萬人參選特首選舉公投,或2014年有80萬人參選政改方案公投,今次參與公投的市民明顯大幅下跌。

「市民嘅參與程度,我都有少少,唔知係咪我天真,我係有啲失望......譬如話近期有個比較特別嘅街站,我哋叫服務站,喺理工去火車站嗰條橋,其實就算weekend都好,其實好多理大學生經過,但我哋感受唔到佢哋對呢件事情嘅熱切,嗰一刻我有少少沉沉哋。」

在公投氣氛低迷的氣氛下,Dorothy坦言最初參與推動這個民主運動時,亦有掙扎,但她不斷反問自己,「如果我覺得呢個唔係最好嘅方法,去將市民個諗法、喜好,或者支持度反映出嚟,我有冇個更加好嘅方法先?」一步一步走來,她和一眾義工最終撐到今天,「其實依家去到嗰個階段,差唔多係我哋啲義工朋友,個個自己墊住啲錢出嚟,然後做咗先。你話係咪好淒涼,其實都幾淒涼。」

這個中產靚太,本來生活無憂,笑言過往的生活是「行街、睇戲、食飯」,每年最大的煩悶是去哪裡旅行,現時卻要身水身汗搬物資、擺街站、做宣傳,朋友問她為何要「攞苦嚟辛」,她說︰「事實上我個仔可能同林太個仔都差唔多大,某程度上都代表我哋差唔多同一代嘅人喺香港出生,享受過香港經濟起飛嘅好處,某個程度去到呢個年紀,自己嘅生活都比較安樂,但自己安樂唔代表我哋好多嘢都唔理。我都係有少少,其實唔健康,但係有少少好似贖罪嘅心態,有好多時候香港搞成咁,我仍然都係覺得,係過去嗰十幾廿年,有好多嘢我哋錯過咗,有好多嘢應該當時做,係可能頂得住下,唔使搞到好似依家咁,但冇做到。唔識啦,唔知啦,亦無視問題嘅存在,咪搞成咁囉。」

「其實曾幾何時,香港有好多好多人同自己一樣,靠住大家齊心或者靠住自己力量,可以改變到一啲嘢,但係就好似,我哋最想要嘅嘢未發生。但我仍然覺得未發生唔代表唔會發生。」

投票期︰3月10日至3月19日
網上投票︰https://popvote.hk/

實體票站︰
3月18日
早上10時半至晚上10時半
尖沙咀加連威老道33號基督教協進大樓

3月19日
早上10時半至晚上11時
香港大學學生會大樓地下空地

早上10時半至下午5時
旺角山東街51號中僑商業大廈七樓教協辦事處

撰文︰袁慧妍
攝影︰曾春南

【邁向28】《壹週刊》27周年全面睇
http://bit.ly/nextb28thbig

熱門新聞
  • 【姊妹花當眾換褲】O嘴!唔怕走光即場試新褲 職員:大家文化不同 106,898 views
  • 【月租14萬】陳浩民租李嘉欣老公半山壹號獨立屋 方便仔女九龍塘返學 59,291 views
  • 【我真係恭喜你】李嘉欣兩姊妹都嫁得好 49,592 views
  • 【離巢有「錢」途】楊怡返大台拍《再創世紀》身價五級跳 企硬五萬蚊一集 45,875 views
  • 【被雪鴛鴦】鄭俊弘曝光率創新低 何雁詩死好彩Keep住有工開 44,706 views
  • 【拍俾洗米華睇?】松岡李那睡美人自拍牀片示愛 40,775 views