< 返回
  • 【有種空間】80後男女搞任玩士多 咖啡自由定價冥想打坐免費
  •   35,313 views │ 2017年03月21日
    留言()

 

香港人生活繁忙,沒多少人有空靜下來,思考一下自己心靈的需要。一對年輕藝術家阿亮和美麒,今年初開設小店「Quite Quiet」(頗為寧靜),創作以外,希望讓人有空間停下來,安靜反思自己的人生。美麒說:「我哋會飲茶,點香,令人喺呢個空間舒緩。」小店位於石硤尾偉智街,客人經過都不禁好奇問店主:「呢度係賣咩?」門口參考香港舊式士多、擺放玩具讓人租借,裏面是可坐五、六人的空間。

「佢要慢慢走入嚟,留意自己嘅呼吸。」美麒稱這店為「Healing space(治療空間)」。客人可冥想、打坐,免費享用這空間,茶或咖啡則是自由定價。他們的客人由教他玩足球機的兩歲小孩子,到買盤栽的婆婆都有,他們願意接納任何類型的客人;阿亮指,曾有一位客人令他特別深刻,稱她為「女俠」。

「以前經常喺條街見到有個中年女人跳舞,佢嘅外型同衣服都非一般人接受到。除夕當晚,見到佢坐喺石硤尾街市樓梯,自己一個食煙,好似有點寂寞,我就送咗一支花俾佢,邀請佢嚟坐。嚟到後,佢第一時間話要去洗手間,咁我就喺出面等咗佢二、三十分鐘。後來我發現,佢係去清潔自己嘅衣服、洗頭,之後仲問我有無膠袋,原來拎嚟裝佢啲污糟衫,不想整污糟廁所。」「女俠」進入店裏,美麒畫畫給她看,她接過後慢慢在簿上寫字,「我從來未見過佢咁安靜鎮定,畫和寫自己嘅東西。」阿亮說:「可能一般人當佢有精神病或外表係乞兒時,原來佢只係無渠道抒發自己嘅情感。」

阿亮和美麒的相識很奇妙,一切以感覺行先,先從Instagram欣賞對方的相片開始,見面後一拍即合,共同創作。原本他們想找一個樓上舖做藝術創作工作室,後來發現這地舖感覺很好便租下來,「我以前做創作都係自閉喺屋企,而家就多咗個渠道接觸人」。

撰文:關卓凌

攝錄:高仲明
熱門新聞
  • 【動畫】Moka要拎居港權 唔肯同城城海外註冊 65,917 views
  • 【動畫●大埔村屋唔使賣】房祖名幫拖 吳綺莉一炮過買千五萬豪宅 64,622 views
  • 相戀年幾即娶 城城寵愛Moka舉止前所未見 61,341 views
  • 【動畫●中海油董事富爸曝光】「大台御用癲婆」趙希洛揸8千萬梅道豪宅 出入有司機 60,204 views
  • 淘寶底褲Model 方媛升呢天王嫂轉賣澳洲產品 50,457 views
  • 【大台富貴兵團逐個捉】翠如家族身家百億 簡淑兒屋企開珠寶店 45,434 views