< 返回
  • 【買樓定買菜】爆匯璽神速揀樓
    1房買家:一分鐘完事
  •   16,255 views │ 2017年03月21日
    留言()

 

新地的新盤匯璽熱爆,收過萬票,上周六過千人去ICC揀樓。日前接受本刊訪問的全職炒家黃敬凱(Terence),亦在過萬名入票者中,幸運抽到88號靚籤,最終以六百幾萬購入一個心儀的一房單位。屬於B組買家的Terence,還原當日買樓程序。他憶述售樓處非常擠迫,下午2時半才「入閘」的他完全無位坐︰「無位坐唔緊要,企滿經紀、工作人員,好迫!」

他一踏入會場,那些經紀已經「鼓勵」首次置業的他買兩間︰「佢哋話,今日難得一次,一張契買兩間,就不用支付額外印花稅。」

大約3時,發展商才開始抽籤,「經紀全都站在熒光幕前,自己會叫自己公司的名。好似跑馬一樣,你貼幾號?5號、7號咁。中了,經紀,不是買家,是經紀會開心到彈起,然後舉高手大叫︰『中了!跟我來!』呢個情況出現在頭十號籌。」當發展商一宣布抽到幾多號籌,「大家會湧埋一堆,好辛苦」。

中籤後,幸運兒們入去挑選心儀單位,「好像攤位遊戲,排隊,全部人企哂係度」。場內有五個揀位counter,Terence形容一眾經紀營造到氣氛「好似好搶手、千載難逢」︰「旁邊啲經紀已經話『揀好了』、『你唔好咁大聲講,你細細聲同佢地(發展商)講你要咩,否則隔離會爭你(的單位)。』」打蛇餅排隊半小時至一小時,但埋枱後,「基本上一分鐘都不夠,他幫你貼個貼紙,『幫你揀了』,然後就去簽約。」買家一分鐘完事,而新地則密密收錢,匯璽上週六已沽清309伙,套現近40億元。

Terence總結,認為發展商的安排不夠全面︰「好似座向、方向,要自己睇返Google Map 才知道。」他直言,即使樓價跌三成,他也不擔心,因為他買來自用。而且近日股市造好,如果股市一直破頂,「人在股票賺了錢,都會放在樓市,樓價跌的機會也不大。」

撰文:黃嘉慧
熱門新聞
  • 【動畫】Moka要拎居港權 唔肯同城城海外註冊 65,931 views
  • 【動畫●大埔村屋唔使賣】房祖名幫拖 吳綺莉一炮過買千五萬豪宅 64,674 views
  • 相戀年幾即娶 城城寵愛Moka舉止前所未見 61,345 views
  • 【動畫●中海油董事富爸曝光】「大台御用癲婆」趙希洛揸8千萬梅道豪宅 出入有司機 60,242 views
  • 淘寶底褲Model 方媛升呢天王嫂轉賣澳洲產品 50,475 views
  • 【大台富貴兵團逐個捉】翠如家族身家百億 簡淑兒屋企開珠寶店 45,465 views