< 返回
  • 【回帶廿年棟篤笑】 以為九七坦克會入城 最想回到八、九十年代
  •   8,059 views │ 2017年04月17日
    留言()

 

相關連結:
【回帶廿年棟篤笑】人人都是KOL政治參與靠標籤加搵衰人
http://bit.ly/2p7Umkh

今年七月一日,777候任特首林鄭月娥正式上任,也正是香港回歸二十年。

回帶二十年,九七後選擇或被逼留守這片土地的香港人,碰過金融風暴和沙士,經歷過反高鐵和政改,吃過八十七枚催淚彈,見識過黑社會與警察齊齊為政權開路。結果二十年後的今天,樓價持續高企,打工仔人工加幅追不上通脹,長者退休生活得不到有尊嚴的保障,人權、民主、自由愈見倒退,每天都是民主民生最黑暗的一天。可惜,縱使衣櫃內的黑衣陪伴香港人走過多少次遊行示威,政權依然對市民訴求置若罔聞。

「九七年,入新聞系,嗰時我記得九七呢個題目,好似無可避免令到我哋每一個讀新聞系嘅學生都要面對。」三十九歲的傳媒人曾志豪,九七年剛好報考浸會大學,並跑去參加大學升學秘訣講座,講者教學生記得向考官提問︰「九七後還有沒有新聞自由?」原來秘技是令考官覺得該學生留意時事之餘,還有憂患意識。

不過曾志豪笑言問完問題感到中伏,「佢哋會話你咁驚你唔好嚟讀,或者係會話你九七後咪知囉!」那時似乎沒人預知到廿年後香港的變遷,教書的、讀書的,甚或普通香港市民,何嘗不是如履薄冰的見步行步。

七十後、八十後是生於政治冷感的年代,比曾志豪年長一歲的文化人陳嘉銘在屯門長大,不會到「市區」參加遊行示威或社會運動,「成日都覺得好似香港嘅九七會有件大事發生,唔知會唔會聯想到八九,有坦克車入城 個感覺好奇怪,一路聽到屋企人講,九七好驚好驚,九七嚟喇要走喇,另一方面我哋對嗰個社會發生乜嘢,係好抽離,你頂曬籠知道八九六四,或者零零碎碎有一啲遊行,九七將近就有啲集會。」

坦克最終沒有入城,不過由經濟到政治、民生的衝擊,也夠讓人生不如死。一方面八萬五計劃碰上金融風暴,樓價大跌;另一方面OO年隨即發生震驚全港的香港大學民意調查風波,陳嘉銘當時亦在港大社會學系讀書,對於政治打壓的魔爪延伸到學術界,他感受甚深,「有人要搞民調﹛(特區政府)就直程喺我讀書嘅學系,(派人)敲門搵一個教授,個感覺係震撼。」陳當時曾與同學參與靜坐集會,反對港府干預學術自由。

結果回歸不久二人就夢醒,查實這二十年間「北風」和「西風」肆意吞噬這片土地,一國兩制從來沒有一生一世。曾志豪和陳嘉銘下月十三、十四日,在新光戲院舉辦「回帶廿年棟篤笑」,講明會埋身肉搏、不留情面論盡二十年來香港人的心聲。棟篤笑並非純粹為搞笑,他們最想問一個核心問題︰若然可以回帶回到過去,你又想停留在香港哪個最美好的時空?

曾志豪搶先答︰「我都會真係想返番去八十年代。但好得意,呢個明明係我真實成長嘅年代,但我依家講呢番說話,我係透過影像先會記得返八十年代,我太細個,我冇乜印象。我喺港產片裡面,我覺得嗰個時代嘅香港係好似最無憂無慮,最驕傲,最唔怕死。好似好忘我,你淨係搵錢,你對於政治你係用嚟笑,你最多係喺度擔心,你從來唔會覺得會殺到埋身,我係有一種臆測嘅浪漫,會覺得好似如果係咁會幾好。」

陳嘉銘則想回到九十年代初,「好多空間俾人試唔同嘅嘢,例如八十年代尾,周星馳都係嗰段時間冒起,軟硬天師,甚至九十年代初嘅四大天王。嗰時我就正正啱啱開始讀中學,會覺得將來我都會有咁嘅機會試唔同嘅嘢。」

撰文︰袁慧妍
攝影︰石鎬鳴、莫智謙
熱門新聞
  • 【飆海豚音失敗?】遭Mel B狠批 Celine《全美一叮》眼濕濕 66,298 views
  • 【封面●迷你倉大火一週年】獨家專訪時昌老闆 自爆變過街老鼠:想過跳樓 65,386 views
  • 【獨家●一盒麥精兩份啜】放得低陳庭欣五年情 翟威廉暗撻劉佩玥三個月 40,948 views
  • 【中產下一代】為送子留學 母月儲四萬 40,725 views
  • 贏咗冠軍 陸漢洋第一時間擁吻茍姑娘 40,407 views
  • 【暗撻十個月】爆何廣沛朱晨麗深夜互等放工 38,933 views