< 返回
  • 中環寸嘴》西洋文化沉淪 復活完蛋
  •   2,512 views │ 2017年04月20日
    留言()

 

復活節假第一日Good Friday,走到四季酒店lounge歎個早餐,洋人好着重復活節嘛,啲侍應都唔識得攞啲「Cross Bun」——十字包招呼吓來應吓節,真係谷鬼氣,要叫先識得攞出嚟,仲話廚房已經做咗喺度!都唔識得睇實時節去做嘢。環顧香港幾家頂級酒店,係半島酒店最有節日氣氛,話晒仲係嘉道理家族管理,文華酒店個Cross Bun都退晒步,仲賣三十二蚊一個!巡迴咁多間頂級酒店,Ritz- Carlton個Cross Bun方為最正宗,橙皮、肉桂味夠香,我喺天龍軒食晏,個副經理都由西餐廳「班」三個過嚟我試,咁為之今時今日service,否則淪為order taker。

唉,香港點做國際化城市?家陣咁搞法,香港只係淪為中國其中之一個省市,我哋呢啲港英餘孽真係睇唔順眼,有次去叫做全港最高級英式會所晚餐,個captain介紹甜品時,唔知係咪training問題,叫啲Pâté de fruit(法式軟糖)做啫喱喎,唉,嚇到我吖,要當場指正佢,食完餐晚飯,就知道香港西洋文化已經沉淪緊!

撰文:楊國佳
四季酒店個大堂地方如此寬敞,得隻風車復活蛋,以為去咗車公廟,不合比例。
巡迴過香港多間頂級酒店,都係半島酒店識搞吓復活節氣氛。
文華酒店Bakery退晒步,仲賣$32一個。
四季酒店廚房預備好都冇攞出嚟招呼食客應節。
半島酒店橙皮點綴夠搶眼。
Ritz-Carlton味道最正宗。
熱門新聞
  • 【姊妹花當眾換褲】O嘴!唔怕走光即場試新褲 職員:大家文化不同 113,186 views
  • 【獨家有片●扑中連詩雅前度】阿Sa瞓身暗撻百億麻雀館太子爺 進駐男友3億新屋過夜 61,468 views
  • 【同黃翠如爭仔】太陽娛樂打女楊柳青怒踢黃宗澤 40,527 views
  • 【向阿Sa挑機】連詩雅求翻撻闊少 搵前度細妹幫手 37,177 views
  • 【原諒鄭中基唔只77次】Sa基戀由隱婚到離婚 與陳偉霆姊弟戀分手最傷 36,176 views
  • 朱千雪未出場已多人like 蔡思貝搏盡扮醜依然惹負評:得個嘈字! 31,525 views