< 返回
  • 【街童跑手】唔好做炮灰 逃學威龍變長跑冠軍
  •   9,501 views │ 2017年06月17日
    留言()

 

曾幾何時,湯樂榆參與二千四百米的跑圈能力測試,一開步已經衝前。教練陳家豪見狀,大喝一聲:「嗰個女仔唔好做砲灰啊,去番後面!」十八歲的她,就是只會一股勁地往前衝,不理後果。

她以前住藍田,小六開始做邨童,是藍田的「逃學威龍」。「佢哋(其他邨童)同我講,你都唔使番㗎啦,大家都遲早讀唔到大學㗎啦,不如早啲出嚟番工啦。」受他們感染,她放棄學業,終日流連街上,煲煙、打機,夜深才回家。讀中學時曾參加田徑隊,卻諸多藉口不去練習,比賽輸掉又退出,把負責的老師氣得半死。「佢好嬲咁同我講,你狼(良)心當狗肺啊,我咁有心機栽培你,講咁多大話呃我。」

直至升中三時,她搬往九龍灣和母親同住,和邨童來往減少,生活也逐漸改變,她才再次跑起來。「父親常說運動對身體好,可以醫百病,講到好神奇咁樣。」

兩年前舊校田徑隊老師推介她加入「凝動香港體育基金」,遇上教練陳家豪,兜兜轉轉再踏上賽道。去年十一月,她在香港十五公里挑戰賽以一小時零分四十二秒刷新香港青年紀錄,今年的渣打馬拉松,則奪得十公里青少年組冠軍,再不是炮灰。

除了星期四和六,樂榆其他日子都要在晚上受訓,且大部分訓練場地離家頗遠,回家後差不多十二時才睡覺,翌日六時便要起床上學;加上她由中文中學轉校至長沙灣一所英文中學,多花了時間上學,坐地鐵甚至吃飯時間也要用來溫習。但長跑磨練心志,昔日輕言放棄的她變得勤奮、內斂,面對難關,會努力捱過。「學業成績唔好嘅時候就會諗番起,既然跑步咁辛苦我都捱過,呢啲算得係咩。」

昔日被稱為「砲灰」的她,現在繼續在賽道上努力地跑,少了點執著,對他人的期望也不會太上心,「我自己冇咩期望,通常係人哋俾我,我聽完就當係自己嘅,其實好多都係人哋幫我諗㗎咋。」話雖如此,樂榆還是立下目標,以師母姚潔貞為榜樣,成為一名長跑運動員。

現在她練習時總是直奔前方,彷彿心無雜念,但成長總會面對很多人和想法的交疊,人生很多課題,要咬緊牙關跑一會,才有答案。

撰文:鄭語霆
攝錄:莫智謙、鄭樹清
熱門新聞
  • 【公屋女富貴之路】住3000呎大屋Cammi箝實賭廳老闆 飛甩強國富二代水源充足 37,917 views
  • 【嫁入百億富豪家】31歲《宮心計》李美慧 直升機閃婚56歲富商曾文豪 36,140 views
  • 【洗米嫂堅挺Body】狂舉十公斤操到有背肌 身材砌低後生女 32,501 views
  • 【四千萬嫁妝過門 】37歲阿嬌下周做人妻 老闆楊受成再加碼750萬厚禮 29,683 views
  • 【夜總會打爆鼻樑】《飛虎》吳岱融喜愛爛蒲得罪黑幫 感激鍾淑慧諒解:佢冇鬧我 28,642 views
  • 【屋邨妹飛上枝頭】《飛虎》王敏奕靠曾志偉兒脫貧 千呎豪宅同居 27,693 views