< 返回
  • 【父親節快樂】畫家爸爸尋初戀感覺 貧血囡囡Trouble Two冇有怕
  •   9,355 views │ 2017年06月18日
    留言()

 

小朋友踏入Trouble Two(兩歲反叛期),會鬧情緒、不聽話,就如挑戰父親的極限。然而,初為人父的黃偉漢(Michael)卻甘之如飴,甚至將囡囡的Trouble Two記錄低,畫成不同的人像。Michael望住「冇時停」的囡囡,仍笑言:「寧願她過度活躍,好過她病。你周圍走、碌地,我都可以。」

Michael與太太均是隱性地中海型貧血患者,三年前意外懷孕,並驗出囡囡Happy屬中型,是罕見類型;大概是幾百萬分之一,嚴重者需長期輸血或會夭折。與太太掙扎過、爭執過,最後決保住囡囡。幸運地,Happy出生至今平安冇事,「除咗少少貧血之外,她比其他小孩子更活躍」。

「對我而言,在人生中(生BB)都算幾特別。反而係醫生同我講,她可能有事時,你就更加珍惜。」囡囡得來不易,令Michael學懂珍惜,更希望阿囡生活得開心、無壓力,「我唔想迫她去做咁多唔開心的事。」Michael自言小時候不愛讀書,亦不會強迫Happy一定要入名校。

在安全及不影響他人的情況下,Michael會任由囡囡周圍走、唔坐定定,他被人標籤為另類父母,「有件事都好深刻。太太同我講的,有人話她(餵囡囡)好似餵豬。阿囡食嘢好似去餵豬,因為(囡囡)食到周圍都係。聽起上來好似好funny,但唔係太好聽。」雖然被外間批評,不過他們處之泰然,「當然有人會同我講係我懶,我唔會理你講咩。對我而言,她開心最重要。你叫我令她坐定,而要去罰佢鬧佢、令佢喊,何苦?我心目中,想她自由一點。」

來到Trouble Two的階段,小朋友似懂非懂,開始有主見。Michael笑言除了瞓覺,Happy幾乎無時停,連食餐安樂飯「應該係impossible」,不過望住她由牙牙學語,到懂得表達自己,已覺得很窩心。「她會突然搭住你,同你一齊睇電視。那一刻,你就覺得,初戀的感覺。初戀就係咁,可能就係前世情人就係咁解。」

Michael慶幸當初決定帶囡囡來到這世界,「人就係有點衰格。依家係覺得好幸運、好好彩,百萬之一機會她中了,而她無事。係意外上再加幾個意外。你未失去,你不會珍惜。」

撰文:黎雅婷

攝影:林金展

相關連結:
【半單親爸爸】太太產後腦中風致全癱 鐵漢硬撐8年守護摯愛妻女
http://bit.ly/2rGCb79

【半單親爸爸】好老公接癱瘓妻返家 一家三口憑感覺溝通重拾笑容
http://bit.ly/2sgDOXD
熱門新聞
  • 何雁詩強迫棄養 鄭俊弘用倒鈎鐵鏈綁狗 251,379 views
  • 鄭俊弘把口話狗仔好乖 為氹女友將愛犬送走 46,640 views
  • 鄭俊弘被雪零收入身材暴漲 買嘢搵何雁詩埋單 40,614 views
  • 【撞晒樣】餅印爺孫戀 趙世曾新女表現差搏彈鐘 39,376 views
  • 起雙飛抗老 81歲趙世曾嗒過「有樓有高潮」Seasun? 36,010 views
  • 【豪語錄】《溏心3》被網友狂插 夏雨:係咪要上網同人鬧交 33,658 views