< 返回
  • 【我的父親】嫲嫲兼父職湊大自己 洗米仔哭了
  •   33,905 views │ 2017年06月18日
    留言()

 

九八年周柏豪約一歲時,其父親澳門賭業猛人洗米華開始建立自己的事業。零三年沙士時間,洗米華發展網上賭場生意,忙上加忙。照顧兒子的責任,便落在周柏豪的嫲嫲身上,「嫲嫲會管我啲功課,睇我有幾多分,睇我有無欠交功課,好多體罰,佢同我姑媽一樣,都好錫我嘅,當我欠交功課,佢就會打我。(你爸爸不阻止?)佢都唔知。」柏豪的童年,與嫲嫲相處時間最多,回憶亦特別深。

「我阿嫲一直都好錫我,其實係我阿嫲湊我大,因為我老豆忙,所以佢(阿嫲)算係飾演咗爸爸呢個角色。」洗米仔周柏豪直言在自己的成長中,嫲嫲是一直在他身邊支持及照顧自己,而爸爸因為工作關係,甚少了解自己的生活。

說起嫲嫲,柏豪便滔滔不絕,「我嫲嫲成日搞到我好嬲,佢每日都會俾零食我食,但佢好鍾意將啲橙同朱古力擺埋一齊,搞到我唔知點食,但係,而家都有啲掛住呢樣嘢。」一四年,嫲嫲因為肺炎離開了,留下的,是一段段對自己的回憶,這時,柏豪忍不住雙眼眨紅。

「我阿嫲好錫我,佢日日都會接我放學,咩係愛呢,當你日日都做同一件事,而唔係只做一件事,不停重覆重覆去做,呢啲先係愛。」但在2014年,肺炎聯絡上嫲嫲,最後更將她帶走,回憶起當時,柏豪很不忿,並強烈投訴肺炎,不應該找上嫲嫲:「肺炎唔應該揀佢,佢咩運動都做,又耍太極、又游水、學英文等等,做好多活動,係一個好有精神嘅人,但佢最後幾個月真係好辛苦 」

想到嫲嫲離開,柏豪始終忍不住,眼角的淚水洶湧而出:「我最後見佢嘅時候,佢瞓喺ICU,連住部機,淨係可以張開眼,想講嘢又講唔出,嗰種感覺係 當佢離開嗰時,我唔喺香港,我喺英國,我好傷心,我喊咗幾個月,非常難過,我只有同英國朋友傾訴,佢哋都不停安慰我。」

因為嫲嫲的離開,令到自己明白,「人生得意須盡歡,莫使金樽空對月」,他便開始做自己認為對的事------走上創業之路。

撰文:嘿文
攝影:韋平

相關連結:
【我的父親】讚老豆愛創新 洗米仔:佢依家學緊英文
http://bit.ly/2run4cD
熱門新聞
  • 【獨家】攬松岡李那曝光 洗米華漏夜飛英氹Mandy 93,258 views
  • 【真人發聲】黐洗米華扮愛情至上 現實松岡:我搵男朋友要好有錢 78,575 views
  • 【黃氏四千金】心美心穎做幕前 心妙係闊太 心慧遊世界 59,709 views
  • 【獨家●拍拖斷正】同台灣老公離婚 黃心穎大家姐心美撻著保釣烈士細仔陳安立 59,364 views
  • 【獨家】英國氹完Mandy 過完父親節洗米華今早回港 57,852 views
  • 【2個月減12磅】69歲元秋是親家姐 57歲闊太文雪兒自薦拍《溏心3》 54,968 views