< 返回
  • 【兩父子點會無拗撬】跟老豆學整花生糖 鬧到離家出走
  •   13,802 views │ 2017年06月19日
    留言()

 

其奧花生糖專門店太子爺黃廣鵬(Jason),兩年前從父親手上接管生意後,生意升了,為他注下強心針,亦令他的父母安慰。

回想最初跟父親學師整花生糖時,父子有不少拗撬。「佢(父親)教我時,淨係叫我放呢樣、落嗰樣,留意火喉,有啲糖有分量,有啲就無,潷出嚟就係咁多,倒入去就係。問佢即係幾多?佢就答『咪咁多囉』,真係搲晒頭。」父親整花生糖全憑經驗,為了保持花生糖那份味道,他唯有自行「執靚」食譜。「趁佢煮完糖漿,就拎起個羹,量一量,再記底個份量。佢用斤又用磅,我全部轉晒公斤,又易睇又易明,以後任何改動都容易。」他說。

除了食譜下功夫,他發現鋪頭流程、訂貨、放貨等地方很多問題,於是作出大幅改動。「鋪頭啲盒有兩個呎吋,次次為咗搵個蓋配返個盒,嘥晒啲時間,我索性換晒同一個呎吋嘅盒;以前無貨架,啲貨周圍放,你要拎貨就要搬走上面啲嘢;整好嘅花生糖又係無地方放,我就整咗一層層嘅架返嚟。」他再說。

改善鋪面外,他還製作了訂貨、點貨等單子,方便記錄各種貨品存貨量。不過這些改變,最初得不到父母諒解,雙方多次爭執,黃廣鵬更試過為此離開出走。「其實真係離開過幾次,每次都係同父母傾唔掂數,叫佢哋唔好做呢啲,佢哋硬係要做,或者唔肯改變,又或者自己要做,結果大家都辛苦。何必呢?我頂唔順佢哋想法就走,不過第二天又會會自動返來幫手。」他笑說。

撰文:陳明慧
攝影︰梁譽東

相關連結︰
【住元朗無理由唔識】大學畢業轉行整花生糖 孝順仔:唔做就摺
http://bit.ly/2txJ86L

【話晒係太子爺】踎喺元朗 溝唔到女
http://bit.ly/2slMYAD

熱門新聞
  • 【獨家】攬松岡李那曝光 洗米華漏夜飛英氹Mandy 93,241 views
  • 【真人發聲】黐洗米華扮愛情至上 現實松岡:我搵男朋友要好有錢 78,560 views
  • 【黃氏四千金】心美心穎做幕前 心妙係闊太 心慧遊世界 59,692 views
  • 【獨家●拍拖斷正】同台灣老公離婚 黃心穎大家姐心美撻著保釣烈士細仔陳安立 59,350 views
  • 【獨家】英國氹完Mandy 過完父親節洗米華今早回港 57,828 views
  • 【2個月減12磅】69歲元秋是親家姐 57歲闊太文雪兒自薦拍《溏心3》 54,930 views