< 返回
  • 【Startup●神奇發明】港版叮噹創自動沖涼椅 為老友記挽回自尊
  •   18,800 views │ 2017年06月19日
    留言()

 

兩年前,劍橋護老院爆出虐老醜聞,其職員涉嫌在露天平台上,把缺乏自理能力的女住客脫至全裸後,才推進室內洗澡,此情此景被護老院其他住客及附近大廈居民看到,被指嚴重侵犯私隱,引起社會關注。兩年後的今天,從多倫多回流香港的許承光(Samuel)跟香港科技大學工業工程及物流管理學系榮休副教授李家碩博士設計了Sit & Shower(自動洗澡椅);讓長者們可以坐著洗澡減低跌倒風險,更可透過專用app預先設定洗澡程序,不用別人落手落腳代為擦身,希望在分擔照顧者的工作外,同時為長者挽回自尊。

我點sell?回港就是要創業
「喺加拿大個邊搵廠開模會較貴,相反喺香港好多野可以喺網上從內地訂返嚟,平差唔多成十倍。」今年三十七歲的Samuel操著半咸淡廣東話,緩緩地說。十年前,原先在天然氣公司工作的Samuel回流香港,並找上其叔叔李家碩博士見面「傾大茶飯」。「返香港就係一心要做自己想做嘅野,叔叔雖然大我三十年,但佢諗頭多多。」於是Samuel跟依然鬼馬的博士創起首盤生意來,研發具透氣鞋墊的鞋款,一花就是九年,卻一直難以發圍。

深切感受老人苦況
一年多前,Samuel跟接近七十歲的博士正式把視線轉移在老人家身上。「我哋見到自己嘅親戚同朋友,上左年紀後沖涼有困難,要人幫手洗私處又覺得無面同尷尬,更嚴重嘅係會影響佢哋情緒。」二人成立了公司Human Washer,自資研發出為長者設計的Sit & Shower(自動洗澡椅),照顧者可預先在app中設定洗澡時間、水溫及是否洗頭等選項,更方便的是連梘液都能自動跟水混合,再由花灑噴出,省卻了擦梘的動作。洗澡椅共有十三個花灑,分別於頭上、背部、手臂、肩部及臀部等,以全方位洗淨身體。

老人院成最大市場
「一月尾時我哋參加咗黃金時代展覽會,認識到大約三十間老人院,有好多都表示有意合作做試點或者買。」洗澡椅佔地約九平方呎,可安裝在坐廁上,Samuel指原先希望能較省位地安裝在家中,方便一些不想入老人院的長者,卻發現香港不單土地短缺,連人手也是。「有間較細型嘅老人院分享,話佢哋每日要幾個員工,合共花三十個工時先可以成功幫所有老人家沖一次涼。」其現時與沙田醫院已展開合作,其醫院洗手間設計將會配合洗澡椅,以分擔護士工作。「我哋打算十月先開始推出市面,價錢大概是萬六至萬八蚊一部,包安裝及一年保養。」

採訪:黃綺敏
攝影:關永浩

相關連結:
【Startup●專家盤問】預設沖涼時間水溫 13個花灑全方位沖身
http://bit.ly/2sDgIeI
【Startup●創業貼士】無資金注意 五億創科生活基金可以點申請?
http://bit.ly/2rsuuNQ
熱門新聞
  • 【14個月大Kelly似媽咪】鍾嘉欣同老公十指緊扣返加國 88,559 views
  • 【開心速遞隻鬼冇咗】不甘俾大台玩 顧紀筠兒子冇癮解約 56,052 views
  • 重提李思捷委屈爆喊 春卷:捧到佢上天,最後忘記咗你 52,100 views
  • 【3日2夜】羅敏莊帶團泰國睇樓 捧60萬豪裝物業 43,212 views
  • 老公恨仔要生四個 鍾嘉欣開Turbo追仔 41,762 views
  • 【雜食王】李思捷四年偷食三件 春卷死忍 39,827 views