< 返回
  • 【DSE放榜●檢閱劣質文憑】IVE都唔收 過來人:學校話要試直升國力書院
  •   20,057 views │ 2017年07月12日
    留言()

 

「打機課程」,真是啱晒搵阿媽俾錢、實質想玩樂的「衰仔」。至於是否直入八大?過來人有話說。商科文憑的營運機構,是啟示書院(Compass College),而啟示書院的事跡,早已在網上瘋傳,其中Facebook更有Compass College Secrets專頁,控訴其銷售手法,例如有:「上去俾錢就有得讀 好似係要快啲俾錢」、「中途無返學,兩年後都追收學費」等。本刊找到在兩年前報讀啟示書院BTEC課程的Matthew(化名),他直指感到被騙:「嗰時考oral,個sales喺學校做問卷,我就俾咗電話佢,佢就係咁打嚟,同我講你讀完呢個課程之後係可以升上八大。我個分其實係可以讀副學士,但佢就係咁sell認受性比一般副學士、高級文憑高,升學率都係比較高,更加講到張cert同喺英國頒嘅一樣。」

Matthew續指,未正式就讀,已交了近四千元留位費,入學後不久已覺不妥:「個course無GPA,唔需要考試,唔需要present,每科就係兩份功課嚟衡量成績。一開學,就有阿sir對全班講,其實讀完係升唔到八大,個阿sir第二日就無返工。」他表示因已申請了學生貸款,「簽咗授權書,俾機構代取學費,所以走唔到。」他無奈指,到畢業後,才發現文憑上印有Compass College字樣,令面試處處碰壁:「出面學校連面試機會都唔俾,我同一個同學,去一啲IVE旗下嘅銜接學位課程,受到啲唔好對待。有句好有印象,就係:『吓!依間呀?』有個同學讀完,報副學士都唔收!」

另一舊生Peter(化名)亦承認:「讀完之後我再報IVE高級文憑,都係唔收,都係叫我報番基礎文憑。」他指出各院校是承認BTEC文憑,「但係呢間學校頒授嘅就唔多承認囉。」他曾向啟示書院投訴,但對方只冷冷回應:「今年先係咁。」他更大爆校方在畢業前,建議他們報讀合作機構的銜接學位課程:「俾咗幾間我哋揀,其中一間叫Bath Spa,國力書院搞嘅,就係蔡思貝衰咗嗰間。嗰時佢不斷要求我哋俾留位費,我都俾咗幾百蚊。之後就爆咗(假學歷)單嘢,搞到個個都唔想讀。」牽涉事件的還包括多間大學教授,及建制IT紅人楊全盛。記者到位於銅鑼灣的啟示書院查詢,發現學校鮮有學生及職員,負責接待的員工指:「要有升學顧問介紹先得,唔可以walk in查詢,一係就留低電話。」但一直未有相關人士來電。

撰文:財經組
攝錄:財經組

相關連結:
【DSE放榜●放蛇報讀】8萬蚊「打機文憑」真面目 「日日返學播片練習」
http://bit.ly/2tEFfOK

【DSE放榜●直擊】點問阿媽攞錢學打機? 職員教路:「話幫到我上大學」
http://bit.ly/2sVxFSM

【DSE放榜●搵出路】專家教揀文憑讀 「有啲價值好低接近零」
http://bit.ly/2t3BGQs
熱門新聞
  • 【小粉紅懺悔錄】黎明:洗腦教育令你內置思想警察(全文) 120,050 views
  • 【醫生與您】抗血小板藥與抗凝血藥的迷思! 53,212 views
  • 喪夫後深居簡出 吳婉芳唔慣大街人來人往跑住走 52,386 views
  • 【差點被遺忘】51歲呂頌賢佬味濃現身香港 扮令孤沖紅到依家 48,597 views
  • 【出賣前度群組】離譜!賤男開谷玩出賣 女文員憂被上載艷照 47,261 views
  • 【繞場壹週4.1 暗鬥浮面】 坐位有階級之分 楊思琦批踭唔係鍾沛枝Best Friend 42,934 views