眼前的Harry頭髮油淰淰臉上多暗瘡,說話不敢直視記者,是典型的網毒男。
上網,就是Harry最好的朋友。
「本身我是一個內向的人,唔敢同外界的人傾偈,後來在網上認識了一些朋友,如果我外面有朋友的話我會出去玩,但我在外面沒有朋友,於是我只好跟網上的朋友聯絡,所以由不常接觸電腦,變成日日對着電腦。」
Harry童年沒有太多朋友,也不會在走廊與鄰居的小孩踢足球,其他家長帶同學出街,他才認識到朋友,平時他只會躲在家裡看卡通片。
樣子太宅卻成為欺凌的對象,Harry說:「中學同學比較膚淺,以貌取人,中三時被排擠,直情全班都想隔離我,同學專登坐遠一點,甚至用石仔向我投擲。」
自認形象太毒,所以未拍過拖,唔夠膽識女仔,「現實係太難識朋友,因為我本身唔敢講嘢,識女仔更加是一件困難的事情。冇所謂啦,我又唔係走形象路線,哈哈,有一句俗語:『百貨遇百客』,有人鍾意我,就點都會鍾意我嘅。」
撰文:陳慧瑩
攝影:韋平
相關連結:
【封面●沉溺網毒●造字毒男】極毒宅男不出門 自行造字建全港鐵路圖
http://bit.ly/2uLzPl8 【封面●沉溺網毒●禁室機女】日夜喪打Online Game 少女嘆人生變得虛擬
http://bit.ly/2v6uAMv 【封面●沉溺網毒●禁室機女】社交活動嘥錢 打機女:寧願「課金」
http://bit.ly/2uLFrff 【封面●沉溺網毒●陶傑拆局】過度沉迷鎖死魂魄 迷失走上犯罪之路
http://bit.ly/2tCYWIn