< 返回
  • 【又開片】鬧爆簡Sir死霸物業 侯強:唔怕你惡 最怕你賴皮
  •   18,916 views │ 2017年07月17日
    留言()

 

記者咁啱行去上水,撞正鄉事委員會主席侯志強好鬼慶,捉住記者狂鬧簡Sir。發生乜事呀又?原來位於上水新功街二號嘅物業,係屬於鄉事會擁有,在五十年代由一班村民夾錢興建,當年定左個規矩,物業由當屆正副主席負責管理權,卸任後需轉名俾下任主席,運作左五十年都冇問題。點知,到2003年簡炳墀無法連任主席後,竟然賴猫堅拒轉名,就連當屆的副主席侯滿和廖錦財去世後,後人都唔好意思,主動交出死亡證,表明願意轉名交出物業,但牙刷簡就依然故我,睬你都生臭狐。

「有時做人不怕你惡,最怕你賴皮。你無法積福俾後代,後代俾人指指點點,做人要光明磊落,唔好偷雞摸狗,就算轉到名比個仔,你都唔好要啦!」候強狂轟,大佬,記者耳仔都聾呀。

物業日久失修,較早前簷蓬石屎突然剝落擊傷途人,屋宇署和法庭發出告票,簡又不肯負責,最後找律師安排賠償事宜。侯強好激氣咁話:「佢夠膽就賣左佢,我到時睇下佢點,不過如果人窮時候就有計。」

跟簡炳墀同屆任副主席的侯滿,其兒子侯慶全表示,父親去世後,其家人已交出侯滿的死亡證,願意進行轉名手續,而他自己亦曾親自苦勸簡炳墀要求轉名,但對方並無理會。

 

撰文:艾馬

攝影:海江田

 

相關連結:

【又開片】連環發炮爆粗鬧記者 牙擦簡:你戇居!

http://bit.ly/2uYQwtu

 
熱門新聞
  • 【港女最驚係呢種】男人話請去旅行 港女唔肯驚人呃蝦條(足本版) 54,561 views
  • 【男友想夾硬】唔俾就威脅分手 港女唔識拒絕:但我唔想咁快囉(足本版) 50,808 views
  • 【經典●五角苦戀搞到正印自殺】林青霞做雙重小三Out走蕭芳芳亦傳尋死 遭毒咒唔敢嫁秦漢(足本版) 45,591 views
  • 【壹經典●富豪娶姊妹為妻】髮妻裘錦秋空難亡 邱德根轉娶姨仔生三子(足本版) 38,277 views
  • 【天價公屋放租】懲教職員萬六蚊呎掃天價公屋 再叫租1萬回報有5厘(足本版) 31,995 views
  • 【每日壹爆●IG美人計騙局】性感美人計曬銀紙名牌 快錢黨劏青少年錄音曝光(足本版) 30,031 views