< 返回
  • 【貴過私人補習】電競學校收每人$3千 3個月收支平衡
  •   6,302 views │ 2017年08月08日
    留言()

 

打機打出商機,90後方俊謙(底線)及朱仲賢(朱仔)上年已計劃開電競課程,今年初就獲天使基金注資,成立香港首家「電子競技學院」,課程開辦短短三個月已達到收支平衡。

底線及朱仔未成立電競學院前,分別是電競隊員工及Youtuber,間中為電競賽事擔任旁述。「好多小朋友或者青少年都好有興趣入呢行,但對呢行無構念,電競唔係得比賽咁簡單。」朱仔指,開辦電競學院的目標,除了有感這一行將會是全港未來新趨勢之外,更希望透過學院,擴大香港的電競市場。

【電競有咩Post】唔只打機咁簡單 評述員、經理人 一樣搵到錢
http://bit.ly/2uxWbFH

現時課程共分三個單元,以5堂為一單元,每堂3小時,每單元學費需1,000元,全期三千蚊,貴過坊間一些私人補習課程。開辦短短半年已吸引過百名學生報讀。朱仔坦言首三月已收支平衡,開始有錢賺。他強調課程不只是「教打機」咁簡單:「我哋開辦之前都做好多功課,參考中國、韓國相關課程到底係點樣搞,甚至直接問佢哋拎意見。我哋最重視團隊合作,同埋遊戲數據分析,希望學員讀完之後,真係可以喺呢行發展。」而第一堂首先替學生而五人一組,訓練他們的默契及合作性,希望畢業後能整隊一起參加公開比賽。

兩年前中學畢業的多路(花名),曾報讀短期課程,現時報讀電競學院,希望在電競行業搵到終生職業:「全職工都打過,因為自己仲後生,想喺電競呢條路再發展,所以做咗幾個月就辭職。好開心屋企人都支持,自己目標想做後勤,或者協辦電競賽事。」

朱坦承,現時學院百多名學生畢業後,以現時香港市場未必能夠完全容納,可能要考慮其他地方發展。而底線就順勢開辦主播課程,讓一些有意成為旁述的學生繼續進修之餘,又可以擔任業餘評述員,賺取車馬費。韓國電競行業發展蓬勃,甚至將電競選手「明星化」,但底線認為,香港要發展下去港人心態亦要改變:
「其實韓國已經證明到呢行帶嚟嘅經濟效益可以好大,但喺香港對電競嘅標簽實在太多,打機選手就算拎到一個好高名次,好多人都只會覺得佢係廢青,我覺得至少要有一個尊重。」


撰文:梁延宇
攝錄:梁正平 廖健昌

更多電競報導:
【捉妖記】Pokemon熱捲全球 香港首辦電玩公開賽
http://bit.ly/2vw3ORm
【捉妖記】小精靈玩家直言上癮 花近10萬飛5國比賽
(http://bit.ly/2uhQfoM
【《街霸》製作人】春麗look講開發遊戲:「只是喜歡打機難以入行」
http://bit.ly/2fdC1Pl
【《街霸》製作人】亞運會將有電競比賽 「人數遲早超越傳統運動」
http://bit.ly/2v4j9Wy
【DSE放榜●放蛇報讀】8萬蚊「打機文憑」真面目 「日日返學播片練習」
http://bit.ly/2tEFfOK
【DSE放榜●直擊】點問阿媽攞錢學打機? 職員教路:「話幫到我上大學」
http://bit.ly/2sVxFSM
熱門新聞
  • 【大台性女】 馮盈盈當街吸啜咀男友面珠登 43,177 views
  • 【中環人語•天空龍吟】大媽伸手入褲袋 日本師傅滴淚 42,325 views
  • 懷孕甘比面容飽滿 拖實精神大劉出席酒會 38,088 views
  • 【中環人語●無陰功】每張單平均得40幾蚊 759林偉駿:搞優惠賺多幾蚊 37,736 views
  • 【胸前晃不停】何超蓮素顏跑街 37,290 views
  • 八兩金當街訓話扯晒火 八兩仔無癮笠晒水 33,018 views