< 返回
  • 【中環任我行】資金流就係分餅仔遊戲(渾水)
  •   2,845 views │ 2017年08月11日
    留言()

 

常常聽到一個講法,例如:「大市係一個資金市,現在的升勢係資金帶動。」一般情況來講,這是一句廢話,但廢還廢,中間還是有一點道理,要視乎你的領悟力有幾高。

大市是不是資金升,我不知道,因為我從來不分析大市、大股,即使我買了不少港交所(388)的認購證,都是賭博玩票性質。不過,我可以肯定,細價股就是資金市,靠資金流主導。

資金不資金,是扮高深騙人的sales tone,更貼地更似行家的講法是「魚」。「魚」即資金,所以逢親有人問「條街有無魚?」,即係代表有無資金流。細價股係資金市,那是因為細價股的炒作從來不是由基本因素、做好公司營運派息等去支撐,基本上純粹是資金流竄,炒作短線。

資金流本身就好像一個分餅仔遊戲,資金大體上都係得咁多,聰明的投機資金去了賭細股,那麼大股就會分薄了購買力。同樣地,現在輪證成交佔大市比例太大,輪證的確消化了不少資金購買力,變相少了錢去賭細股。現在細股仔的慘淡程度令我覺得即使大市上到三萬點,股仔還是不容易炒起來,大概DQ潮要過後,細股市場才會比較穩定一點。
熱門新聞
  • 【新手必學】素人變女神眼妝教學 75,299 views
  • 【一程壹會.女神背後(一)】紅的司機爆軼事 短裙女上車秒速黑面 數臭姊妹(白告) 45,599 views
  • 【條裙短到咁摟乜呀?】阿Gem牛一戰鬥格 男友買Cheap酒上家過夜 41,203 views
  • 【世紀合照】成龍袁詠儀冰釋前嫌 曾志偉做和事佬 40,827 views
  • 【隔代遺傳】「小糯米」唔似楊冪劉愷威 Isabella 孖仔同李嘉誠餅印 40,747 views
  • 【相愛10年】鼻血已流!佘詩曼梁靖琪率人妻齊晒長腿 40,150 views