< 返回
  • 【八卦陣】上訴庭副庭長楊振權 視中共黨員毛鈞年為恩師
  •   12,589 views │ 2017年09月06日
    留言()

 

將「雙學三子」黃之鋒、羅冠聰同周永康重判入獄六至八個月嘅上訴庭副庭長楊振權,中文水平令唔少人膛目結舌。到底佢師承何人?不得而知。但佢喺母校循道中學嘅恩師,原來就係曾出任基本法諮詢委員會秘書長,其後被揭係中共「地下黨員」嘅毛鈞年。

根據楊官母校循道中學五十五週年校慶特刊《璀璨瑤琚》,佢四年前接受訪問話中學時期深受一位中國歷史科老師影響,就係毛鈞年。毛鈞年冇教過佢,但佢就從對方身上學到「勤奮」,又話「受老師的影響,我也十分在意自己在庭上的廣東話判詞是否準確。若我發現自己詞不達意,回家後仍會反覆推敲 」

識得反省係好事,等我哋重溫一下判詞先:「香港社會近年瀰漫一鼓(股)歪風 有人,包括一些有識之仕(士),鼓吹『違法達義』的口號、鼓勵他人犯法。」一段錯足兩個字,仲鼓吹一個口號,楊官返屋企真係有排推敲。

之前佢喺庭上話:「重奪公民廣場個『奪』字已經有暴力」。受老師影響下,唔知佢覺得三反五反入面嘅「反」,同文化大革命嘅「革命」,又有冇暴力意味呢?

撰文:巫不言
熱門新聞
  • 【死囚自白】十八歲殺人 釋囚更生想做牧師 247,608 views
  • 【住院片首度曝光】5歲女Hanna抹腳餵飲水 劉華喊住感激朱麗倩:佢一路等我企起身! 211,166 views
  • 【死囚自白】女友苦等八年無果被迫分手 黑幫殺人犯:好戇居! 101,061 views
  • 【醫生與您】心房顫動與中風 98,778 views
  • 【小粉紅懺悔錄】黎明:洗腦教育令你內置思想警察(全文) 91,325 views
  • 【事業不順自困谷底】患抑鬱症絕望到想解脫 劉玉翠:我孤單自卑嫉妒憤怒 51,246 views