< 返回
  • 【移民真相系列●日本】港人日本打工17年 「升職機會近乎零!」
  •   59,853 views │ 2017年09月14日
    留言()

 

樓價高企、充滿戾氣,香港人壓力「爆煲」,有無解決方法?左邊范徐麗泰一句:「對共產黨無信心請離開香港。」右邊林奮強一句:「唔好喺香港住囉。」原來香港不再屬於香港人。

本刊採訪多個「離開香港」多年的例子,發掘移民真相。第一個個案,在日本香港人愛去日本旅行,但真正住落感受如何?移居日本的港人黃海帆(Frank),他在日本打工十七年,坦言在外資機構還是日本機構,港人都如「二等公民」。

Frank於二千年被公司調派到東京從事IT工作,在當地先後轉了三次工,一做便十七年。訪問當日,正值Frank回港度暑假的最後一日:「公司除咗公眾假期,每年都會額外有十日暑假,聖誕都有。」對於日本企業根深柢固的「無限期OT」、甚至過勞至死的現象,他坦言不少企業都已願意改變:「好似我這家公司,有個政策就係超時工作到夜晚八點就要事先申請,做足手續上嘅嘢。」
他甚至說:「如果你想hea啲嘅話,其實係幾適合去日本做嘢!」

他的回答令記者嘩然,因為日本工作出名壓力大,似乎與想像有很大落差,他解釋:「香港人喺香港可以好進取,好快上位;但香港人去到日本,即使進取都無用。因為喺外資機構,機會都俾晒外國人,至於日資機構就更加難上位,因為有咁多日本人要同佢哋爭。」源於外國人關係,hea唔hea都一樣難升職!
而且,港人轉工普遍都是加薪,但在日本就相反:「我喺香港(薪金)每年加百分之五至十,轉工嘅話加百分之十五至二十係正常。但喺日本,轉工嘅人工通常係會跌。」

他解釋,因當地多年幾乎沒有通脹,「轉工」對當地人來說印象負面:「嗰度大部分人一世只係做一間公司。最多只會調去唔同地區,人工每年加百分之二已經係好多。我轉這份工時,HR會問我,點解你喺香港轉工咁密,我唯一可以答就係香港文化。」

在日本工作,除了面對凍薪問題外,還有各種各樣的稅項:「第一個就係入息稅,人工愈多抽嘅百分比愈高,第二就係住民稅,第三個就係國民保險,類似香港醫保,嗰邊係員工同公司都要俾,另外就係失業救濟金,仲有年金,類似香港MPF。」他指,每月人工被抽約百分之十至二十五在稅項上。問到外國人的福利能否與當地人看齊,他就指:「除咗選舉權,基本上係一樣。」

撰文:梁延宇

攝錄:葉漢華

【移民真相系列●日本】「每月只俾零月錢」 日本太太婚後性情大變
http://bit.ly/2xhccox

相關連結:
【日本追夢●牛郎港男】因雨傘革命棄日本事業回港 「錢係最唔重要」
http://bit.ly/2pFLgeE

【日本追夢●去打工唔同去玩】日本一人生活費約1.2萬港元 四分一用嚟食
http://bit.ly/2pFQPXG

【日本追夢●一時衝動】涂謹申一口氣買兩個日本單位
http://bit.ly/2piQgGl

【日本追夢●圓童年夢】港女雜貨店打工 港日最大分別原來係
http://bit.ly/2ouMUec

【日本追夢●日本置業陷阱】買樓唔交匙 停業冇通知 業主大控訴
http://bit.ly/2oT5Kh1

【日本追夢●日本置業陷阱】大陸人香港搵客 氹人買樓賬目不清
http://bit.ly/2ouxXsO

【日本追夢●日本置業陷阱】隔山買牛冇監管 買樓放租四大注意事項
http://bit.ly/2oYnEB

【日本樓點揀】試過半年無交租 Ocean Three老闆:日本人一樣走數
http://bit.ly/2lFmCcd

【日本樓變民宿】追6釐回報 港人業主爆租客:用過床單都拎走
http://bit.ly/2lowQe5
熱門新聞
  • 【小粉紅懺悔錄】黎明:洗腦教育令你內置思想警察(全文) 119,249 views
  • 喪夫後深居簡出 吳婉芳唔慣大街人來人往跑住走 52,193 views
  • 【醫生與您】抗血小板藥與抗凝血藥的迷思! 51,745 views
  • 【差點被遺忘】51歲呂頌賢佬味濃現身香港 扮令孤沖紅到依家 48,300 views
  • 【繞場壹週4.1 暗鬥浮面】 坐位有階級之分 楊思琦批踭唔係鍾沛枝Best Friend 42,585 views
  • 【出賣前度群組】離譜!賤男開谷玩出賣 女文員憂被上載艷照 38,860 views