< 返回
  • 【市區鬼故團】灣仔斬樹者翌日暴斃 西環其實猛唔猛鬼?
  •   19,919 views │ 2017年09月16日
    留言()

 

不少老舊建築都有「鬼故」,早前一班西環街坊組成鬼故團,由西營盤走到上環,講鬼故也談歷史。此團更會派道符,稱供團友「驅邪辟鬼」,不過參與者都說不太害怕,何解?

「其實有少少係想呃佢哋出嚟嘅。」鬼故團導遊之一的徐可儀笑言。皆因三名導遊說的「鬼故」,多是與途徑地點有關的都市傳說,也有導遊自身經歷和其他街坊分享,她說希望透過民間口耳相傳的故事,讓人與人之間更緊密,驅使更多人關心身邊的古舊建築,探索自己社區的歷史。當晚幾十人一同聽故仔,就算有「朋友」緊隨,多幾個人在旁,心也定一點。

說是鬼故團,其實更像晚上舉行的社區導賞團,如第一站就到一五年盛夏時,幾棵細葉榕被斬的般咸道石牆。導遊說了個都市傳說(不是中西區的),望團友反省人該如何與大自然相處:
相傳開埠初期,灣仔妙鏡台有一棵百年老榕樹,常施法作弄街坊。一天有人刀鋸大樹(亦有說是惡作劇,以刀刺向樹身),樹木流出血來,翌日斬樹者暴斃,身上有相應刀傷。此後街坊深信該樹有靈性,對其敬畏非常,加以膜拜。

馬路旁的石牆,先是家園,後成刑場。可儀憶述兩年前斬樹當晚,萬千傷感在心頭。「無聲無息咁樣,半夜三更十一點幾,佢哋斬咗嗰幾棵樹,親眼見到嗰陣時,我係喊得好緊要。」

昔日由正街走上般咸道,樹蔭就是標記,無奈百年樹木,手起鋸落,回憶的堡壘,倒下只消六秒。她以為老樹會比她更長命,「你覺得你嘅世界有少少裂痕,真係傷咗個心。」

在舊區說鬼故搞導賞團,舊建築添了幾分味道,不過隨著近年中西區發展,舊樓換成新大廈,部份地點感覺不再,也欠現場感。「每逢我哋行過一啲地方,話俾人哋聽呢幢大廈以前係點點點嘅時候,其實個心都有啲唏噓⋯⋯如果我哋唔做嘅時候,其實呢啲故事會隨住個建築物本身唔係嗰個建築物,咁樣就會逝去。」可儀說。

物是人非,有如利東街一下子拆去再重建,弄出個不倫不類的「囍歡里」來,雖最後用回原名,但昔日情景,只能從歷史中回味。

撰文:鄭語霆
攝錄:石鎬鳴

【市區鬼故團】西環街坊:靈體「老笠」衣紙 劏房角落撞鬼
http://bit.ly/2wurUbP
熱門新聞
  • 【14個月大Kelly似媽咪】鍾嘉欣同老公十指緊扣返加國 78,585 views
  • 【醫生與您】逆轉針劑 56,191 views
  • 【開心速遞隻鬼冇咗】不甘俾大台玩 顧紀筠兒子冇癮解約 52,098 views
  • 一絲不掛出書爆大鑊 袁嘉敏堅係唔撈娛圈做OL? 51,299 views
  • 重提李思捷委屈爆喊 春卷:捧到佢上天,最後忘記咗你 48,421 views
  • 【3日2夜】羅敏莊帶團泰國睇樓 捧60萬豪裝物業 40,350 views