< 返回
  • 【八卦陣】民建聯萬聖節夾硬抽水 支持者都批評
  •   8,798 views │ 2017年11月06日
    留言()

 

新一屆立法會開波之後,拉布戰不斷,泛民同建制就政府提出、無約束力嘅一地兩檢議案過招。雙方打緊硬仗期間適逢萬聖節,民建聯唔知邊位,好有心咁整咗張poster似乎想揶揄泛民議員,點知最後搞到連支持者都批評。

張poster係民建聯fb喺萬聖節中午發帖,上面寫住「邊個係人,邊個係鬼,一睇就知」,底部就有泛民議員包括朱凱廸、楊岳橋同陳淑莊等六個人,被ps到好似鬼咁嘅樣,fb post就寫上「嚇我唔到嘅!你哋唔洗扮啦,慳番!」

朱凱廸第二日就一地兩檢議案喺立法會發言時,劈頭就反撃話其實睇落自己係人,但被民建聯燒緊、折磨緊;又舉例話好多市民唔想見到高鐵西九龍站實施一地兩檢,但建制派就火速推動緊,相信市民都有被折磨嘅感覺。佢之後係fb出post話:「係人係鬼,市民有眼睇。」

無錯㗎,唔少市民真係有眼睇,喺fb留言批評民建聯,連普通一個開心嘅節日,都唔放過用嚟攻擊政敵,「唯獨畫風幼稚 肯定會引嚟廣大市民嘅恥笑。」有支持者都忍唔住講出心聲,話泛民的確好黑人憎,「但不得不佩服人哋真係好齊心,建制就相對,一有小小事就拿拿林割蓆。」

撰文:巫不言
朱凱廸第二日即刻印埋張poster出嚟反撃。朱凱廸fb截圖
被民建聯改做「鬼」嘅泛民議員,包括朱凱廸、鄺俊宇、陳志全、毛孟靜、楊岳橋同陳淑莊(左至右)。民建聯fb圖片
網民對於呢張由民建聯悉心改圖製成嘅poster,冇乜好評。民建聯fb截圖
支持建制嘅網民,都忍唔住批評民建聯唔夠泛民齊心。民建聯fb截圖
熱門新聞
  • 【大開殺戒】涉追數官司 張繼聰遭TVB全面封殺 147,325 views
  • 【前世情人嗲到暈】 沈嘉偉同倒模邱淑貞淺水灣拍拖 57,726 views
  • 【試晒造型影埋年曆】陳國邦損失慘重 請假推jobs後被方丈翹起 44,479 views
  • 【自由身上ViuTV變死罪】大台說拍《包青天》 陳國邦臨門被飛 43,267 views
  • 【獨家】何志平美國被捕當日 胡慧中金鐘神情凝重收短信 42,980 views
  • 愛足五十年 74歲白茵潮爆繑實老公行街 40,362 views