< 返回
  • 【不能跑的球賽】健步足球講體能也講心 教練:老友記好投入
  •   4,976 views │ 2017年11月27日
    留言()

 

健步足球二零一一年發明於英國,短短數年間,當地已成立超過九百八十家健步足球會。香港中華基督教青年會(YMCA)一五年赴英考察歐洲的長者服務時發現這項新興運動,並於去年起引入,同年九月開辦健步足球班,今月初更舉辦首屆「健步足球先進盃」。

這種有異於一般足球的玩法,令執教足球三十六年的教練劉以薰都表示,和最初的期望不同:「我期望只係好似普通教足球咁樣,但發覺除咗要小心啲、諗多啲,老友記身體平衡、協調、體能都冇年輕人咁好。」

除了體能,老友記參加時的心態也有不同,令劉sir有意外驚喜。他憶述,初時老友記多是獨自參加,大家也缺交流,但逐漸熟絡後,即使從未踢過波的學員都玩得投入,足球班的WhatsApp群組也很活躍,學員走出球場後就成為朋友。「佢哋嘅投入影響咗我,令我唔能夠鬆懈。」劉sir說。

老友記享受其中,自然與踢波的特性有關。YMCA註冊社工甘光孝(Jacky)指出,健步足球能令參加者從溝通和聽從教練指示中,滿足社交需要,加上踢波需要手眼協調和高度集中,有助提升認知能力,「佢哋玩健步足球,本身都會得到滿足感,喺退休生活搵到目標。」他估計全港約有一百二十名「準退休」或已退休的老友記參與健步足球。

不過,健步足球要在香港繼續發展,也面對場地和導師人數不足等問題。Jacky表示,YMCA會提供室內場地,但開放時間有限,康文署轄下的室內籃球場也多不許進行足球比賽,而全港目前只有兩名健步足球導師,未來會開辦導師班,讓更多人認識健步足球,到社區不同角落執教。

撰文:鄭語霆
攝錄:時事組

相關連結:
【健步足球】老友記:一年冇睇過醫生 捧八公斤米冇難度
http://bit.ly/2n4JeVl
熱門新聞
  • 何雁詩強迫棄養 鄭俊弘用倒鈎鐵鏈綁狗 244,836 views
  • 鄭俊弘把口話狗仔好乖 為氹女友將愛犬送走 44,746 views
  • 鄭俊弘被雪零收入身材暴漲 買嘢搵何雁詩埋單 38,942 views
  • 【難忘舊仇】梁思浩拒做《百萬富翁》嘉賓 請主持陳志雲食檸檬 29,092 views
  • 【人神共憤】鄭俊弘用倒鈎鐵鏈綁狗 何雁詩網上回應:我是狗癡⋯唔係好明發生咩事 28,497 views
  • 多災多難 何雁詩戀鄭俊弘連阿爸都唔撐 27,047 views