< 返回
  • 【健步足球】老友記:一年冇睇過醫生 捧八公斤米冇難度
  •   6,115 views │ 2017年11月27日
    留言()

 

去年香港中華基督教青年會(YMCA)引入為五十歲以上人士而設的「健步足球」,老友記能在球場上馳騁之餘,毋懼激烈碰撞導致受傷,有學員更從中認識新朋友,一起分享人生最後歲月的甜酸苦辣。

「我通常介紹(自己)就『凶兆』個兆,哈哈哈!」學員之一的兆哥說。他解釋,以前自我介紹時會說是「桃花冇木旁」,但由此推敲出「兆」字的人不多。尚有兩年便踏入古稀之年的他,是班上的老頑童,年輕時熱愛踢波,但波友一個個隨年月老去,兆哥也「掛靴」逾十年,直至去年YMCA引入健步足球,他連忙儲起相關剪報並報名。

「(最初)「一條冷」嚟,一個人都唔識,但係而家大家都好老友,可以互相取笑。」兆哥說。老友記練習後會相約一起飲茶,閒話家常。YMCA室內場地「抖暑」時,他們會頂著烈日曝曬,另覓街場練習,名為「太陽盃」。

兆哥最初參加時,可謂是「例遲中堅」,原來是因為出門前要先照顧患上胰臟癌的愛妻,把藥煲好才出門,足球班結束後又要「過海」回港島。後來老伴不敵病魔離世,學員主動安慰他,「(社工)甘sir好好,走嚟俾個hug我。」

談起太太時一度哽咽的他說,擺出一副老頑童的樣子,是希望身邊的人都開心,「自己心底裏面、生活好唔開心,但我都唔希望我嘅唔開心傳染出去。」如今有足球班學員和他分擔傷悲,算是能再碰足球以外的收穫。

「我出到街,個個都話我咁開心嘅?身體健康就開心嘛!」七十一歲的淑姑,一直未踢過波,五年前丈夫病逝後頓失老伴,去年看見有健步足球班,便報名一試。活動多了,淑姑高興地說,自己已有一年未看醫生,甚至可以在街上幫助他人,老當益壯。「有個老人家買咗一包八公斤米,佢話攞唔到,我幫佢攞返屋企。」

同樣七十有一的文哥,和兆哥一樣是愛踢波之人,但一般足球對上年紀的他而言相當劇烈,唯有放下足球,直至女兒發現健步足球班,便鼓勵父親參加,不過新規則對波齡逾六十年的他而言,是一大挑戰。「雖然跑得唔快,但腳步都會離咗地,如果一離地就已經犯規,所以都要時間適應。」

女兒知道他熱愛踢球,但太太擔心他受傷,反對他落場。有一次文哥如常練習,太太偕其兄長到場觀看。看見丈夫踢得起勁,這種足球也不危險,連自己也有興趣起來,報名參加。女兒覺得驚奇,他也笑言這是一大轉變,「連我自己都估唔到。」

撰文:鄭語霆
攝錄:時事組

相關連結:
【不能跑的球賽】健步足球講體能也講心 教練:老友記好投入
http://bit.ly/2Bcu828
熱門新聞
  • 何雁詩強迫棄養 鄭俊弘用倒鈎鐵鏈綁狗 244,836 views
  • 鄭俊弘把口話狗仔好乖 為氹女友將愛犬送走 44,746 views
  • 鄭俊弘被雪零收入身材暴漲 買嘢搵何雁詩埋單 38,942 views
  • 【難忘舊仇】梁思浩拒做《百萬富翁》嘉賓 請主持陳志雲食檸檬 29,092 views
  • 【人神共憤】鄭俊弘用倒鈎鐵鏈綁狗 何雁詩網上回應:我是狗癡⋯唔係好明發生咩事 28,497 views
  • 多災多難 何雁詩戀鄭俊弘連阿爸都唔撐 27,047 views