< 返回
  • 【志氣老伯】殘障無阻手製木櫈維生 慨嘆手藝無人鍾意
  •   8,464 views │ 2017年12月04日
    留言()

 

在人多車多、交通繁忙的荃灣街頭,一輛掛滿木櫈的電動輪椅緩緩在街上前進。由於人多路窄,輪椅有時甚至被迫駛出馬路。

現年八十七歲的龍師傅,正是這些全人手製木櫈的製作者。由選料、切割、組裝、打磨至上油,所有程序他都一手包辦,並把成品親自送到客人的手上。行動不便的他,利用電動輪椅來回工場送貨,出入時險象環生。龍伯不時搖頭嘆息:「老啦,又行唔到,好多嘢都做唔到。」

龍伯拿著手上半製成的櫈仔,「呢張櫈仲未磨,未上油,都整咗四日。」伯伯所製的木櫈用上優質的木材,堅固耐用,可以用上數十年。「啲人用一百幾十蚊買一張櫈,我哋唔賣得貴,但好花功夫!」

入行製櫈二十多年,龍伯見證手作業衰落,經營環境變得越來越差。「個社會變得太快啦,無人鍾意我啲嘢,個個都去買現成嘅櫈。」龍伯自知不能以此維生,「我賣櫈唔多,賣一張只有一百二十元,一日嘅收入。」

然而,龍伯並非每一天都有訂單接,故收入非常不穩定。他苦笑著說:「餓你唔死,又唔會飽。」靠這微薄收入加上領取的生果金,龍伯勉強夠應付生活,他不願領取綜援,希望以一雙手養活自己,「夠管理費,夠伙食,搞掂!」

撰文:文倩儀
攝影:海江田
熱門新聞
  • 【港女最驚係呢種】男人話請去旅行 港女唔肯驚人呃蝦條(足本版) 52,458 views
  • 【男友想夾硬】唔俾就威脅分手 港女唔識拒絕:但我唔想咁快囉(足本版) 48,943 views
  • 【經典●五角苦戀搞到正印自殺】林青霞做雙重小三Out走蕭芳芳亦傳尋死 遭毒咒唔敢嫁秦漢(足本版) 44,943 views
  • 【壹經典●富豪娶姊妹為妻】髮妻裘錦秋空難亡 邱德根轉娶姨仔生三子(足本版) 37,797 views
  • 【天價公屋放租】懲教職員萬六蚊呎掃天價公屋 再叫租1萬回報有5厘(足本版) 31,770 views
  • 【每日壹爆●IG美人計騙局】性感美人計曬銀紙名牌 快錢黨劏青少年錄音曝光(足本版) 29,545 views