< 返回
  • 【生意●麻辣醬兩月賣斷市】嫌請人麻煩 名廚獻「共享廚房」妙計:餐廳依家唔使請廚師!
  •   19,437 views │ 2018年01月01日
    留言()

 

富哥深信,單以一人一鍋在香港未必能夠打響名堂,餐廳最少要一款招牌菜才能吸引客人。由於不少港人喜歡吃辣,決定跟細輝到四川搵香料。細輝表示:「單單個麻辣醬已經研發咗半年時間,有十多款配料,除咗花椒、八角、豆蔻外,仲有一啲香港搵唔到嘅材料,因為已經精細到0.5克,將佢整成醬,比例配搭都好麻煩,依家鋪頭嘅麻辣都係用呢隻醬做湯底,雞煲、烤魚都用到。」

記者試過,發現辣味不算太重,反而之後有濃濃的香料味,有別於一般麻辣店。他更指食品質素一定比連鎖快餐店好:「我哋煮道用CAB(檢定安格斯)牛、黑毛豬肉、廚師腸都選用最好,但價錢相對大家樂或者大快活,都再低一啲!」

富哥更指,早前決定將麻辣醬獨立出售,第一批貨二千多樽在兩個多月即售罄:「依家得桶裝交俾同行,街坊太踴躍,都話買唔到,開始有啲怨聲載道。」

請人難、租貴,似乎是在香港經營食肆的「死症」,在食評網上,亦不難發現有客人投訴餐廳員工的服務有待改善,而餐廳亦留言致歉。問到老闆之一大輝,在香港請人是否很難,他立即回答:「香港做飲食嘅人同美國好唔同,非常多的炒散同員工態度是十分差,老實講,我哋已經辭退咗幾十個員工,依個係喺美國從來無遇過嘅事!」

餐廳老闆在港開店前已預到有這個風險,除了多到餐廳「落場睇鋪」。為減成本,決定另設中央廚房,富哥就指:「你知道依家根本無人入行,同埋只要將半製成品送到分店,去到分店主要做嘅就係翻熱,最少慳兩至三個廚師,同埋我唔驚廚師隨時唔做。」現時中央廚房由富哥監督,所有出品都跟足食譜烹調,出錯的機會甚少,「基本上只需有一個有責任心嘅年輕人,通過一個星期至一個月的培訓,佢就可以掌握晒所有嘢。」

由於中央廚房設備充裕,他們更着力發展「共享廚房」,就是將現成的菜式賣給同行:「好多餐廳都未必做到咁多款餸,我哋就可以幫手煮啲,或者可以度身訂造想煮嘅款式。」富哥更透露有不少知名餐廳已向他們「落單」,他們更打算設計飯盒到超級市場寄賣,充分利用中央廚房設施。

老闆之一大輝坦言,現時香港飲食業經營困難,未來發展目標都是以餐廳合作為主:「香港請人好麻煩,開咗兩間之後,都好頭痕員工問題,依家成行無人鍾意做長工,同埋睇到好多後生仔情願自己創業,我們就打算俾多啲機會佢哋。」他就指,將來分店暫定在美國開設:「嗰邊成本平啲,同埋香港係飲食之都,做到嘅對嗰邊生意都有幫助!」

撰文:梁延宇
攝錄:廖健昌

相關連結:
【生意●最平32蚊】米芝蓮名廚開平價麻辣火鍋 機械人送餐吸客月賺30萬
http://bit.ly/2C79wNH
【生意●最平32蚊】米芝蓮名廚開平價麻辣火鍋 機械人送餐吸客月賺30萬
http://bit.ly/2lpF8mz
熱門新聞
  • 【攞公屋住一世】300呎間3房全部雙人床 預埋個仔娶老婆 213,855 views
  • 【攞公屋住一世】全屋住4人用盡300呎 盡用空間好多暗格 37,665 views
  • 【蝸居宅急變】地拖變Dior 家居創意達人Queenie屋企勁多蠟燭 28,643 views
  • 【香港饑渴男女】男沉迷自慰不能自拔 女日需幾十次高潮 26,526 views
  • 【富豪大宅】四叔山頂大宅完工 90歲搬入長壽大屋 24,508 views
  • 傳態度差棄用鄭俊弘 陳家樂執二攤演《逆緣》冷凍人 24,023 views