< 返回
  • 【八卦陣】「范大師」畫狗仔 日本人都排隊等
  •   7,672 views │ 2018年01月05日
    留言()

 

仲有兩個月先到農曆新年,但宣佈參選新東初選嘅范國威已經好鬼勤力,幾乎日日擺街站,仲寫定揮春同埋畫狗仔水墨畫,出盡力氹新東市民開心。

大學本科讀美術嘅咖哩飯,畫出嚟嘅狗仔都真係幾得意,仲有得揀想佢畫雪橇犬、八哥定係史納莎。原來佢擺街站畫年畫,已經畫咗十五年,佢同《壹》仔講以前好蠢,畫一幅畫要成半個鐘,天寒地凍真係鬼有人肯等佢畫,不過依家佢就學精咗,一幅畫三至五分鐘就畫好。

計計吓,佢每次擺街站可以畫大概四十幅畫,今年佢會巡迴新東一個月擺站,睇嚟畫一千幅年畫真係不是夢。仲有日本人特登預先email問佢,邊度可以攞到佢嘅畫,上星期日就去咗將軍澳排隊拎「范大師」嘅真跡。

公民黨大狀余若薇嘅字畫出名靚,唔少政黨每次籌款都會搵佢幫手畫兩幅字畫,每幅都以幾萬蚊甚至更高額成交。如果今次新東初選咖哩飯跑出,唔知民主派會唔會嚟個大團結,搵埋佢幫手畫水墨畫籌款呢?

撰文:巫不言
熱門新聞
  • 【港女最驚係呢種】男人話請去旅行 港女唔肯驚人呃蝦條(足本版) 53,664 views
  • 【男友想夾硬】唔俾就威脅分手 港女唔識拒絕:但我唔想咁快囉(足本版) 50,002 views
  • 【經典●五角苦戀搞到正印自殺】林青霞做雙重小三Out走蕭芳芳亦傳尋死 遭毒咒唔敢嫁秦漢(足本版) 45,299 views
  • 【壹經典●富豪娶姊妹為妻】髮妻裘錦秋空難亡 邱德根轉娶姨仔生三子(足本版) 38,037 views
  • 【天價公屋放租】懲教職員萬六蚊呎掃天價公屋 再叫租1萬回報有5厘(足本版) 31,891 views
  • 【每日壹爆●IG美人計騙局】性感美人計曬銀紙名牌 快錢黨劏青少年錄音曝光(足本版) 29,807 views