< 返回
  • 【新盤裝修攻略一】新盤房多則細 「新舊合一」慳錢大法
  •   11,114 views │ 2018年01月09日
    留言()

 

回望過去一年樓市,一手盤獨贏,不少發展商喊着「月月有樓賣」口號連環推盤,劏房盤都賣過千萬!其中頂層或特色單位更加搶手。不過,有設計師教路,這類單位雖然屬新入伙,裝修時也不能想點改就點改,一定要保護原先牆身,否則水浸眼眉,令單位滲水漏水。而新盤裝修亦有招數,配合慳錢原則,務求不浪費新簇簇的交樓素材及用料。

新盤樓價愈來愈貴,俾得起首期,已未必有餘錢豪裝。E F Design 設計總監馮建耀Eric 以數宗個案分享,盡量慳錢方法。其中一宗個案是新界錦田北的「PARK YOHO Venezia」(峻巒1B期)頂層特色單位。Eric 說:「屋主係一對年紀老邁、由外國回流嘅夫妻,離開香港十幾二十年,想回港共享天倫。」他們入手的頂層特色戶,連天台總面積二千五百多呎,而屋主二人正正「吼中」此單位的開揚景觀,讓他們尋回一絲外國藍天青草的感覺。

「喺香港潮濕天氣下住獨立屋,壞處係會有好多蚊,天冷時都會有!屋主因此選擇頂層單位。而且頂層空氣好啲,景觀更加係兩回事。」單位內置連接天台的樓梯,讓屋主能方便享用兩個戶外空間。而房間大多為落地玻璃,令視覺上變得寬闊。「就咁喺客廳呢層,佢哋已可以透過個大露台,享有一個十六比九、綠油油好開揚嘅景觀。」迎入眼前的是大欖郊野公園以及錦田河之綠意,更能遠眺至深圳樓群。

此頂層單位間隔是四房雙套設計,可惜房多卻不代表實用。「我哋將主人套房同兩個客房打通,變成三合一。」原則主人房連廁所有一百呎,但每間客房只有約三十五呎,在只有兩人居住的情況下可謂得物無所用。打通後空間感足,也更方便放置大床及大衣櫃。Eric 坦言改動間隔是裝修費中的主要開支之一。「而家新盤發展商嘅交樓標準,質素都已好高。呢個盤原則交樓時嘅客、飯廳,以及上天台嘅內置樓梯,都已經鋪咗雲石。」交樓標準所鋪的雲石顏色,屬易襯的米白色,因此只要把屋內設計的主色、材料及質感融入其中,便能「新舊合一」,也能好好「慳住」屋主荷包。故對比打通三房,客廳層的裝修開支,便只需以粉飾為主。

做明喉防滲漏
頂層戶的珍貴之處,是其獨享的特大天台。為了一次過滿足屋主的三個願望,天台中的「無形」間隔也要下足功夫。「除咗預留位置燒烤及聚會外,我哋更加留咗空間俾屋主種花。」記者眼見的花槽及樹槽至少有三至四個,深度不淺,種植大型植物絕無難度,配有其他放置於地上的大小盆栽,屋主可以享受園藝之樂。「我另外打造咗個客廳、飯廳以及室外廚房,令整個天台嘅功能性大大提升。」為了應付屋主兒孫聚首一堂、相當熱鬧的情況,單是飯廳已有一張六人大枱,加上有吧枱及客廳的數張戶外沙發,可以容納十五人。

「好多人會喺天台或露台加水喉,用嚟洗地同淋花。但記得一定要做明喉,千祈唔好做暗喉!」Eric 解釋,大廈原先牆身已有做防水層,如裝修不慎鑿穿牆身,首當其衝受難的會是樓下自己單位。同樣地,要於天台或露台鋪上戶外特色地台時,也要有所注意。「鋪地台時一定唔可以封密原先地面嘅去水位,或係要做到微微傾斜,等雨水得以流走唔會水浸。」不少擁有天台的業主也望能有一些儲物位置,這次屋主也不例外,但Eric 提醒:「如果係放於天台嘅組合屋或儲物櫃,記得高度唔可以超過一米半,否則就會觸犯香港法例。」

撰文:黃綺敏
攝錄:梁正平

相關連結:
【新盤裝修攻略二】中國人忌無依靠 設計「玻璃屋」有計
http://bit.ly/2ADYDgT
熱門新聞
  • 【港女最驚係呢種】男人話請去旅行 港女唔肯驚人呃蝦條(足本版) 53,650 views
  • 【男友想夾硬】唔俾就威脅分手 港女唔識拒絕:但我唔想咁快囉(足本版) 49,976 views
  • 【經典●五角苦戀搞到正印自殺】林青霞做雙重小三Out走蕭芳芳亦傳尋死 遭毒咒唔敢嫁秦漢(足本版) 45,290 views
  • 【壹經典●富豪娶姊妹為妻】髮妻裘錦秋空難亡 邱德根轉娶姨仔生三子(足本版) 38,024 views
  • 【天價公屋放租】懲教職員萬六蚊呎掃天價公屋 再叫租1萬回報有5厘(足本版) 31,891 views
  • 【每日壹爆●IG美人計騙局】性感美人計曬銀紙名牌 快錢黨劏青少年錄音曝光(足本版) 29,801 views