< 返回
  • 【只要Plan A】市民:眾志係中國人嘅光榮!
  •   12,505 views │ 2018年01月30日
    留言()

 

星期日晚嘅「只要Plan A」集會,有父母帶住仔女出席,反對政府橫蠻無理DQ,亦都有八、九十歲嘅老人家,出嚟撐眾志一班後生仔。八十歲嘅張伯對今次二度DQ事件覺得好嬲,批評林鄭月娥政府「上綱上線」。

張伯怒斥:「民主自決有咩問題?我獨立去生活得唔得?咁又係港獨喇喎?」對於眾志一班後生仔,佢讚口不絕,話佢哋係香港人、甚至中國人嘅光榮,因為佢哋爭取嘅事情正確,「你睇吓眾志主席(秘書長)黃之鋒,喺世界都有知名度。」

佢仲引用埋習大大講話要依法治港,「係習主席講㗎喎,點解我哋講一套又做一套呢?點解你呢班手下,習主席嘅嘢你都唔聽?習主席話支持香港特首依法治港,咩叫法治?唔係人治吖嘛!點解你哋個個都唔聽呢?」

最近浸大是非不斷,《壹》仔撞見佢哋學生會候選內閣主席黃雅文,佢覺得:「依家咁樣係褫奪香港人投票嘅權利,同埋參選嘅權利,呢樣嘢係唔公義,我哋要出聲。」其實佢參選學生會,好大機會將來被列入「港獨黑名單」,不過佢話唔理得咁多。

「無論係議會或者喺校園,我哋見到最近都係瘋狂被建制派打壓,無論用言論、用媒體、用所有勢力,甚至係本身一啲制度嘅不公。」黃雅文話除咗議會,更加相信喺街頭同社區入面,其實都可以組織到反抗嘅力量。

撰文:巫不言
選舉主任上星期六取消周庭(中)嘅參選資格,黃之鋒(左)同羅冠聰(右)等一班香港眾志成員,將來參選機會渺茫。
八十歲嘅張伯依然中氣十足,仲引用習總講過要依法治港,點解港府又唔聽話,用人治唔講法治呢。
習總曾經講話,全面依法治國係國家治理的一場深刻革命,必須堅持厲行法治。
熱門新聞
  • 【每日壹爆●銀城吸煙惡女】直擊店員商場內狂煲煙 被指阻塞通道即鬧爆保安(足本版) 78,429 views
  • 【每日壹爆●青龍教秘中秘】億萬富婆為賣淫集團煮飯 高級督察揭她是誰......(足本版) 64,332 views
  • 【港版TFBOYS ? 】《全民造星》Mr.Jan 童顏搶晒鏡 劉美君話唔做戲嘥晒! 55,841 views
  • 【赤裸的女人】34歲天體港女:著衫好束縛唔舒服(足本版) 54,145 views
  • 【經典●張栢芝接江湖姦殺令】吳雪雯唔接戲被圍毆 蔡慧敏被禁錮72小時 (足本版) 52,960 views
  • 【呢頭離婚嗰頭來港陪Niki】為38歲周麗淇 軍部演員傅程鵬甘做泊車仔(足本版) 51,814 views