< 返回
  • 【浸大風波】普通話豁免試難過登天 新聞系學生:無guideline俾我哋
  •   10,450 views │ 2018年02月02日
    留言()

 

浸大普通話風波的導火線,是較早前推行的豁免考試只有三成考生及格。考獲及格成績的新聞系4年級學生Cecilia從小學到中學也是以普通話修讀中文科,對自己普通話程度有信心,也不欲再浪費3個學分修讀普通話科,故報名參加豁免試。但考畢測試後,考官卻跟她說聽不懂她說甚麼,令她有感豁免試無任何準則讓學生參考。

「例如扮演的題目,我講『雜訊很多』,佢話呢個唔係普通話用語,所以聽唔明白,但我唔知道原來普通話係冇『雜訊』呢個term,一定要用『雜音』佢至聽得明。」她又舉例,考試要求學生分辨「朝早」、「今朝」和「早上」幾個組合的分別,「我中文系嘅朋友去考都分唔到。」

Cecilia認為,豁免試不單測試學生朗讀及選詞,更考臨場反應及內容,對於完全沒學習過普通話的人是一個挑戰。「準備時間不足,考核嘅題目又太多,題目又唔貼地,我考完一刻覺得自己會fail。」

陳士齊接受記者訪問時形容,學生對校方普通話畢業要求已忍無可忍:「長期逼佢讀時又刁難同學」。指二○一六陳樂行發起校內公投,要求取消普通話畢業要求後,校方推出豁免試安排,考試結果卻出乎意料「一出成績就大家都譁然,400個同學都覺得被騙」。

陳士齊又指豁免試難度之高,就連普通話成績優異的同學也不過關:「我們有一個同學是翻譯系中普通話翻譯A級也不過關,你想想,怎麼有可能?」「佢哋已經怨氣好深,尤其係相信豁免試會大部分過關,點知唔過關,仲要係不合理地不過關」結果學生會到語文中心要求交代評分準則,引爆往後的風波。

 

撰文:黃心悅、忻肇康

攝影:王晴、海江田
熱門新聞
  • 【每日壹爆●銀城吸煙惡女】直擊店員商場內狂煲煙 被指阻塞通道即鬧爆保安(足本版) 78,429 views
  • 【每日壹爆●青龍教秘中秘】億萬富婆為賣淫集團煮飯 高級督察揭她是誰......(足本版) 64,332 views
  • 【港版TFBOYS ? 】《全民造星》Mr.Jan 童顏搶晒鏡 劉美君話唔做戲嘥晒! 55,841 views
  • 【赤裸的女人】34歲天體港女:著衫好束縛唔舒服(足本版) 54,145 views
  • 【經典●張栢芝接江湖姦殺令】吳雪雯唔接戲被圍毆 蔡慧敏被禁錮72小時 (足本版) 52,960 views
  • 【呢頭離婚嗰頭來港陪Niki】為38歲周麗淇 軍部演員傅程鵬甘做泊車仔(足本版) 51,814 views