< 返回
  • 【航海界珠峰】環球帆船賽運動員手心長滿繭 「廿幾日冇得沖涼」
  •   8,961 views │ 2018年02月03日
    留言()

 

香港今年首度成為Volvo Ocean Race環球帆船賽其中一個分站。這個國際比賽被喻為是「航海界的珠穆朗瑪峰」,是公認難度最高的環球帆船賽。對比賽的水手來說,亦是一大挑戰。

第二次參加Volvo Ocean Race的東風隊隊員陳錦浩形容,船上生活艱苦。「我哋喺離開咗碼頭之後,一升起主帆,就會喺抵達終點後先會落帆,即係我哋一出發之後,就會廿四小時不停航行。」風向一轉、風力一變,水手就要透過不停操作絞盤來調帆,因此每個水手的雙手都長滿了繭。

Volvo Ocean Race環球帆船賽是全世界最長距離的運動賽事,全程45000海里,橫跨四大洋,當中有十二個分站,歴時八個月完成。每個賽段維持數十天,最長達一個月,其間吃、喝、睡,通通都在船上。一艘帆船有九個水手,以輪更制安排調帆的人手。但水手很難可以真正休息下來,因為他們隨時都在Stand By的狀態,一旦遇上巨浪,大家也要一同作戰。難得可以躺下來睡一睡,也不會睡得安穩:「當架船喺大風大浪嘅情況下行駛,係會不停咁郁,我哋形容個船艙入面係洗衣機咁。」

在海上航行,船身會不停晃動,遇上大風浪時更會大幅度傾斜,因此帶上船的東西也有所限制。水手吃的東西就如太空食物般,是脫水的熟食。陳錦浩形容:「食嘅野好似人哋登月球咁。而飲嘅水我哋唔會攜帶一個月嘅份量,因為架船裝住九個人份量嘅淡水,架船會沉,所以我哋飲嘅水,係來自大海。我哋架船有個海水化淡機,會將啲海水過濾成可以飲嘅水。」

淡水有限,連飲用的份量都只是剛剛好,更遑論洗澡。一樽二合一洗髮沐浴露,九個人用一個月也用不完,「其實我哋啲水手喺架船度基本上一個月都冇得沖涼。遇到暴雨嘅情況下,我哋先會所有人上甲板,然後除埋啲衫,嗱嗱聲沖個涼。」陳錦浩憶述,試過有次二十多天沒有洗澡,突然有天下暴雨,他們趕忙擦沐浴露,誰知剛擦起泡就停雨,結果只能硬著頭皮用海水沖,再用少許淡水過水。船上的生活,就如大海一樣,變幻莫測。

撰文:時事組

攝影:攝影組
運動員要透過不停操作絞盤來調帆,陳錦浩的雙手都因而長滿了繭。
Volvo Ocean Race環球帆船賽是公認難度最高的環球帆船賽,香港首度成為分站。
熱門新聞
  • 【壹經典●富豪元配宿命】入院前仍然清醒 李嘉誠太太過身之謎(附死亡證) 44,770 views
  • 【毒海蕭正楠】大麻可卡因溝冰毒 元朗隱世村與世隔絕戒毒 35,572 views
  • 【最浮誇明星之家】吳剛老婆首曝光 全家豪華裝出巡拋窒途人 35,537 views
  • 【坎坷身世大起底】苟姑娘嫁二奶仔 34,017 views
  • 【壹經典●富豪元配宿命】一夜夫妻百夜恩 李兆基前妻潛心信佛 25,900 views
  • 【11女角加埋500歲】《深宮計》後宮熟透 52歲羅霖搶鏡36歲胡定欣搏盡 24,309 views