< 返回
  • 【八卦陣】購物城試業得一成鋪頭開門 象哥冇有怕
  •   15,218 views │ 2018年02月06日
    留言()

 

新田邊境購物城開張日由一五年拖依家,上星期六終於試業,但就只得一成即係大約廿幾間鋪頭開張。唔少市民入到去都呻笨,因為冇嘢買又冇嘢食。項目牽頭人民建聯黃定光早前承認超支三千萬,仲要問朋友撲水,但佢似乎至今都未驚過,話相信之後生意會好好。

黃定光同《壹》仔解釋,因為之前工展會令好多鋪頭唔夠人手,所以佢哋暫時未開到門,又話其實五成鋪頭已經租出,不過大部分都仲裝修緊,先咁少鋪頭開張,「我希望佢哋唔精裝(修)都簡裝,趕喺歲晚前開張,相信過年生意會好好。」

不過計番條數,得五成嘅出租率,點都唔夠回本。我哋幾個月前訪問過象哥,佢話呢個耗資一億五千萬嘅購物城,要全部二百幾個鋪位租出,大約營運兩年先可能勉強回到本。

之前《壹》仔踢爆,購物城兩大地主新地(16)同恒地(12),早喺一五年已經向城規會申請,喺購物城地皮起商場,最新計劃係想一九年動工。象哥話,發展商俾咗書面同意佢哋,如果城規會都批准購物城續期,會肯繼續用一蚊年租「租地」俾象哥。數數手指,如果兩大地產商真係一九年動工,象哥回本機會真係微乎其微。

撰文:巫不言
熱門新聞
  • 【每日壹爆●銀城吸煙惡女】直擊店員商場內狂煲煙 被指阻塞通道即鬧爆保安(足本版) 78,429 views
  • 【每日壹爆●青龍教秘中秘】億萬富婆為賣淫集團煮飯 高級督察揭她是誰......(足本版) 64,332 views
  • 【港版TFBOYS ? 】《全民造星》Mr.Jan 童顏搶晒鏡 劉美君話唔做戲嘥晒! 55,841 views
  • 【赤裸的女人】34歲天體港女:著衫好束縛唔舒服(足本版) 54,145 views
  • 【經典●張栢芝接江湖姦殺令】吳雪雯唔接戲被圍毆 蔡慧敏被禁錮72小時 (足本版) 52,960 views
  • 【呢頭離婚嗰頭來港陪Niki】為38歲周麗淇 軍部演員傅程鵬甘做泊車仔(足本版) 51,814 views