< 返回
  • 【神而不棍】人轉工你轉工 點解翁靜晶行行做狀元?
  •   22,730 views │ 2018年04月12日
    留言()

 

上回提要,陳偉霆條命忌水,偏偏去屬水的北方強國發展,佢無死到,反而爆紅,令某些風水師傅好失望,嗱,我無講邊個呀。其實命運命運,最緊要條命(八字)以及大運,只要行好運,唔知點解都可以好紅,嗱,我都無講邊個呀。


李應聰師傅說,你從事什麼行業,主要受八字及大運的五行影響,八字一生不變,大運卻十年轉一次,理論上五行一變,行業也轉,係呀,翁靜晶小姐正是最好例子。


她生於甲辰年,己巳月,辛未日,火土旺盛,加上兒時行丁卯、丙寅運,她自言年少時的確經常抦人,令不少男孩跪地求饒,不過這個丙寅是木火之意,因此她十多歲開始拍戲,電影正是屬火,想當年與陳百強、張國榮做對手戲,唔係講笑。


翁小姐與劉家良師傅結婚後轉行做保險,取得成功,看其大運,原來正值木火運即將轉入水木運之時,保險正好屬水。翁靜晶轉行不用擇日子,失驚無神讀了個法律學位,還要是香港大學法律系八年來成績最好的學生。律師處理很多文書,正好對應木運之象。


她命格始終火旺,一生與火最有緣份,近年以佛教修行人為大家熟悉,佛道之家正是以火土為類象。都唔止,她更在佛門降魔伏妖,好多男人唔夠佢man,說到底其實她性格是一個佬,投錯胎男生女體(仲要好靚女),不過呢part唔講住,好快有得你睇。


 

撰文:陳勝藍



熱門新聞
  • 【曾借錢度日】《逆緣》陳家樂3年冇錢開飯捱麵包 娶長腿索妹出頭 26,242 views
  • 【吳綺莉報警尋女】吳卓林疑現身加國超市尋爸 拎住濕被求人收留 24,438 views
  • 【菲傭玩殘我】國泰機回國變虐打受傷 僱主:係咪勒索? 23,537 views
  • 【避走加拿大 】李潤庭恨返TVB小三Tiffany落寞行街 23,314 views
  • 【52歲kiss】《逆緣》黎諾懿咀咀遲過陳偉霆 夏文汐全裸呢套戲仲正 22,549 views
  • 【兩少女爭富豪】白衣女爭贏白褲趙世曾 十指緊扣甜蜜拍拖 19,438 views