自從政府有意收回部份粉嶺高爾夫球會用地嚟起屋，即時觸動政黨，有錢佬以及 近2700名香港高爾夫球會嘅會員，面對呢場高爾夫球保衛戰，該會不敢怠慢，出盡法寶絞盡腦汁將高爾夫運動平民化。

好似我地呢啲平民咁想做上等人，踩入去呢個有過百年歷史嘅，世界級高爾夫球球會開吓眼界，家陣就有機會啦！呢個月開始，該會以平民價50蚊一粒鐘，俾你去玩Driving Range。

記住weekdays黃昏 6點至晚上10點，有免費泊車，喺呢個Driving Range打波，仲可以睇吓附近嘅恆基豪宅屋苑高爾夫御苑，現場實景好過去睇示範單位，即使買唔起咪摳返一兩棍當發洩下囉！

潮流興講高爾夫，俾人問起有冇入過粉嶺高爾夫球呀？咁咪可以大大聲同人講：「入過去打波啦！」嗱，五十蚊睇埋豪宅兼打高爾夫，仲有得威威，係咪value for money先！

撰文：宗菁華

立即按此連結Download《壹週刊》: https://goo.gl/NVySCK