< 返回
  • 【都唔知點睇好】過年banner循環再用 青衣街坊咁樣讀......
  •   6,592 views │ 2018年05月06日
    留言()

 

橫額設計與排版係一門高深學問,做得唔好好易搞出笑話。近排葵青區議員陳笑文掛喺青衣邨嘅一張橫額,上面嘅字句令人有啲摸不着頭腦喇,究竟係「垃圾放入垃圾桶」、定係「垃垃圾圾放入桶」?唔少市民都要諗一諗先讀到出。

有個將橫額上的字句讀成「垃圾放入垃圾桶」嘅街坊話,啲字擺嘅位有啲問題,真係要諗吓先讀到。佢認為陳議員嘅出發點雖然係好,簡單兼環保,但係唔應該遮住自己嘅banner,建議佢索性整過一張。

蔡同學一度以為橫額係被人惡搞。經記者指正後,佢就表示,「可能佢(陳笑文議員)有第二啲睇法,但我就睇唔出」,更加直接講張橫額唔好睇,原本張紙(橫額)係講緊新年啲嘢,你宜家痴咗啲垃圾桶上去。

「好奇怪。(哪裡奇怪?)佢貼得好奇怪。」吳同學諗咗幾秒,讀咗「垃垃圾圾放入桶」。佢建議,議員要將啲要拼埋(讀)嘅字拼返埋,拼成一句句子。

究竟點解會出現呢啲重用橫額?陳議員就話青衣近排頻頻有廟會,好多市民會落去掃街,食完嘢就將垃圾胡亂丟棄,所以想提醒市民要將垃圾放入垃圾桶。

佢話雖然橫額費用係區議會俾,唔係大問題,但咁嘥法就唔好。所以為咗環保啲,佢將字句決定印喺A4紙,貼在舊橫額上面,循環再用。

陳議員話都知道有啲市民覺得橫額有啲難明。咁究竟點讀先啱呢?原來兩個讀法都係啱!

「Banner有兩種讀法嘅,有一種就係:朋友懇請,垃圾放入垃圾桶;另一張banner(橫額)就打直讀嘅,就係垃垃圾圾放入桶。」解釋因為老一輩讀書時有疉字:「因為讀書嘅時候就係重章疊句,即係『嘻嘻哈哈』、『污污糟糟』、『邋邋遢遢』。」。雖然搞設計唔係《壹》仔嘅強項,但「垃垃圾圾」似乎仍是形容詞,咁讀仍然講唔通囉!

橫額設計最緊要簡單易明,近期最佳的反面教材莫過於三月立法會補選時,姚松炎團隊的一係列重用橫額,變成核突塗鴉,結果市民睇唔明之餘,兼成網民恥笑對象扣晒分。今次「垃垃圾圾」橫額弄出小疑惑,《壹》仔也只能嘆句「人們總要重覆同樣的錯誤」!

撰文:巫不言

立即按此連結下載《壹週刊》APP:http://bit.ly/next28app
熱門新聞
  • 化身YouTuber? 謝文欣拍片唱爆黃凱芹 72,378 views
  • 【啜爆陳茵媺】老婆一拖三返加 陳豪難離難捨機場抱緊些 (足本版) 70,978 views
  • 【煉成絕世好老公】陳豪為仔女月花10 萬租南灣 陳茵媺:咁都比較吃力! (足本版) 43,592 views
  • 【最佳女友自己埋單】李佳芯拍拖買金飾 準備俾錢男友陳炳銓即閃(足本版) 35,202 views
  • 【索媽出場搶Ali鏡】姚嘉妮演後生MK妹 網民讚零違和:唔似生過B 26,975 views
  • 【經典●五角苦戀搞到正印自殺】林青霞做雙重小三Out走蕭芳芳亦傳尋死 遭毒咒唔敢嫁秦漢(足本版) 26,184 views