< 返回
  • 【割地兩檢】剪布有功坐定粒六?梁君彥同黨友悠閒嘆tea
  •   3,210 views │ 2018年06月08日
    留言()

 

立法會大會自星期三開始,就高鐵西九龍站進行「一地兩檢」嘅條例草案進行法案辯論,以完成「三步走」程序,按計畫於九月正式通車。之不過,主席梁君彥同政府完美配合,破天荒定立辯論時限,預早剪布,民主派想拉布都拉唔長,議案預計最快可以喺下星期大會表決通過。

議案辯論時間已設限制,意味流會都唔會影響進度,一班保皇黨自然放鬆晒,唔駛再等齊人坐定定開會,政府「狗仔隊」亦唔駛金睛火眼吸實議員,梁君彥星期四晚上七時半宣布不再讓議員發言,仲話排緊隊但冇得發言嘅議員下午好長時間唔在席,冇得講係佢哋自己嘅問題,民主派聽完嬲到震,又引發咗連篇爭拗。

但係回帶睇睇,原來梁主席同日大半個下午都唔見咗人,議事堂由代主席李慧琼主持大局,到底佢到咗邊?《壹》仔就發現他原來有段時間去咗立法會餐廳嘆下午茶,期間經民聯黨友盧偉國同劉業強前後腳去到搭枱,三個人仲望住電視直播,有傾有講,吹水嘆茶近半個鐘先返到辦公室。唔知佢哋有冇講到底幾時「返嚟就郁」,繼續為政府保駕護航嘅大計呢?

限時辯論下保皇黨樂得輕鬆,但就苦了民主派。有民主派老友同《壹》仔講,限時辯論唔單止開咗極壞先例,以後更難阻止惡法,而且一旦佢哋開始發言後無以為繼,環節提早完結反而會變成「示弱」,往後限制愈收愈緊,總之議會抗爭嘅仗,以後只會愈嚟愈難打!

撰文:巫不言
熱門新聞
  • 【貨Van界女神】索過「跟車羅拉」美女轉行揸貨Van送貨月入4萬(足本版) 128,642 views
  • 【壹經典●四叔感情】前妻選美出身 四叔離婚後癡戀不再婚(足本版) 55,081 views
  • 【獨家直擊Soho撐枱腳】48歲唐文龍認追sexy楊柳青(足本版) 49,294 views
  • 【月入4萬被質疑特別服務】貨Van女神大反擊: 我可以做到飯都唔食(足本版) 45,593 views
  • 【壹經典●四叔感情】李兆基前妻消失23年後 大型法會神秘現身(足本版) 44,707 views
  • 【好大方●被余安安介入?】陳煒與監製男友分手 繼續孖住開公司 (足本版) 43,836 views