< 返回
  • 【砌生豬肉嘅嘢】蘇敬恆熄王國興咪 為宣傳六四燭光晚會?
  •   5,531 views │ 2018年06月08日
    留言()

 

早前被DQ嘅前立法會議員劉小麗宣布放棄上訴,立法會九龍西懸空嘅另一席即將舉行補選,上星期日港台節目《城市論壇》就討論相關問題。

嘉賓上得《城市論壇》,火藥味濃在所難免,不過有嘉賓㷫到連主持都嬲豬埋都算少有,《壹》仔講緊嘅係工聯會前立法會議員王國興。佢喺節目尾聲同其他嘉賓駁火,死撐工聯會支持集體談判權,又話劉小麗放棄上訴係「玩嘢」,旨在增加民主派喺補選嘅勝算咁話。

正當王國興長篇大論咁反擊嘅時候,主持蘇敬恆就示意工作人員熄佢咪,俾時間其他嘉賓發言,令佢好不滿。佢早前去信廣播處長梁家榮抗議,話蘇敬恆咁做係打壓言論自由,今後都唔會出席由佢主持嘅《城市論壇》喎。

王國興又投訴話,到節目尾聲,蘇敬恆用「提醒」嘅口吻,呼籲公眾出席六四集會,質疑對方熄咪事出有因,係公器私用,唔得公正持平。

之但係《壹》仔翻睇當日《城市論壇》相關部分,蘇敬恆再邀請王國興發言,又提佢「得返十秒咋」,佢重申劉小麗放棄上訴係「司馬昭之心」之後,蘇敬恆就叫觀眾留意支聯會嘅六四燭光晚會,但期間冇叫工作人員熄佢咪。

其實《城市論壇》去到尾聲,時間緊迫,主持叫嘉賓精簡發言見慣不怪,王國興又唔係第一次出席,今次先咁樣「投訴」借題發揮,唔通一如早前傳言指,保皇黨有意派王國興出戰九西補選,所以乘機表忠,爭取機會?

撰文:巫不言
熱門新聞
  • 【每日壹爆●銀城吸煙惡女】直擊店員商場內狂煲煙 被指阻塞通道即鬧爆保安(足本版) 78,429 views
  • 【每日壹爆●青龍教秘中秘】億萬富婆為賣淫集團煮飯 高級督察揭她是誰......(足本版) 64,332 views
  • 【港版TFBOYS ? 】《全民造星》Mr.Jan 童顏搶晒鏡 劉美君話唔做戲嘥晒! 55,841 views
  • 【赤裸的女人】34歲天體港女:著衫好束縛唔舒服(足本版) 54,145 views
  • 【經典●張栢芝接江湖姦殺令】吳雪雯唔接戲被圍毆 蔡慧敏被禁錮72小時 (足本版) 52,960 views
  • 【呢頭離婚嗰頭來港陪Niki】為38歲周麗淇 軍部演員傅程鵬甘做泊車仔(足本版) 51,814 views