< 返回
  • 【消失8年的女神】參加社運終生烙印 周澄畢業8年嘆搵工被留難
  •   14,725 views │ 2018年06月09日
    留言()

 

現在周澄是一名Freelance記者,她中大畢業後,搵工屢屢被質疑是「搞事份子」。

周澄扁一扁嘴說:「我當時遇得最多嘅就係,譬如覺得:『周澄好似太出名喎!』就會擔心我不符合機構的形象、路線,又或者可能覺得我會有太多自己嘅主見,好難融入團隊,又或者可能擔心我會有好多自己嘅見解,會公開發表,亦都可能會影響佢哋嘅工作。」

就算一五年她在英國考取碩士,但她回港見工,對方似乎介意她過去太「出位」。周澄表示:「有時係會有少少氣餒,因為你覺得好似花咗好多時間,花了很多心機去證明你自己有能力,或者去進修、去增值自己,但係好多人可能都係第一時間會攞呢啲主觀印象嚟同你講,甚至可能已經畢業六七八年,都會遇到呢啲問題,當然係會有少少氣餒。」

討厭標籤化

「每個時代都有嗰個時代的思潮。」「今日(大學)學生會﹑學聯屬於今日嘅學生。」一五年雨傘運動後,學聯已經四分五裂,今年有大學學生會拒絕參與六四晚會,認為建設中國民主,不關香港事。周澄自稱是「老鬼」,她說不想干預師弟師妹應否參與社運。

八年光陰,學生思潮顯著截然不同。周澄憶述:「我參與學生運動的時候,我們普遍相信,香港民主難以脫離中國民主去討論,而我們亦覺得中國有好多人權問題是普世的,我不認為是愛國﹑身份的問題,但今日的年輕人,他們覺得香港都已經有好多自己嘅問題,係咪真係每個人要同等地去關心中國呢?」

周澄有感近年社會偏向標籤敵我,她說:「好多人有唔同嘅意見,然後就會好容易就貼標籤,你係左膠、你係大中華膠、你係本土膠 乜膠物膠咁樣,我自己係好討厭呢啲標籤,因為我覺得好多時候,大家都未討論,你已經開始標籤人哋,所以我覺得盡可能就係唔好標籤住先,我哋聽吓對方嘅意見,有冇一啲嘢其實我哋係有共識嘅。」

周澄也要行中間路線?她立刻辯駁:「絕對不是湯家驊嗰套,好像香港眾志,他們比較積極連繫亞洲或者國際學生組織。他們希望可以在國際社會凝聚更多力量,多些外國朋友關心香港處境,我覺得這是一個幾可取策略。」

「我係記者,你又係記者,我好相信記者呢個工作係好重要,香港社會要去報導一啲少人關注嘅事,要去追究真相。」

撰文:陳慧瑩、文倩儀
攝影:傅俊偉、胡智堅

立即按此連結下載《壹週刊》APP:
http://bit.ly/next28app
熱門新聞
  • 【歌星悲歌】面對現實屯門做小販 黃翊:的確係難堪 (足本版) 82,543 views
  • 【港女冇人愛死因】港女自白玩Speed Dating鋪鋪食白果 原來衰呢幾樣嘢 .(足本版) 62,486 views
  • 【特權明星】揸二百萬瑪莎拉蒂出巡 佘詩曼買飯煲專人安排插隊(足本版) 56,242 views
  • 【180磅肥師奶】8個月勁減60磅 變靚師奶:以前一晚十隻大閘蟹(足本版) 53,547 views
  • 【壹經典●富豪新歡舊愛同屋】李嘉欣入老公寓所過夜 何超瓊急撤出許家花園台(足本版) 49,473 views
  • 【家庭破碎】 59歲樂易玲努力挽救婚姻 兩仔拖女友陪阿媽睇戲(足本版) 47,052 views