< 返回
  • 【梁振英變鍵盤戰士】689太悶向網民宣戰:再偷拍我必報警
  •   10,976 views │ 2018年06月13日
    留言()

 

前特首梁振英自五月初開始做鍵盤戰士,除咗連日開火鬧梁天琦、黃台仰同埋發起「天下圍攻」嘅白鴿黨之外,《蘋果日報》早排亦都成為咗佢嘅箭靶,被大罵「卑劣行為無底線無止境」嘩!因乜事激嬲「方丈」呢?

話說689六月四日喺自己嘅臉書專頁發表鴻文,話五月廿五日《蘋果日報》徵求「爆片爆相」嘅欄目中,畫咗四任特首配偶的漫畫肖像,「明顯是要求讀者針對這四個行政長官的家人」,之後佢又聲稱今年二月曾被自稱《蘋果日報》記者嘅人士跟蹤並拍攝,仲話對方喺俾佢近距離反拍時「掩面而逃,狼狽得在扶手電梯幾乎跌倒。」聲言有需要會公開有關照片,或交給警察、律師喎。

之後阿6生繼續翻舊帳,話《蘋果》多年前刊登網民喺馬爾代夫被網民「野生捕獲」嘅相,仲揚言話以後再有人「偷拍」佢,就會即場報警究治:「以後再有這種情況,我會在現場報警,上警署再理論。」同時佢又挑撥「人鬥人」,呼籲網民採取「反制手段」,見到偷拍嘅人就即場報警或通知現場保安咁話。

《壹》仔要為同事討公道,當然做足fact check,翻查當日《蘋果日報》,發現徵求「爆片爆相」欄目內文歡迎市民提供「好事、壞事、憤怒事、正嘢、衰嘢、古怪嘢」,但就冇講過徵求官員、前官員或佢哋屋企人嘅片同相囉!睇到呢度,似乎就係有人睇到畫得好似董太、龍蝦、曾太和林先生嘅插圖之後即刻玻璃心咗,自己對號入座喇。

之不過,689呢番殺氣騰騰嘅話,似乎唔係為自己抱打不平,而係同全港網民宣戰囉,皆因香港沒有就「肖像權」立法,喺公眾地方街頭隨拍難以觸犯《私隱條例》或其他法例,高登網民也不值佢所言,認為佢只係為咗搏出位,「搬返大陸咪無人滋擾到你囉」,亦有人為《蘋果》同事打氣,仲有巴打執住689文中「再歹毒的黑幫都不會針對對家的家人」一句,配上劉曉波遺孀劉霞相片,話689抽水隨時變咗抽火水,箇中寓意,大家心照﹗

撰文:巫不言
熱門新聞
  • 【每日壹爆●銀城吸煙惡女】直擊店員商場內狂煲煙 被指阻塞通道即鬧爆保安(足本版) 78,429 views
  • 【每日壹爆●青龍教秘中秘】億萬富婆為賣淫集團煮飯 高級督察揭她是誰......(足本版) 64,332 views
  • 【港版TFBOYS ? 】《全民造星》Mr.Jan 童顏搶晒鏡 劉美君話唔做戲嘥晒! 55,841 views
  • 【赤裸的女人】34歲天體港女:著衫好束縛唔舒服(足本版) 54,145 views
  • 【經典●張栢芝接江湖姦殺令】吳雪雯唔接戲被圍毆 蔡慧敏被禁錮72小時 (足本版) 52,960 views
  • 【呢頭離婚嗰頭來港陪Niki】為38歲周麗淇 軍部演員傅程鵬甘做泊車仔(足本版) 51,814 views