< 返回
  • 【山寨鋪撤出香港】「周六福」黯然執笠 網民:改壞名之過
  •   28,201 views │ 2018年06月13日
    留言()

 

近年時常講到「中港融合」,愈來愈來大陸公司來港開舖頭做生意,當中有部分生意愈做愈大,就好似一系列賣山寨家品連鎖店開完一間又一間,但亦都有做唔住而黯然消失者,講緊嘅係內地珠寶店「周六福」。

原來早喺上個禮拜初,網上已經有人貼文,話「周六福」喺旺角彌敦道嘅香港唯一分店無再開門做生意,《壹》仔就去現場睇過,發現舖頭已經拉閘,閘前掛上了招租廣告,櫥窗已經清空,同時亦都冇貼上搬遷或結業告示,結業似乎來得非常突然。我哋上過「周六福」喺大陸嘅官網,喺香港分店詳情部分已經找不到有分店;而根據公司註冊資料,「周六福珠寶有限公司」已經喺今年四月六日解散,亦即係話佢哋已經撤出香港。

廣大網民好快就知道周六福已經執笠,除咗講「恭喜」或者「有請小鳳姐」外,有人充當「死因裁判官」,分析「周六福」點解失敗,當中有巴打話佢哋改名改得衰,唔應該叫「周六福」,因為「一睇就知係打亂種老翻」;亦有其他巴打笑佢係明明係山寨舖,就唔好開喺正版「周大福」對面咁話喎。

講返呢間「周六福」,喺二〇一六年十一月開幕,仲邀請到劉嘉玲出席剪綵,據當年《壹》仔報道,周六福以每月四十五萬租用該兩個相連舖位,𠵱家未做夠兩年就提早離場,似乎已經證明佢哋生意認真麻麻!

撰文:巫不言
熱門新聞
  • 【港版TFBOYS ? 】《全民造星》Mr.Jan 童顏搶晒鏡 劉美君話唔做戲嘥晒! 102,974 views
  • 【經典●張栢芝接江湖姦殺令】吳雪雯唔接戲被圍毆 蔡慧敏被禁錮72小時 (足本版) 71,874 views
  • 【每日壹爆●青龍教秘中秘】億萬富婆為賣淫集團煮飯 高級督察揭她是誰......(足本版) 68,518 views
  • 【赤裸的女人】34歲天體港女:著衫好束縛唔舒服(足本版) 56,651 views
  • 【冇何傲兒繼續爺孫戀】八十歲林建名認食藥 拖日系少女睇Hello Kitty (足本版) 54,664 views
  • 【一代艷星51歲啦】靚樣拍得住邱淑貞 艷星吳雪雯keep住又白又滑 (足本版) 50,621 views