< 返回
  • 【割地兩檢】玩電話上網睇片 保皇黨hea爆議會實錄
  •   7,753 views │ 2018年06月14日
    留言()

 

立法會星期三再次開會,繼續審議備受爭議的高鐵西九龍總站「一地兩檢」條例草案。上個星期大會因為主席梁君彥粗暴劃線,不再讓議員發言辯論,爭拗延續至今天仍然冇解決過。討論一開始,梁君彥堅持讓運輸及房屋局局長陳帆發言,強行結束辯論環節,民主派唔嬲就假,紛紛企起身抗議,民主黨林卓廷、尹兆堅、鄺俊宇、區諾軒及許智峯先後被趕出場。議案在混亂中二讀通過,進入審議修正案階段。

到咗全體委員會審議各條修正案階段,民主派剩下的議員繼續接力發言,力陳點解要提出種種修訂,至於保皇黨一於好少理,留守議事廳者只得小貓三四隻,好少提出發言,而且佢哋都各自以自己嘅方法去消磨時間。《壹》仔就見到,民建聯葛珮帆、何俊賢等人不時密密撳手機與人WhatsApp,蔣麗芸仲公然開住平板電腦上網睇片,一啲都唔專心開會。

究竟元秋睇啲乜?《壹》仔再深入觀察,睇到她似乎當時睇嘅係台灣大愛電視嘅《呼叫妙博士》節目,係一個教導健康、環保生活習慣嘅兒童節目。雖然節目內容健康有益,但都唔係適合關緊會期間睇囉!以前已經有太多議員喺會議廳睇其他片「斷正」,淪為網民笑柄者大有人在,但是人就總係要重覆同樣的錯誤,無他,因為保皇黨們只需坐定定等夠人投表決通過動議就得,辯論未必係最重要工作!

撰文:巫不言

相關連結:

【議會蛇齋餅?】帆哥慰勞下午茶 鮮奶撻難動人心

http://bit.ly/2JP7JQo

立即按此連結下載《壹週刊》APP:

http://bit.ly/next28app
熱門新聞
  • 【每日壹爆●銀城吸煙惡女】直擊店員商場內狂煲煙 被指阻塞通道即鬧爆保安(足本版) 78,429 views
  • 【每日壹爆●青龍教秘中秘】億萬富婆為賣淫集團煮飯 高級督察揭她是誰......(足本版) 64,332 views
  • 【港版TFBOYS ? 】《全民造星》Mr.Jan 童顏搶晒鏡 劉美君話唔做戲嘥晒! 55,841 views
  • 【赤裸的女人】34歲天體港女:著衫好束縛唔舒服(足本版) 54,145 views
  • 【經典●張栢芝接江湖姦殺令】吳雪雯唔接戲被圍毆 蔡慧敏被禁錮72小時 (足本版) 52,960 views
  • 【呢頭離婚嗰頭來港陪Niki】為38歲周麗淇 軍部演員傅程鵬甘做泊車仔(足本版) 51,814 views