< 返回
  • 【老馬仲有火】日舉一百下啞鈴 七十歲修錶師傅學到老:我堅持挑戰自己
  •   305 views │ 2018年08月06日
    留言()

 

足本精彩內容,請點擊:http://bit.ly/2naA4Ux

立即下載《壹週刊》Apps,隨時隨地睇盡時政專題、深度偵查、娛樂熱話!

按此連結:http://bit.ly/next28app

鐘錶師傅吳國華是非一般耆英,年屆七十,但每日都舉啞鈴一百下,操到手瓜起腱,客人嘖嘖稱奇,近年愛上學外語,能夠以英語及日語自我介紹。老馬仍然有火,就是挑戰自己,愈活愈精彩。

鐘錶師傅吳國華年已七十歲,入行六十年,一直堅持做維修鐘錶。

維修鐘錶需要非常精細的手藝,七十歲老眼昏花,做得到算神奇,吳國華卻是做足六十年,至今仍是每天開舖,工作八小時。

他有他的堅持,「呢間店舖對我嚟講,係一個家,我唔單只希望賣啲錶嘅服務好,更希望sell埋自己出去,我讀過經濟理論,唔單止要sell錶,更加要sell埋自己,人哋先至會對你有好嘅reputation,good appearance。」

不只經濟理論,他還自學了幾句英語、日語,能自我介紹,絕不失禮。

維修鐘錶,容易做到腰酸背痛,吳老不要成為吳蝦米,於是天天在店舉啞鈴,每日舉一百下,漸漸鍛練到手瓜起腱,途人、客人嘖嘖稱奇,街訪當節目來看,逗得吳老好不開心。

他臉有得色地說:「通常一星期會舉七日,如果工作忙,就舉五日,雖然好攰,但舉完寧舍開心,這個年紀,要多做運動,我還會步行去尖沙咀買零件呢。」

記者要求吳先生谷起手瓜,展示一下成果。記者摸了摸他的手瓜,肌肉果然非常結實。

七十歲又如何?他還是抱著信念,堅持挑戰自己,他還希望可以加碼,舉更重的啞鈴呢,「十八磅都好頂癮啦,不過未夠,過一排,我希望舉到二十五磅啞鈴,會特別滋味。」

磨拳擦掌,衝勁不輸小伙子。

他努力留住青春,同時也施盡渾身解數,讓鐘錶上的時間重新運行。

光陰眨眼即逝,對這位鐘錶匠來說,時間又有甚麼意義呢?

「時光飛逝,歲月無情,光陰似箭,日月如梭,天地者,萬物者,光陰者,百代過客,人生如白馬過隙,青山依舊在,幾度夕陽紅,珍惜每一日,珍惜生命。」

「人生如白馬過隙係乜嘢嚟㗎,老師就話,你透過門隙望出去,有隻白馬閃過,咁就係你嘅人生嚟㗎,

我話:『下!咁就係我嘅人生嚟㗎?咁快嘅?咁簡單嘅?』『係咁簡單㗎。 』

宜家諗返起上嚟,的確係咁簡單。我再問一另一位老前輩時間係乜嘢,佢話:『人生就係你由街頭行去街尾。』我話:『下咁簡單?』。」

愈說愈禪,返來地球,人生何求,他說一字咁淺,「健康、快樂最重要。」簡單?有幾多人領悟,幾多人做到?

撰文:曾敬文

攝影:林金展

相關連結:

【時間呢樣嘢】火爆男變好好先生 七十歲修錶師傅:成功是一點一滴累積(足本版)

http://bit.ly/2AHMI72
熱門新聞
  • 【藝員揸貨車賺錢】幾千蚊底薪唔夠生活 《特技人》糯米:要照顧輕度弱智家姐(足本版) 79,896 views
  • 【藝員做經紀實錄】吳麗珠不屈不撓做地產 炒樓輸晒血汗錢:做人穩定好(足本版) 51,954 views
  • 直擊【《特技人》糯米】朱晨麗細佬方紹聰為生活揸貨van:梗係為錢啦 !職業無分貴賤(足本版) 47,645 views
  • 【恐怖廢氣腐皮】食店停車場晾腐皮勁污糟 記者踢爆老闆發難渣(足本版) 42,510 views
  • 【原本住大坑】為討好外父 鄭嘉穎2400萬進駐何文田(足本版) 40,636 views
  • 【經典●黃桂芬生前】喜歡逗留書房沉思 家中掛字畫做人「常存厚」(足本版) 39,793 views