< 返回
  • 【每日壹爆●時間呢樣嘢】火爆男變好好先生 七十歲修錶師傅:成功是一點一滴累積(足本版)
  •   8,215 views │ 2018年08月06日
    留言()

 

修理鐘錶是一門精深的學問,稱得上「難學亦難精」。

吳國華承父業,十歲就跟爸爸學藝,他謙稱維修鐘錶沒有特別秘訣,但就要緊記「失敗乃成功之母」,「做事要持之以恆,失敗咗就再嚟過,總有一次會成功。」

「所有事都係一點一滴累積返嚟,不是一下子就能成功。」

當年的學師過程,今日仍然歷歷在目。

「舊時手錶矜貴,鬧鐘都唔會平,一裝一嵌,練熟手藝,要一年時間。第二年先至學磨鬧鐘嘅車芯。佢(車芯)行得耐會變成穀粒,所以一定要磨到好sharp,好醒神。」

吳師傅總是笑呵呵,親切有禮,年輕時卻很牛精火爆,動輒大發雷霆。

「睇見老豆磨得好輕鬆、好易,自己磨呢,總係磨唔到嗰個效果,鬧鐘成日都行下唔行。

「谷鬼氣,有次將個鐘丟出馬路。但老竇冇鬧我,仲笑笑口話『你個衰仔,係有啲火氣,但呢團火用得好嘅話,都有啲機會成功嘅。』」

吳師傅視爸爸為偶像,一直把勸勉記心中,歲月把菱角磨得圓滑,成就今日親切又自強不息的修錶老師傅。

店名亦取自爸爸的名字,「爸爸教咗我好多嘢,教我整錶,教我人生道理,可惜冇爸爸咁勁,只學到佢幾成功夫。」

為延續爸爸的心血,他暗暗許下諾言,要把維修鐘錶店好好經營下去。

當然,熱愛這份工作,是他天天開店的最主要原動力,「我當正職業係生命,靚牌子嘅錶係仔仔女女,得閒就幫佢哋上鏈。」

修理鐘錶為吳老帶來成功感,但更開心的是,可以見證到客人的子女、甚至孫兒成長。

他呵呵笑說,「我入行超過六十年,識到一班朋友,例如我老竇啲熟客,見住小朋友由返幼稚園,跟住升小學、中學,到出嚟做嘢,跟住結埋婚,而家生埋仔,感覺人生好奇妙。」

撰文:曾敬文

攝影:林金展

相關連結:

【老馬仲有火】日舉一百下啞鈴 七十歲修錶師傅學到老:我堅持挑戰自己(足本版)

http://bit.ly/2naA4Ux

立即下載《壹週刊》Apps,隨時隨地睇盡時政專題、深度偵查、娛樂熱話!

按此連結:http://bit.ly/next28app
熱門新聞
  • 【藝員揸貨車賺錢】幾千蚊底薪唔夠生活 《特技人》糯米:要照顧輕度弱智家姐(足本版) 79,893 views
  • 【藝員做經紀實錄】吳麗珠不屈不撓做地產 炒樓輸晒血汗錢:做人穩定好(足本版) 51,945 views
  • 直擊【《特技人》糯米】朱晨麗細佬方紹聰為生活揸貨van:梗係為錢啦 !職業無分貴賤(足本版) 47,644 views
  • 【恐怖廢氣腐皮】食店停車場晾腐皮勁污糟 記者踢爆老闆發難渣(足本版) 42,497 views
  • 【原本住大坑】為討好外父 鄭嘉穎2400萬進駐何文田(足本版) 40,625 views
  • 【經典●黃桂芬生前】喜歡逗留書房沉思 家中掛字畫做人「常存厚」(足本版) 39,793 views