< 返回
專題
坦白講
中環人語 壹車在手 壹健康 Nibiru 快樂入廚 壹醫醒你 坦白講 StartUp 壹鏡頭 點至有營 奶媽777 basel鐘錶展 台灣食玩手冊 八卦陣

【追夢血淚史】畫「塵」傳遞正能量 插畫師:希望將溫暖帶俾人

2017.08.14 | 5673 views

「當初冇話想幫人,畫塵只係想幫自己,同自己聊天。」80後的創作人陳塵(Rap),經歷過打工、創業失敗,現實生活不如意,令他開始畫塵(Dustykid)治癒自己。然而,他發現,簡單的插畫與字句,成為...

「人生中,你好努力去做一件事,但是嗰件事事與願違到一個點,不被他人欣賞外,結果仲極度差,你會唔會唔開心?」80後的創作人陳塵(Rap),以一粒微塵做主角,道出塵世間的喜怒哀樂,希望透過插畫與字句,治癒經歷失敗的人。

微塵(Dustykid)的出世,原本是Rap用來安慰自己,與不如意的自己傾傾偈。數年前,Rap是一位設計師,但事業發展並不平坦,「當時會考完,我是入不到大學,只入到IVE,讀時裝營銷文憑。」未夠18歲的他,打過很多工,「外賣仔、產品設計員、Freelance,咩都試過。」

【追夢血淚史】畫「塵」傳遞正能量 插畫師:希望將溫暖帶俾人
( http://bit.ly/2wT0InI )

他設計的作品,試過被外國人以低價買走,但最後卻大賣,「18歲,我做了一個可從屁股抽垃圾袋的狗仔,只是賣了500元,而他在美國申請了專利,依家上網都仲搵到。當然,唔係我做過最低價的工作,我第一份幫人設計的海報,只係收120元。」他直言初出茅蘆時,做過很多奇怪的工作,「做得最多,就是藥的設計包裝,馬百良、保嬰丹、海狗丸,到23歲就好迷惘,究竟我想點?」

「我創了業,一個失敗的業。」25歲時,他決定與朋友創業,創作自己的產品在網上買賣,「M-Jungle半個小時賣了150個,你覺得條數好正、好勁。」以為事業將登高峰,他們發展實體市場,發現是錯判,「我將幾百個放在幾間百貨公司賣,一個月都賣不夠一百個。」

貨物從此在貨倉封存,「一千件貨,你只是賣了100個,就放晒係公司。錢,就放晒係貨同租金到。」為了養公司追夢想,他更打兩份工,一邊教書,一邊接每小時120元的設計工作,但月入只得三千,得不到身邊人的支持。

「負面到極,失落的情緒係籠罩自己。唔通父母、女朋友懷疑的,我自己會無懷疑過?」公司經營不善,最終結業收場,失落到最低點的他,開了Facebook 專頁轉畫塵,「想畫一些塵,令自己開心一點。」然而,安慰自己外,更儲得一班支持者,短短幾年間,已吸引了九萬多人讚好。

撰文:黎雅婷
攝影:葉漢華

劉劍榮,六十多歲,燒味店永合隆太子。鋪頭堅持沿用炭火燒豬,香港已經所餘無幾,鋪頭門外每日定時大排長龍,等待新鮮出爐的燒豬。

三十多年前,劉劍榮還是一個髮型師,不忍心老父年屆退休之年仍要辛苦在火爐邊工作,決定子承父業,放低鉸剪,轉行揸叉。幾十年出品,堅持最古老一套,為的就是保持品質。

【最靚嘅豬腩肉】二百度火爐乾蒸環境差 榮哥慨嘆:冇後生仔入行 式微都無計 ( http://bit.ly/2uCnYEU )

「睇我身形大大隻隻,體重成二百磅,日日企喺火爐邊燒隻豬,真係企喺度唔郁都流汗。我三十歲前都幾有型,做髮型師,幫人剪頭髮。不過,見收入唔算好,又冇咩特別,老豆都叫咗好耐,於是返嚟鋪頭幫阿爸手。廚房環境真係麻麻,又熱又焗。但見到老豆都五六十歲,仲要咁辛苦,真係唔忍心。」

「三十歲人,先由頭跟老豆學起。鋪頭咁多年嚟,堅持要用靚料。燒豬用嘅豬係新界豬,每日喺屠房劏完就運送過嚟,每朝收到嘅豬,要自己清洗血水同劏開,再攤開用鹽同其他秘製調味料醃三粒鐘。到差唔多時候就將隻豬上叉,再放入炭爐烘乾。個爐都係度身訂造,每次燒到一、兩隻。最後,就要埋火爐燒。個爐有十幾斤炭,成二百幾度,一隻中豬成五十斤,就咁叉住喺火上面燒大半個鐘,就好似燒嘢食咁,不過係大件啲重啲咁解,全程無冷氣亦唔行得開。」

「旺角砵蘭街呢間鋪,地方細,只係放到十張枱,但係佢養活咗我哋一家,亦係老豆畢生的心血。間鋪係阿爸同幾個朋友夾份,開咗大半個世紀,當年佢哋喺廣州請咗個知名嘅燒味師傅落嚟香港,全班老闆就跟埋一齊學燒燒味。開鋪嗰陣我得幾歲,老豆對呢行好有興趣,但我見到都覺得佢好辛苦。上一代人,咩都自己一腳踢,我記得嗰陣,我起身老豆已經返咗工,到夜晚去瞓,佢都未放工,長時間不特止,企喺火爐邊先係最辛苦。」

撰文:黎雅婷
攝影:曾春南

 

劉劍榮,六十多歲,燒味店永合隆太子。鋪頭堅持沿用炭火燒豬,香港已經所餘無幾。

三十多年前,劉劍榮還是一個髮型師,不忍心老父年屆退休之年仍要辛苦在火爐邊工作,決定子承父業,放低鉸剪,轉行揸叉。幾十年出品,堅持最古老一套,為的就是保持品質。

工作或許沉悶,對住火爐打喊露,要搣吓大髀,但到金豬出爐,油香四溢,自會明白「慢工出細貨」的道理。

【最靚嘅豬腩肉】子承父業三十年 堅持炭火燒 榮哥:肉質差好遠 燒完仲出緊油 ( http://bit.ly/2vKjFfw )

「老豆冇咩教我點燒嘅,都係跟住佢慢慢學,試過有次唔夠力甩手,成隻豬跌咗落爐,整隻玩完。隻豬好重,要用陰力不停轉,燒到咁上下,要刮走第一層硬皮,久唔久又搽吓油,就會整到又香又脆嘅芝麻皮。用炭火燒係最好,燒完仲有汁滴緊。冇咩技巧,最緊要唔好燒燶。受到街坊歡迎,連發哥都幫襯,仲拎過米芝蓮車呔人推介,都令我好開心。」

「鍾唔鍾意呢行都好,做咗就無得轉,一做又三十年。後生都唔肯學喇,佢肯入行我肯教,不過好多後生見到咁嘅環境,寧願做壽司都唔入行,我個仔見到都講笑叫我做埋佢。香港有炭爐燒烤牌嘅,得番唔夠十間,仲點會入嚟學?間間唔同做法,唔通焗住同你打一世工?一日產量唔多,得四五隻,比出面新式焗爐的少。不過,世上無快靚正,要有最靚嘅腩肉,就要花時間兼有宗旨。」

撰文:黎雅婷
攝影:曾春南

黝黑皮膚,六嚿腹肌,是不少男士的夢想。廿三歲的彭柏軒( Johnson)也留過不少汗水,不過不是在健身室, 而是在地盤內。

讀大埔的英文中學,成績差,讀到十八歲,仍是中三學生。讀書不成,入行做紮鐵,第一日已經想放棄,到依家兩年,都叫吃得苦。二千蚊一日,一個月返十幾日工,月入最少兩萬蚊,不過自覺受到90後港女歧視,至今未搵到女友。

第一日落地盤做嘢,攰到連午飯都食唔落。嗰時好想唔做, 但係諗起自己用咗四個月讀紮鐵課程,冇理由做一日就放棄唔做, 嗰陣我嗰班有兩個同學一齊入行,佢哋做咗一日就頂唔順走咗。 好彩我自細鍾意做運動,慢慢適應咗就唔覺好攰, 有時放工仲約吓朋友食飯,放假又去行吓山咁。」


相關新聞:
【朋友睇死我撈唔掂】做足兩年90後紮鐵男:捱得過夏天就成功
http://bit.ly/2uHOvlI

【地盤工今年又加人工】石屎工起碼日薪$2600 聽到都開心
http://bit.ly/2w1NF3M


「咁我自己讀書又唔叻,想學番一門手藝,趁後生搵多啲錢,做自己想做嘅事,搵錢結婚、買樓,所以一直堅持落去。」

「上一代好多地盤佬都係大陸偷渡落嚟,冇乜讀過書,俾人感覺就係文化水平低。我哋呢一代讀過吓書,仲有人係大學生,唔再係粗口爛舌冇文化。職業無分貴賤,香港嘅建築物都係靠建築工人起出嚟,唔應該再睇唔起地盤佬。有學歷就人工高啲?我覺得呢個未必係啱嘅概念,仲有人際關係或者自己努力。唔好再覺得做地盤無前途,我話你知其實做耐咗,有機會升做管理層。 」

「我哋吃得苦,又有責任感。好多家庭都係靠一個做地盤嘅爸爸養起成頭家,好應該值得尊重。不過好多九十後女仔對做地盤仲有啲偏見,係呀,所以到依家我都未搵到女朋友。佢哋可能覺得做地盤係污糟邋遢㗎啦,但係我收咗工都好鍾意乾淨,又會買衫gel頭扮吓靚,我相信有一日會搵到一個識欣賞我哋嘅人。」

撰文: 郭曉韻

攝影: 葉漢華

【重溫 坦白講】90後堅拒做樓奴 月入九千「廢青」最緊要攝影
http://bit.ly/2p9GBh6

【重溫 廢青不廢】在職思想貧窮 90後港女裸辭做木工尋自我
http://bit.ly/2oJ1SSs

90後創業》辭工全職做手作 月入一萬為自由
http://bit.ly/2uQmqZz

90後創業》記憶麵包廢青檸檬茶 懷舊手作主打香港特色
http://bit.ly/2uNsNOO

黝黑皮膚,六嚿腹肌,是不少男士的夢想。廿三歲的彭柏軒(Johnson)也留過不少汗水,不過不是在健身室,而是在地盤內。

讀大埔的英文中學,成績差,讀到十八歲,仍是中三學生。讀書不成,入行做紮鐵,第一日已經想放棄,到依家兩年,都叫吃得苦。二千蚊一日,一個月返十幾日工,月入最少兩萬蚊,不過自覺受到90後港女歧視,至今未搵到女友。

相關新聞:

【被女生嫌骯髒】90後做地盤 月入兩萬 捱得苦:我放工會打扮㗎
http://bit.ly/2vXsJLh

【地盤工今年又加人工】石屎工起碼日薪$2600 聽到都開心
http://bit.ly/2w1NF3M


「我連紮鐵都唔知係乜嘢,就報讀建造業嘅紮鐵課程,咁就入咗行。紮鐵真係好辛苦,我入行時係夏天,成三十幾度,仲要搬條鋼筋,花咗成個月先適應到。最終成個夏天都捱得過,所以一年四季都無難度。」

「第一日落地盤做嘢,攰到連午飯都食唔落。嗰時好想唔做,但係諗起自己用咗四個月讀紮鐵課程,冇理由做一日就放棄唔做,嗰陣我嗰班有兩個同學一齊入行,佢哋做咗一日就頂唔順走咗。好彩我自細鍾意做運動,慢慢適應咗就唔覺好攰,有時放工仲約吓朋友食飯,放假又去行吓山咁。」

「記得最初同朋友講想做紮鐵,成大半班人話我捱唔到。又事實係多後生仔為錢入行,但係有一半都捱唔住。反而三、四十歲嗰啲人,有家庭負擔要養家,佢哋就會相對捱得。屋企人好錫我,佢哋想我後生試多啲嘢,冇反對過我入行,只係話如果覺得辛苦就唔好做。咁我自己讀書又唔叻,想學番一門手藝,趁後生搵多啲錢,做自己想做嘅事,搵錢結婚、買樓,所以一直堅持落去。」

撰文: 郭曉韻

攝影: 葉漢華

【重溫 坦白講】90後堅拒做樓奴 月入九千「廢青」最緊要攝影
http://bit.ly/2p9GBh6

【重溫 廢青不廢】在職思想貧窮 90後港女裸辭做木工尋自我
http://bit.ly/2oJ1SSs

90後創業》辭工全職做手作 月入一萬為自由
http://bit.ly/2uQmqZz

90後創業》記憶麵包廢青檸檬茶 懷舊手作主打香港特色
http://bit.ly/2uNsNOO

Winston的太太Joey是眼科護士,見過很多不同的個案,她沒想過有一天要照顧的病人,是自己的孩子。

他們的兒子陳恩佑(Gabriel)患上先天性青光眼,是一個視弱BB。不足一歲已進行十六次手術,希望減眼壓,保住僅有的視力。夫妻間漸生意見,關係亦一度因此面臨考驗。


相關連結:
【藍眼BB】為保視力 一歲經歷16次手術 慈父:心痛,但係無辦法!
http://bit.ly/2haXNnm


「我和太太要去面對唔識處理的事,更加唔識去照顧一個失明嘅細路,佢將來點算?摸索教阿仔嘅路都經歷好多失敗兼氣餒。當時,我哋想阿仔接觸世界,會帶佢出去。試過帶佢行山,佢全程唔肯坐車仔,要抱住行。每次出街都喊,有次仲喊到全條街嘅人望住我哋。有家長話唔應該理佢,喊喊吓就會慣。後來回想,環境對他太陌生,又被綁住喺車仔度,令他好冇安全感。」

「為咗阿仔的問題,同太太曾經意見不合。她是一個好有計劃嘅人,而我就係需要時間諗解決方法嘅人,令太太以為我愛理不理、想逃避。我嘅壓力很大,試過夜晚一個人喊。家庭重擔落喺我身上,但無辦法抽身處理公事,亦直接影響生意收入,問題係解決不到。曾經想逃避,但我知道我唔可以。我哋知道阿仔個病係要長期作戰,如果我哋唔放低自己,一齊去面對挑戰,會行唔到落去。」

「有一日佢在草地上爬爬吓,竟然好勇敢自己行嚟我度。佢仲細,唔識講自己睇到咩,亦唔知道可以睇到幾耐,我們一家人就做佢嘅眼睛,帶色彩俾佢。」

撰文:黎雅婷
攝影:葉漢華

Winston的太太Joey是眼科護士,見過很多不同的個案,她沒想過有一天要照顧的病人,是自己的孩子。

他們的兒子陳恩佑(Gabriel)患上先天性青光眼,是一個視弱BB。不足一歲已進行十六次手術,希望減眼壓,保住僅有的視力。夫妻間漸生意見,關係亦一度因此面臨考驗。


相關連結:
【藍眼BB】阿仔出街尖叫被路人指罵 「其實佢冇安全感」
http://bit.ly/2haZ7X5


「兩年多之前,我陪太太入產房,當聽到BB喊聲,以為一切安好。隔咗無幾耐,護士打開阿仔對眼俾我哋睇,兩隻眼睛係淺藍色,我同太太晴天霹靂,完全唔知點算。太太係眼科護士,更心知不妙,濛濛鬆鬆已開始流淚。」

「阿仔轉上兒科ICU,被確診先天性青光眼,視力近乎零。先天性青光眼的人唔多,由媽媽肚中一出世就出事就更少,是二萬分之一。阿仔眼內的排水功能出了問題,令眼球內不停積水,當時他的眼壓有50mmHg,比正常人高一倍。」

「剛出世十幾日,就做第一次手術。因為佢太細,每次手術都要先麻醉佢做檢查,再同醫生決定點做。試過喺眼球開洞,又試過放導管,不過成效都麻麻,眼壓好快升番。未夠一歲,已經做咗十六次手術,差不多每個月就要做一次。」

「醫生同我哋都係摸着石頭過河,唔知道咩方法先係最好。小朋友新陳代謝快,傷口好快自然癒合,排唔到水,眼壓自然會再升高,後來做激光,殺死制水細胞情況先穩定。阿仔要插針,其實好痛,但依家唔保護佢視力,將來可能會完全失明。」

撰文:黎雅婷
攝影:葉漢華

老師說過,香港早已無田耕。小時候寫我的志願,不是醫生、就是老師。

二十五歲的馮家樂,一次機會,接觸到馬寶寶社區農場,發現原來農夫不只是一份職業,更是一份專業。他決定當全職農夫,賣自己種的蔬果,預計月入六千蚊。賺得少,他要放棄不必要的消費。但在田園裡的一切,比物質帶給他的,更有滿足感。

「做了學農三個月,有千幾蚊收入,過多一排有收成後,將自己種既蔬果賣出估計會有六千蚊。因為收入不多,我不能再買新遊戲機,出街吃飯唱K可免則免,盡量自己煮飯食。可能你會覺得這種生活好艱苦,但我覺得透過有機耕種,種到健康好味?農作物俾香港人食,比起賺一大筆錢,更有意義、更開心。」

「在香港所謂好工,即等於搵到錢,人生還有沒有其他可能性?由細到大,我可以選擇的根本不多,學校揀科只得文理商,大人期望你將來不是當醫生就是做律師。以前我根本沒有想過,原來還可以做農夫。」

「屋企人給我一年時間我去試全職耕種,但我沒有告訴他們,所以決定以全職農夫為我終身事業。希望這一年,可以證明到係香港發展農業的可能性,年輕人係香港耕田有希望。」

撰文:戴晴曦

攝影:時事組

相關新聞:

【月入6千都夠使】唔係垃圾 25歲全職農夫:耕種係一種專業

http://bit.ly/2vzZJcb

 

何偉強,五十二歲,裝修師傅。他的前半生與白粉為伴。一次又一次想戒毒,但一次又一次的失敗。

前半生,出入監獄十次,從冇令他有悔意,卻因一次工業意外,令他與死亡擦身而過,為了太太及女兒,他決心戒除毒癮。

○三年出監,細佬送咗部電腦俾我,無聊會開QQ,識到祖籍黑龍江嘅老婆。結婚前,我向佢坦白。為咗佢,我戒毒,跟老婆返鄉下,貪嗰邊買不到白粉。每日自己減量,我將白粉溝入鹽水。兩地溫差好大,鄉下負25度,啲白粉有細菌變壞,食完成個人發燒發冷,就飲鴉片煙水止住,如果癮起就沖凍水涼。婚都未結,一返香港又食番。老婆對毒品唔認識,我搵好多唔同藉口呃佢,始終冇下定決心戒。

到個女出世前,想喺無毒品下睇佢出世。將太太送返鄉下待產,我再戒毒。點知,當接佢哋返香港,一過關我就去食番。當時一個月搵萬幾,食白粉一日都要四百,捉襟見肘。試過拎太太啲首飾去當,連自己手上隻婚戒都當過十次。

有次喺地盤,我發生意外,個人清醒但手腳無知覺。我不斷諗,如果我癱咗,兩母女點算?我開始驚。死過翻生,今次決心要去戒。一出院就去搵美沙酮診所見社工,佢話戒毒要一年,最後我三個月就完成。有次,我同老婆和個女返大陸玩,前後三日都冇飲美沙酮。人生之中,我冇試過冇毒品多過三日,我好想自己成功,做番個好榜樣俾我個女睇。

吸毒係一個人嘅事,但戒毒好靠身邊嘅人支持。以前我太太,好怕俾人知我吸毒,依家佢仲鼓勵我坦誠講番以前的經歷。好多謝佢無放棄我。

撰文:黎雅婷
攝影:葉漢華

「陪着你走,一生一世也不分。天天編出兩雙足印,過千山過千海。」對一位爸爸而言,不單是一首歌,更是對太太的一份承諾。

黎韋源,一位平凡普通的爸爸,卻要經歷一場不平凡的人生。

八年前,太太袁嘉雯(阿蚊)懷疑產後腦中風導致全身癱瘓,病情一度起伏不定;一家三口的幸福,一瞬間流逝。這個一家之主,擔子再重,也未言棄,決心畢生守護兩位至愛。

「『如果我有咩事,你要好好照顧BB。』太太阿蚊跟我說的最後一句話,一直在我腦海千回百轉,亦是我一生堅守的承諾。已經過了八年,我的心仍然好痛。」

「當年,阿蚊入院生阿女諾霖。臨出院,腦科醫生叫停我們,指發現阿蚊腦內蜘蛛膜下腔出血,要開腦止血。手術後,阿蚊病情冇乜好轉,醫生發現佢唔郁得,更需要即時通波仔,一個月內做了幾次大手術,都係郁唔到。每次聽到醫院打電話俾我,我都好驚,驚佢要插多條喉,再辛苦多一重。」

「頭半年,我掙扎過想放棄,不過多謝主診醫生,佢話只要我肯堅持落去,佢可以幫我。如果有希望,要我照顧一世又點話?後來阿蚊情況穩定,我決定接佢出院。」

「當時心理壓力好大,不過唔敢講,驚嚇怕所有人。唔係怕承擔責任,而係驚阿蚊會死喺自己手上。當時咩都唔識,會唔會有生命危險?咩情況要返醫院?好怕落錯決定。但我都堅持接佢返屋企,因為我知,送佢去療養院,即係推佢去死。」

「我將屋企大改裝,太太張床放喺廳,依家由阿蚊媽媽、工人及我輪流照顧佢。由沖涼、換衫、餵食,都可以喺床上處理,一切以阿蚊最舒服自在為前提。如果阿蚊不適,我會以身試病,將病傳染我,等我知佢邊度唔舒服。」

「醫生曾講過,阿蚊個腦好多組織已壞死,有失語症。我同阿蚊識了兩年多就結婚生了小朋友,真正用說話溝通的時間就只這兩年多。我唔係特別偉大,只因病嘅係阿蚊,係我嘅太太。我冇諗過放棄佢,被遺棄嘅感覺好難受。依家我握住佢隻手,從表情和力度可以估到佢嘅需要,開心定發𤷪。」

「有阿蚊在,令霖霖可以在完整家庭長大。阿女好懂事,自豪有一個不一樣的媽咪,她是家中的開心果。相信阿蚊同我一樣,覺得好欣慰。有人問阿女,如果不開心會點?她說:「我會諗一些開心事。」她教我人生總有不如意,開心點一切就會過去。我冇再去想以前的美好,或者期望何時有奇跡。如果堅持同其他人比較,我哋永遠都唔開心。依家望住阿蚊同阿女玩,對住我們笑,已經係我終極目標。」

撰文:黎雅婷
攝影:林金展

相關連結:
【半單親爸爸】太太產後腦中風致全癱 鐵漢硬撐8年守護摯愛妻女
http://bit.ly/2rGCb79

【半單親爸爸】好老公接癱瘓妻返家 一家三口憑感覺溝通重拾笑容
http://bit.ly/2sgDOXD

我係是丹尼簡斯拿,今次應該係我最後一次,用呢本護照返家鄉過暑假。

以前在西班牙,我一直都在二、三線聯賽浮浮沉沉,所以我一路踼波,一路讀法律,為自己搵定出路。邊估到,會突然收到傑志教練甘巴爾一個電話,下定決心拎住護照,由拉科魯尼亞,飛到一萬公里外的陌生城市。

我同老婆結婚冇耐,初來到,好唔適應。以前在家鄉,人人當酒吧係家,每日在這裡跟朋友聚頭,消磨時光。但我最初住在馬鞍山冇吧蒲,「鬼佬」亦唔多個,練波以外嘅時間好唔易過。

好彩屋企附近有間大排檔,老闆雖然一句英文都唔識,但次次都好熱情咁招呼,我同幾個隊友晚晚都去嗰度,叫碟「椒鹽鮮魷」或者「西檸雞」當Tapas送酒。甚至私底下幫間鋪改了個西班牙名「Paco」,就算雞同鴨講,一嗌「Paco」,老闆都會應。係呢種親切感,為我一解鄉愁。

 

今年七月起,香港足總為聯賽的「本地球員」重新定義:除要有永久性居民身份證,外藉球員還要放棄原有國籍,領取特區護照。即將住滿七年的傑志外援,三十五歲的丹尼簡斯拿更是首當其衝,想做「本地薑」,就要摒棄本來的西班牙藉。但他為了香港出世的寶貝,早決意做個「真香港人」。

撰文:關冠麒

攝錄:李育明

 

三十九歲的IT公司老闆黃偉漢,三年前囡囡意外來臨,卻發現她是罕見的地中海貧血患者;猶幸囡囡現在一切正常,亦令他對生活有另一番見解。

「老婆陀到三、四個月,我哋發現原來大家都係隱性地中海貧血。嗰陣以為冇咩大不了,驗吓血、檢查清楚就冇事。後來發現,個胎唔係咁簡單,佢有1/4機會係重型地中海貧血,好可能會夭折、過唔到十歲,又或者要長期輸血。當時要抽埋羊水去化驗。除咗老婆要受皮肉之苦,我哋內心都好痛苦。」

「上網搵過好多資料,不停去睇重型或輕型會點。入去見醫生之前,同太太都理性傾好,不幸係重型嘅就唔要,唔想自私帶佢嚟令她受苦。不過當時好樂觀,會覺得冇事。點知醫生嘅答案令我措手不及,佢話搞唔掂,從醫咁耐未見過同類個案。我睜大眼望住佢,『即係點?』佢同我哋解釋話情況好罕有,係幾百萬分之一。BB可能咩事都冇,亦有機會係重型。比例有幾多?佢都答唔到我。」

「個胎開始長大,唔拖得。我們周圍去問過很多醫生,佢哋一樣話未見過。有醫生建議博一博,亦有醫生斬釘截鐵建議落咗佢。我哋可以咁簡單去決定一個生命嘅生死?當時身心疲勞,佢係我嘅親生骨肉,我唔想用博吓冇事嘅心態去決定生唔生佢。嗰段時間,同太太爭執過,由我唔想要,到她唔想要。到有一次,大家都決定唔要,嗰刻係最痛苦。」

「直到有日,我決定搭多程的士,搵一個權威嘅血科醫生,他見過類似情況,話患者多數無事。醫生一番話就好似支強心針,亦令我決定保住阿囡。好感恩,阿囡嘅情況係奇蹟,她冇咩大事,只係有少少貧血,依家兩歲幾,好活潑冇時停。經過咁多難關嚟到呢度,只想佢開心快樂,所以她叫阿悅,英文名叫Happy。」

撰文:黎雅婷

攝錄:林金展

黃偉漢,三十九歲,IT公司老闆,亦是一位業餘畫家。年輕時,與一般人無異,為公司拼盡全力,希望創出一番事業。直至三年前,囡囡意外來臨,卻發現她是罕見的地中海貧血患者。與太太痛苦掙扎過,由想放棄到決心保胎。猶幸現在囡囡一切正常,亦令他放慢腳步,對生活有另一番見解。

「三年前,當時嘅女朋友,即依家嘅老婆同我講,佢有咗。我當時未結婚亦唔相信,仲話一定係驗孕棒出錯,叫她去醫生度再驗。甚至照埋超聲波,我都未肯相信。因為當時嘅我,根本未準備好要做人爸爸。我仲要出去同朋友玩、夜晚摸吓酒杯底,咁快要湊仔?」

「以前我一直忙於工作,好想創番事業。當年喺浸大Year 1決定退學,同幾個朋友開公司搞手機程式,當時都仲未有智能電話。公司好景時喺深圳、新加坡和印度都有分公司,最差時亦試過戶口得番三位數,面臨執笠。生活就係返工放工,有時同朋友出去飲杯嘢,天光又返去博過,生活係唔係得咁樣?」

「我自細好鍾意畫人像。阿囡出世後,為咗陪她成長,多咗時間留喺屋企,令我多咗拎起畫筆,用麻布做畫紙,不停畫低阿囡個樣。如果情況和生活條件許可,希望可以轉行全職做藝術家。阿囡今年兩歲,正值Trouble Two,所以我依家搞緊嘅畫展都叫『Trouble Two』,紀念我哋走到今天,得來不易。」

「人就係咁犯賤,未試過失去就不會珍惜。以前事業、朋友係第一位,而家有咗阿囡,我會將屋企人放首位。如果當初阿囡唔係有病,我未必會咁珍惜呢個『意外』,未必咁想生佢。直到做咗人爸爸,先感受到阿囡得來不易,佢係意外再加意外。原來人生冇得計劃咁多亦冇得估計,想做就應該盡力去做。阿囡改變咗我好多,係上天送俾我最美麗的意外。」

撰文:黎雅婷

攝錄:林金展

三十多歲的都在唱容祖兒、楊千嬅的歌;傅詠茵,卻喜歡梅姐、林敏聰,飲歌是《舊夢不須記》、《夢伴》。

傅詠茵,三十八歲,曾參加過大台節目《殘酷一叮》,被封為「閩南歌后」,更被推薦到北京參加中央電視台的《夢想中國》比賽。自此搖身一變,成為夜場歌后、酒樓歌手。

「我唔太怕醜。吖,應該話唔知醜,細細個已經鍾意上台唱歌表演。《舊夢不須記》3歲已經識得唱。我喺圍村長大,大時大節有喜慶節目都會搵到樂隊返嚟助興。我就咁衝上台表演,樂手彈到邊,我就跟住唱,完全無彩排同準備。 」

「細個嗰陣,未有彩色電視,阿媽開收音機,播咩就聽咩,有時會播碟自己跟住唱。我係怪人,只係鍾意聽老歌。五、六十年代開始,最新都係聽到去梅姐。中學時,一班同學去唱K,同學會嫌棄我,話我跟不上潮流。輪到我唱,就係佢哋嘅廁所位,留低我一個自己唱,我唔理,因為咁先係我。」

「我唔識欣賞新曲,我覺得歌詞好難記。我揀歌,一定會先揀音樂和歌詞。歌詞要觸動到我,先可以投入去唱。閩南歌的旋律同歌詞,夠簡單同直接,咁先係我杯茶。我仲好記得,當年用咗45元,買咗隻閩南歌精選,返屋企不停聽不停唱,好多比賽我都係唱閩南歌。」

撰文:黎雅婷
攝影:葉漢華

相關連結:
【掟包韓紅】夜場麻甩佬嫌棄肥豬肉 「歌后」樂觀:我接受自己肥
http://bit.ly/2rxMAkS
____________________
《壹週刊》周二頭條 :
【當街吸毒】有片!毒男街頭點火吸冰 深水埗失控
http://bit.ly/2s6tfEA

《壹週刊》周二娛頭 :
【出櫃後首個訪問】未正式離婚 黎明詩:都半百喇,希望做番自己
http://bit.ly/2s6XNpB

三十多歲的都在唱容祖兒、楊千嬅的歌;傅詠茵,卻喜歡梅姐、林敏聰,飲歌是《舊夢不須記》、《夢伴》。

傅詠茵,五呎九吋半高,二百三十多磅,屬重量級中女。先後參加過大台節目《殘酷一叮》、北京中央電視台的《夢想中國》。肥胖的身軀,令她成為台上的焦點。自此搖身一變,成為夜場歌后、酒樓歌手,每晚拎咪唱老歌,為搞氣氛、哄食客開心,享受屬於自己的舞台。

「我一直覺得唱歌只係興趣。中學畢業後,我做肥人模特兒,幫老闆試衫。03年公司執咗笠,我失業。05年,大台搞《殘酷一叮》,每秒一百好吸引,仲可以出鏡唱歌。阿媽好反對,話要扮鬼扮馬。我無理,初賽我只係企定定唱咗隻歌就入咗圍。佢哋覺得肥妹企係到,咩都唔使扮,一開聲已經夠噱頭。」

「多咗人識我後,我入咗行,做酒樓宴會歌手。高峰時我曾經一日走九場,到依家每晚最多一至兩場。呢行有靚女青春的,亦有走高雅路線的,當然我係走豪邁嘅實力派。每晚可以企係觀眾前唱下《喜氣洋洋》、《跳舞街》,見觀眾投入到跳晒舞,我已經好開心。望住台下嘅人,好投入咁聽住自己唱歌,每一下拍掌都令我好感動。 」

「雖然我唔係出唱片、拎獎歌星,表演場地唔係紅館,亦只係翻唱人哋嘅歌。不過,我會落力做好每場表演。台下觀眾反應好直接,會請我飲汽水、同我影張相,又會俾利是我。甚至會問我下場喺邊到,想買票再支持,對我已經係最大嘅鼓勵。唱歌帶到比人歡樂,觸動到台下的人就夠。」

「每個時代終有終結,隨著舊式酒樓的沒落,酒樓歌手都開始式微。我轉去教小朋友唱歌,夜晚到唔同地方唱歌,隨遇而安。鍾意唱歌嘅人唔會理,只會繼續享受每晚屬於我的舞台。」

撰文:黎雅婷
攝影:葉漢華

相關連結:
【掟包韓紅】《殘酷一叮》落敗「閩南歌后」夜場翻叮粉絲多
http://bit.ly/2rfU6jH
____________________
《壹週刊》周二頭條 :
【當街吸毒】有片!毒男街頭點火吸冰 深水埗失控
http://bit.ly/2s6tfEA

《壹週刊》周二娛頭 :
【出櫃後首個訪問】未正式離婚 黎明詩:都半百喇,希望做番自己
http://bit.ly/2s6XNpB

近日,一條MMA十秒KO太極的片在網上瘋傳,曾經風光的傳統武術竟被彈至到一文不值。學習傳統武術十多年的鄭怡銳,看到片段有感而發,說出一件往事。當年在學校與同學打架,加入拳館不久的他,即打電話予他好打得的大佬(師父),即馬大英第三代傳人馬天樂求救,怎料大佬來到,並沒有出拳還手。那一刻,他的確有點失望

我唔鐘意讀書,最鍾意蝦蝦霸霸,鍾意威,鍾意出頭。那時跟了個黑社會大佬,每日工作就是在學校收門生,強狀勢力,都上過幾次差館。拳頭是最好證明自己實力的用具,出拳並無原因,可能係「你啤咩呀?啤咩唔好呀﹗」咁就打佢囉。為咗好打啲,跟人去學武術,跟著達摩蝴蝶本合門、馬大英第三代傳人馬天樂。

剛剛入館,就係學校同人開拖,打輸咗,唔憤氣,打俾大佬馬天樂,佢即刻撲黎學校。我呢個大佬好打得,心諗你班友仲唔死,點知大佬嚟到,並無出手,只係同對方講咗幾句。

佢同我講,你唔好用你黑社會個套,唔係下下打打殺殺先解決到問題。佢三言兩語同對方講大家同學仔,日日見面,你打我我打你,唔知打到幾時。最後我同對方做埋好朋友。

加入拳館之後,都都唔係想像中咁樣。日日上嚟就係紮馬、練體能,成個月都未掂到個沙包。紮完馬,仲要抹廚房、廁房,仲要抹玻璃,我係屋企都無做家務。想走過好多次,但連獅頭都未掂過,好唔甘心,又留低。等咗一段日子,終於可以打沙包。好威咁,一拳打落去,然後雙手腫咗,原來個沙包真係沙,好硬架。練下練下,以為自己打得好好,點知師父都係鬧喎,我反叛,唔願聽。十幾年嚟,因此離開過拳館好幾次。不過心癮起,又番嚟,師父總係不計前嫌。

後來愈學愈多,終於明白點解唔可以咁快教我打人,因為更重要係教打人之前教我做人。傳統武術,鎖技、粉關節,通通都可以打死人。師父只深入了解我為人之後,才續點續點去教我。

跟咗呢個大佬,遠離咗以前個大佬。拳館有好多人,唔只是我這類,接觸得多不同的人,原來我嘅圈子唔只係黑社會中,我嘅生活,唔只是打打殺殺、飲飲食食。我由貨車仔,到建立自己嘅貨車隊,如果我繼續用拳頭渡日,到今日可能仲係一個小嘍囉。師父話齋,咩先係真功夫?係做人,而唔係打人。

撰文:梁佩均

攝錄:林金展

相關連結:
【傳統武術鬥MMA】為傳統功夫反擊 武術師父:不打千日拳,何來千日力﹗
http://bit.ly/2s1g1cb
_____________________
《壹週刊》周日頭條 :
【月租十三萬】黃翊傳經營街市大排檔秘笈 有幾樣嘢一定要留意
http://bit.ly/2rJAaGs

《壹週刊》周日娛頭 :
【半百男星發圍】黎耀祥廖啟智艾威 二打六變男一
http://bit.ly/2s1u01C

相關連結:
【抑鬱童年】走出自殺陰霾 中大女生義教基層「幫昔日嘅自己」
http://bit.ly/2qNRbMT
_______________________
《壹週刊》周二頭條 :
【俾個叻你】無障礙的士大比拼 邊間有五星級服務咁勁?
http://bit.ly/2qbHp5a

《壹週刊》周二娛頭 :
【拍賣后冠勞心腦瘤復發】李珊珊高燒休克 再call白車入院
http://bit.ly/2q3bjNO


潘書韻,廿二歲,中文大學中文系畢業生,現職補習社導師。自小父母離異,由嫲嫲湊大,自卑感令她封閉自己,抑鬱令她曾自殺、企圖了結生命。幸好,媽媽再度出現在她的生命中,令她釋懷。

「成日話細路仔仲細,邊會意識到壓力大,點會識自殺。識,因為我小學就試過。未讀小學,爸爸媽媽就離婚,個官判咗我跟爸爸,自細就由嫲嫲湊大。嫲嫲好錫我,不過我真係好介意。爸爸每星期會來探我,帶我去玩,我會扮到好開心,唔想他擔心我。但,我知,我係扮。」

「屋企人好錫我,不過嗰陣諗唔開,只係想要父母。堂妹同我完全相反,佢家境好又幸福;佢爸媽買玩具俾佢時,會買多一份俾我,我會更唔開心,覺得係佢哋可憐我、施捨我。細個我好憎堂妹,因為佢係受上天眷顧嘅人,亦提醒我自己有幾不幸。」

「中間有幾年,我無見過媽媽。嫲嫲會叫我唔好再掛住媽媽,係佢拋棄我,係衰人。無論我憎唔憎媽媽都好,我都唔想知,我唔想做磨心。細個好儍,覺得他們離婚係唔係關我事?究竟我存在有咩意義?我思想極負面,每一晚臨瞓前都會偷偷地喊。每年生日,我會許願希望我唔使再過下一年的生日。」

「記得父母剛分開,係我第一次想死。我企喺窗台前,望住樓下喺度諗,如果我依家跌落去會點?嫲嫲以為我貪玩,救番我。小四那年,我又試過儲零用錢去買炭,想學新聞咁去燒炭。我好希望自己可以快點離開世界,人生就不會再痛苦。」

「直到社工安排,我見番媽媽,感覺好熟悉又陌生。後來我明白她都有她的苦衷,身體有病痛,日子亦不好過。她叮囑我要好好孝順爸爸,過去的事就由佢過去。」

撰文:黎雅婷

攝錄:葉漢華

相關連結:
【抑鬱童年】受父母離婚打擊 港女憶六歲企跳尋死小四想燒炭
http://bit.ly/2rsXng2
_______________________
《壹週刊》周二頭條 :
【俾個叻你】無障礙的士大比拼 邊間有五星級服務咁勁?
http://bit.ly/2qbHp5a

《壹週刊》周二娛頭 :
【拍賣后冠勞心腦瘤復發】李珊珊高燒休克 再call白車入院
http://bit.ly/2q3bjNO

中文大學中文系畢業生潘書韻,今年廿二歲,因自小父母離異,由嫲嫲湊大而充滿自卑感,小學時企圖自殺,幸最終「大步檻過」。大學畢業後,潘書韻任職補習社導師,當上義教老師,希望幫助有需要的人。

「我細個好少說話,喺學校係冇咩社交,同學會欺凌我,覺得我智力有問題。生存意義都冇,更加唔想讀書,成績好差。老師有搵過我傾,不過用質問我嘅態度。學校有個小老師計劃,只係得那個大姐姐好耐心教我。」

「我係早熟嘅細路,我知自己同其他小朋友際遇唔同,唔明白個天點解咁唔公平。學校活動、家長日,人哋有父母參與,而我永遠得嫲嫲,我唔想其他人知我冇父母。同學無論點都好,起碼都會有父母的關心,但我就好似咩都冇。」

「升中後,我開始努力讀書,主動認識不同的朋友,我亦順利升中大讀中文系。回望過去,我希望自己將來,可以做一個老師,幫番一些同我一樣有需要的幫忙的小朋友。現在正職做補習老師,仲會抽一日去義教,免費幫一些基層或南亞裔的小朋友。」

「我理解學校老師好忙,冇時間處理學生情緒。我見過有老師夾埋班學生,一齊去笑我的好朋友。小學時,我被欺凌,老師無理過,認定我是懶和蠢。但係唔係讀唔到書,就代表是懶?點解要贏在起跑,不可以中途追上?我都一樣做到。老師的一句話,好影響學生。雖然我的童年未必同佢哋一樣,但各自都承受著不同的壓力和情緒,我都希望可以幫到他們,就好似幫當初的自己一樣。」

撰文:黎雅婷

攝錄:葉漢華

相關連結:
【手藝瀕失傳】老師傅嘆新一代難接班 工場製點心擺得耐唔夠新鮮
http://bit.ly/2qzWl0j
______________________
《壹週刊》周六頭條 :
【福臨門講大劉】大劉狠批水準下降 老闆:不會依靠一個客去生存
http://bit.ly/2rmXmKC

《壹週刊》周六娛頭 :
【江湖大佬湊孫】惡煞陳惠敏瞬間變慈祥爺爺
http://bit.ly/2r12Cn4


黃強,五十餘歲,是一位三十多年的點心師傅,每日在茶樓廚房搓粉、醃材料、包餃,製成一籠又一籠新鮮點心。他笑言工作最辛苦的地方,是當其他人在睡覺時,自己已經要起身工作。

「做點心呢行,其實好辛苦。工作唔難但繁複,本身對呢行冇興趣,真係唔好入行。最辛苦就係我哋要喺大家好夢正酣時爬起身,每晚九點前就瞓。凌晨三點幾,就要返嚟舖頭預備,大概八個師傅,要合力整好全日六、七十款點心。喺開業前四十分鐘,就要開始蒸定唔同嘅點心,放上點心車俾早茶客。完咗早茶,就要開始準備午市同下午茶。好多時,我哋都係忙到下午先得閒食飯。不過以前做酒樓,會包埋食宿,收入穩定,好適合平淡又唔怕悶嘅人。」

「同好多傳統行業差唔多,呢行都係師徒制,好講聽唔聽話,師傅講咩跟住做就包無死。我咩都唔識,由學徒仔做起,初初幫手執料做吓打雜,最緊要秤好所有材料,執好一份一份,師傅會跟得好緊。八十年代入行,第一間做嘅酒樓喺深水埗,不過都已經唔喺度喇。」

「七、八十年代嘅酒樓,點心款比依家少好多,得廿幾款。點心基本分為四大類,烘爐、熟爐、腸粉、煎炸,基本上要學識晒。學徒仔都有機會做吓簡單點心,好似包雞紮、整鳳爪。之後就會學整炸物、酥皮。難度再提升,就開始蒸吓糕、包點,最後亦係最難就係搓皮、包蝦餃。」

「我當年都幾幸運,師傅好肯教我,我用咗八年就做到幫車、即係副主管。其實包點心唔算難學,都係手辦眼見工夫,最緊要係勤力。好多時落場後,幾個同事就會拎舊粉跟師傅學嘢,自己不停搓。最難學係包蝦餃,最少要有十二摺先至叫高質素。蝦餃皮講求煙韌,最緊要澄麪撞落熱水時,撞得好同水溫夠,全部都係靠多年經驗累積。」

撰文:黎雅婷

攝影:葉漢華

相關連結:
【手藝瀕失傳】入行必須早起身 老師傅:點心四大範疇,蝦餃最難
http://bit.ly/2qzI6IN
______________________
《壹週刊》周六頭條 :
【福臨門講大劉】大劉狠批水準下降 老闆:不會依靠一個客去生存
http://bit.ly/2rmXmKC

《壹週刊》周六娛頭 :
【江湖大佬湊孫】惡煞陳惠敏瞬間變慈祥爺爺
http://bit.ly/2r12Cn4

隨著舊式的老茶樓陸續結業,即做即蒸的一盅兩件,早已被工廠機製的點心取締。做了點心師傅三十多年、五十餘歲的黃強慨嘆,連鎖式酒樓為減成本,追求平靚正,令我們未必再記得,每件點心都是師傅數十載手藝、心思的結晶。

「我學歷唔夠高,要靠一技之長。以前嘅年代,勤力就搵到食,唔憂無出路。想當年,我喺大陸耕田咩都唔識。落嚟香港之後,見到做飲食好似幾好,我又鍾意食嘢,誤打誤撞就入咗行做廚房,一做就做咗三十幾年,係長康酒樓(上周結業)嘅點心部阿頭。」

「樓面阿姐講笑話,我哋係全酒樓最忙嘅角落。係呀,我們忙到連大假都好少放。時代唔同,即使呢行空缺多,但都好少後生仔入行,呢行工時長又辛苦,環境唔好,仲要咁早起身,邊請到人。加上好多連鎖式酒樓話想減低省成本,點心都改咗用工場機製。新入行嗰班,之前做開大酒樓,又未必識包點心,呢份手藝慢慢會失傳。」

「好多謝(長康酒樓)老闆咁多年都欣賞即製點心,仲話點心係用一點心去做,先係最好。雖然成本貴,但(點心)新鮮先係最重要,他保留即製點心呢個傳統,話機製的點心無得比。」

「我喺長康酒樓做咗十八年,好多街坊支持足酒樓十幾年,日日來飲茶。現在要結業了,我都好唔捨得一班街坊同伙記。」

撰文:黎雅婷

攝影:葉漢華

相關連結:
【唱片會死】信和27年CD舖結業 老闆嘆港人淺薄:覺得音樂免費
https://goo.gl/9Nm2HI
_______________________
《壹週刊》周四頭條 :
【1間居屋養3代】俊民苑15萬變600萬 守足40年業主:而家仔女每人一層樓
https://goo.gl/VUMXDw

《壹週刊》周四娛頭 :
苟姑娘孖陸漢洋 戲院摸黑談情
https://goo.gl/A991E1

「現在的音樂世界,連CD、黑膠碟等實體都容不下,仲點會容得下賣碟的唱片店?」張家裔,六十四歲,信和地庫某角落的唱片店老闆。自小受爸爸薰陶,愛聽非主流歌,可惜經歷了廿七個寒暑,最終敵不過市場,唱片店將於六月結業。

「我做公務員搞IT,不過只係打份工。九○年一月一日,我喺信和開咗呢間CD鋪,呢個先係我嘅興趣。千禧年,我提早拎錢退休,全心去搞唱片生意。放得喺我鋪,都係我鍾意嘅。」

「我細細個已經識音樂呢個女朋友,一識就識咗六十年。我爸爸好鍾意音樂,成日喺屋企播歌。佢唔俾我放學出街玩,逼住留喺屋企陪他錄歌。以前冇咁多唱片,多數係靠電台。好多人就會用卡式帶將電台播嘅歌錄低。最高興都係打颱風,全晚冇間斷播歌,當時我就好似書童咁,幫阿爸沖茶點煙。」

「(鋪內)收銀枱上放咗部好珍貴的播碟機,係我爸爸嘅心肝寶貝,當年他借俾我播歌。我買靚酒哄他送給我,他始終唔肯。有個世伯提點我話:老人家冇話拎番,即係送。我終於明白,雖然我爸無讚過我叻,其實佢係好認同我咁多年嘅努力。做咗咁耐,最唔捨得,冇得再用阿爸呢部老爺機,介紹我鍾意嘅歌。」

撰文:黎雅婷

攝錄:林金展

相關連結:
【傾偈很難】盼改變冷漠低頭族 90後港男堅持每日搭訕陌生人
http://bit.ly/2oVzsRC
________________________
《壹週刊》周日頭條 :
【誠哥抗衰老●代理專訪】李嘉誠掟2億研製「不老藥丸」 港代理︰60歲可以重回20歲
http://bit.ly/2pISEGB

《壹週刊》周日娛頭 :
【腰傷停工9個月】程可為捱到甲亢︰打botox喺眼簾遮凸眼
http://bit.ly/2oJs8wG

梁焯霖,90後,一個兼職演員兼剪片,普通不過的後生仔。於去年年底忽發奇想,希望打破都市人的冷漠,同時鼓勵大家放低電話,留意身邊發生的大小事;他開始堅持每日找一位擦身而過的人傾偈,了解不同陌生人的故事,並於facebook上開設「陌樂偈」專頁,分享與每個人「傾偈」得來的小故事。

「每次陌樂偈都會有得著。基於不相識又未必會再見,好多人會將他的心底話同我講。一世人得一個人生,當你聽完他們的故事,就好似經歷他的人生。」

「有一次,我經過某大遊戲樂園,見到好多老人家喺度玩推銀機,我好想了解他們點解鍾意玩。有個伯伯話退休之後好悶,想玩吓打發時間,原來會輸好多錢,仲話有師奶玩到輸咗層樓。後來發現他後生時係跑馬,專門訓練賽馬,好少人做呢行。他仲話,一騎上隻馬就知隻馬跑唔跑得。哈,我以為他一定發達啦,點知他話:『馬係跑得,前腳肯去、後腳肯去、頭都肯去,不過背脊唔肯去。』即刻明白晒。後來傾得投契,他想介紹我去做騎師添。」

「每次同陌生人傾偈都會好緊張,緊張是緣於那份未知,你不知道會遇上咩人、同你傾咩內容。有一次,遇到一個精神病人,他指住空氣罵『你個賤女人』,旁人當然四散,甚至問我點解要走埋去。當我行埋他身邊時,他好緊張同我講:『唔好埋嚟,我食緊藥,我有病。』後來,同他傾一輪,原來有精神分裂,覺得自己左邊是男人、右邊是女人,講到自己想喊。直到他要落車,隔住車廂,他仍然喺度傾。」

「傾偈咁簡單的事,原來對他們來講係咁難得。我見到旁觀者的眼神,不是恐懼,而是厭惡。我身邊都有人有精神病,其實他們知道自己有病時係好痛苦,他自己都唔想但控制唔到,點解要咁標籤他們?」

「好多人見我行埋去時,以為我搞推銷、傳教、賣廣告,認定我有企圖同目的。其實我們唔係冷漠無情,只是對人有戒心,咁多年來都無試過同陌生人傾偈,亦無試過無目的咁關心與了解一個人。」

「『陌生人,我可以同你傾吓偈嗎?』我只是想關心你。」

撰文:黎雅婷

攝錄:胡智堅

相關連結:
【傾偈很難】港男fb分享搭訕故事 退休「騎馬人」講賭馬竅妙
http://bit.ly/2pv7pM6
_________________________
《壹週刊》周日頭條 :
【誠哥抗衰老●代理專訪】李嘉誠掟2億研製「不老藥丸」 港代理︰60歲可以重回20歲
http://bit.ly/2pISEGB

《壹週刊》周日娛頭 :
【腰傷停工9個月】程可為捱到甲亢︰打botox喺眼簾遮凸眼
http://bit.ly/2oJs8wG

「陌生人,我可以同你傾吓偈嗎?」聽到這句說話時,你會放低手上的電話,停下來跟一個素未謀面的人說上一句半句嗎?或是認定他是白撞兼打發他走?梁焯霖,90後,一個兼職演員兼剪片,普通不過的後生仔。上年年底開始,他堅持每日找一位擦身而過的人傾偈,了解不同陌生人的故事。

「記得有一次喺巴士站等車,有個婆婆落車後,冇力踏上行人路嗰一小級。她伸手向途人求助,我即時衝上前扶她。再望望身邊嘅人,依舊上車落車,冇人停低過。我覺得好得人驚,點解香港會咁?不過未必是途人冷漠,只是他們見唔到婆婆。」

「以前返工放工,都要搭一程長途巴士,大家習慣塞住耳筒、碌住電話。每分每刻都望住電話,就好似被它控制咁,一秒都不可以離開,身邊發生咩事你唔會知。我們唔係唔傾偈,只係喺網上傾。由以前ICQ、MSN到現在Facebook,見到有興趣的帖文,我們都會留言、討論、爭執。」

「外國人會好隨意咁同路人打招呼,但是在香港,即使有個活生生的人在你身邊,你也不會與他溝通。我好想同唔識的人傾偈,每日最少一個。」

「為了唔好年頭就食檸檬,我就喺2016年尾開始,有日一開完通頂,就搵到一個護士傾偈。第一次成功之後,我仲好開心咁打篇千字文,話俾身邊的朋友知。最後我仲開了『陌樂偈』facebook專頁,將同陌生人傾偈嘅得意事記錄低。」

撰文:黎雅婷

攝錄:胡智堅