< 返回
  • 【最靚嘅豬腩肉】子承父業三十年 堅持炭火燒 榮哥:肉質差好遠 燒完仲出緊油
  •   25,803 views │ 2017年08月09日
    留言()

 

劉劍榮,六十多歲,燒味店永合隆太子。鋪頭堅持沿用炭火燒豬,香港已經所餘無幾,鋪頭門外每日定時大排長龍,等待新鮮出爐的燒豬。

三十多年前,劉劍榮還是一個髮型師,不忍心老父年屆退休之年仍要辛苦在火爐邊工作,決定子承父業,放低鉸剪,轉行揸叉。幾十年出品,堅持最古老一套,為的就是保持品質。

【最靚嘅豬腩肉】二百度火爐乾蒸環境差 榮哥慨嘆:冇後生仔入行 式微都無計 ( http://bit.ly/2uCnYEU )

「睇我身形大大隻隻,體重成二百磅,日日企喺火爐邊燒隻豬,真係企喺度唔郁都流汗。我三十歲前都幾有型,做髮型師,幫人剪頭髮。不過,見收入唔算好,又冇咩特別,老豆都叫咗好耐,於是返嚟鋪頭幫阿爸手。廚房環境真係麻麻,又熱又焗。但見到老豆都五六十歲,仲要咁辛苦,真係唔忍心。」

「三十歲人,先由頭跟老豆學起。鋪頭咁多年嚟,堅持要用靚料。燒豬用嘅豬係新界豬,每日喺屠房劏完就運送過嚟,每朝收到嘅豬,要自己清洗血水同劏開,再攤開用鹽同其他秘製調味料醃三粒鐘。到差唔多時候就將隻豬上叉,再放入炭爐烘乾。個爐都係度身訂造,每次燒到一、兩隻。最後,就要埋火爐燒。個爐有十幾斤炭,成二百幾度,一隻中豬成五十斤,就咁叉住喺火上面燒大半個鐘,就好似燒嘢食咁,不過係大件啲重啲咁解,全程無冷氣亦唔行得開。」

「旺角砵蘭街呢間鋪,地方細,只係放到十張枱,但係佢養活咗我哋一家,亦係老豆畢生的心血。間鋪係阿爸同幾個朋友夾份,開咗大半個世紀,當年佢哋喺廣州請咗個知名嘅燒味師傅落嚟香港,全班老闆就跟埋一齊學燒燒味。開鋪嗰陣我得幾歲,老豆對呢行好有興趣,但我見到都覺得佢好辛苦。上一代人,咩都自己一腳踢,我記得嗰陣,我起身老豆已經返咗工,到夜晚去瞓,佢都未放工,長時間不特止,企喺火爐邊先係最辛苦。」

撰文:黎雅婷
攝影:曾春南

 
熱門新聞
  • 【新手必學】素人變女神眼妝教學 76,813 views
  • 【一程壹會.女神背後(一)】紅的司機爆軼事 短裙女上車秒速黑面 數臭姊妹(白告) 46,278 views
  • 【條裙短到咁摟乜呀?】阿Gem牛一戰鬥格 男友買Cheap酒上家過夜 41,439 views
  • 【世紀合照】成龍袁詠儀冰釋前嫌 曾志偉做和事佬 41,170 views
  • 【隔代遺傳】「小糯米」唔似楊冪劉愷威 Isabella 孖仔同李嘉誠餅印 41,061 views
  • 【一程壹會.女神背後(二)】突傳屎味急搵公廁 試過喺公路停車 40,817 views