< 返回
  • 【壹醫醒你】椎間盤突出可致下半身癱瘓 醫生:機場拎行李最危險
  •   10,503 views │ 2017年02月21日
    留言()

 

正所謂好腰好腎好男人,整傷條腰真係可大可小,醫生就話機場拎行李最容易令腰部受傷。

神經外科專科醫生梁顯信梁顯信指出:「彎腰拎重嘢就最危險,腰挺得唔夠直,向前傾,重量去晒椎間盤。好多時都係彎腰再負重,就會令椎間盤急性脫位。」

人體的腰椎由五節腰椎骨組成,每節腰椎骨之間,有一塊椎間盤的纖維軟墊,用作吸收壓力和保護脊柱,令脊柱有柔軟性。椎間盤突出的成因有很多,包括坐姿勢正確,增加腰部負荷;第二,腰椎、盆骨移位,令神經線受壓;第三,隨年紀增長,關節因自然損耗而退化,形成骨刺,壓著神經線。當椎間盤受到不正常的擠壓,就會向外突出,壓迫脊骨周邊的神經線,繼而引發腰痛、腳痲痺、大小便失禁,嚴重會引致下半身癱瘓。

梁醫生補充:「機場攞行李就最危險,我診所一年有十個八個病人係拎行李時受傷。一家大小去旅行,幾廿個喼超重,一抽上嚟嗰吓,條腰就即刻梗咗。事實上隨年齡增長,椎間盤會愈來愈乾,或愈來愈空,椎間盤脫位突出較常見於20至40歲的年輕人。」

醫生提醒不要獨自一人提取重物或行李,應盡量貼近行李輸送帶,靠近行李的手柄,借助臀部和膝關節的力量,分擔腰椎負擔,不要盲目用腰力提取行李。

40多歲的崔小姐3年前腰部、臀部及足部突然劇痛,她形容痛到猶如被刀割,碰一碰都痛,痛症影響坐立和走動。診斷後確診為椎間盤脫位,壓住神經線,她接受超微創手術,將內窺鏡從腰側繞過肌肉、韌帶和骨骼,清除椎間盤脫位部分,傷口只有8毫米,手術於半小時內完成,即日出院,現時生活已回復正常。

撰文:葉浩婷
攝影:梁正平
熱門新聞
  • 【14個月大Kelly似媽咪】鍾嘉欣同老公十指緊扣返加國 91,430 views
  • 【開心速遞隻鬼冇咗】不甘俾大台玩 顧紀筠兒子冇癮解約 56,887 views
  • 重提李思捷委屈爆喊 春卷:捧到佢上天,最後忘記咗你 53,110 views
  • 【3日2夜】羅敏莊帶團泰國睇樓 捧60萬豪裝物業 44,053 views
  • 老公恨仔要生四個 鍾嘉欣開Turbo追仔 42,512 views
  • 【雜食王】李思捷四年偷食三件 春卷死忍 40,676 views