唐營猛將白頭任撐林鄭，令人側目。話晒都係財金系統出身，手指拗出唔幫鬍薯片，仲唔係倒戈？乜事呢？

眾所周知，煲呔係薯片嘅伯樂，帶佢入官場，一路照實。煲呔做財爺之時，理論上係白頭任老頂；點知有人恃才傲物，唔多老黎。及至四萬掛冠，煲呔頂上，財金在行之阿松做白頭佬嘅老細；某人有幾多斤兩，一清二楚，出手修理。點知阿松偷步買車，某人命硬大步𨂾過。

及至薯片做財爺，其時某人已屆公務員退休之齡；以退為進，問薯片點辦？答案係「照公務員規矩辦事囉」，形同要佢即刻起身。幾經動員，除咗一士諤諤，委員會班大孖沙出手挽留，某人方得以再坐一會。娥姐與薯片對壘，新仇舊恨，換轉你係某人，你會企邊面啦？

撰文：宗菁華