< 返回
  • 【less evil?】資訊科技選委方保僑︰依家搞公民提名嘥氣
  •   9,224 views │ 2017年02月10日
    留言()

 

「唔係唔贊成公民提名,但喺個小圈子選舉裡面搞公民提名,我覺得係有啲嘥氣。」資訊科技界選委方保僑說。

最近非建制派陣營對於特首選舉的提名和投票拗得面紅赤熱,無非是討論究竟要「含淚造王」,揀個less evil人選,還是堅守所有八三一、廿三條立法等等的底線。

民主300+現時仍未有共識,召集人之一郭榮鏗則曾指提名予曾俊華和胡國興的機會較高,個別選委對此都有自己的看法。方保僑則傾向不要浪費選票,「可能有啲人會覺得,其實將689趕落台已經好好,但如果你依家知道,3月26日,選舉嗰一日,689 2.0版本會贏嘅話,咁其實我哋由依家拉返轉頭,呢個幾月其實我哋可以做啲乜嘢?其實係咪應該可以喺個結果諗完,大家盡量用最大共識去用呢三百幾票,而唔係大家堅持大家嘅理論,大家就各自行動,十個救火的少年,大家走下又一個,走下又一個,其實係冇意義。」

他坦言民主300+最初目標是踢走梁振英,怎料選委選舉未投票,689已宣佈不連任,令他們頓時失焦。要將焦點拉回現實,他認為此時再講投白票是沒意思,「上次選選委時,大部份講話要投白票嗰啲,其實都落選,咁可能呢個係好好嘅指標,選民話俾佢聽,其實我哋係唔想選委入去投白票。」

不投白票,但總要有支持的底線。今時今日究竟他對候選人的底線是甚麼?「我會接受譬如話八三一開始傾,我唔會完全覺得,咁總有一個起點,你覺得八三一唔OK,你唔係拆晒佢由頭再講過,你可以喺附近加啲減啲,或者重新再講,但係我諗點都係個起點。唔好話要返番去絕對嘅民主,至少將佢推返前十年,可能至少變返諮詢架構入面,都聽到其他聲音,我諗已經係一個好大嘅功德。」

如果林鄭真的如坊間所言,延續梁振英的政策,就是梁振英2.0,那麼誰看似less evil? 他沒有明言,但對其中兩名候選人如此評價,「曾俊華似乎好有民心,就算你睇social media又好,邊度都好,民心民意都係好強,似乎佢係用一個比較中性啲嘅手段去處理事情。你見胡官,雖然可能公眾接觸比較少,但係佢好肯去做,其實佢身體力行去做,我見到反而市民係愈來愈鍾意佢,受歡迎程度愈來愈高。同埋你見到佢講嘅嘢,佢走出嚟講好多人話。」

也許今時今日要找個人講人話也不容易,但二人始終被歸類為建制派,民主派提名或投票給建制派,是否有包袱?「 我覺得建制派唔係全部都係壞人,只不過有冇一啲建制派嘅人,到最後,第一,睇依家呢個政治環境,其實要民主派嘅人,真正贏咗做特首,係等於零。會唔會一個建制派,但係傾向比較中性啲嘅人,佢做咗特首,其實對香港嘅長遠,或者至少可能休息返幾年,大家都咁講,可能呢五年都受夠,其實究竟大家係咪需要休息五年,抑或大家唔需要休息,大家繼續去爭取民主,但結果大家又再嘥多五年。」

撰文︰袁慧妍
攝影︰傅俊偉

特首選情 盡在決戰3•26
http://bit.ly/ce326
熱門新聞
  • 「保齡神童」胡兆康 鼓勵乳癌患者 及早對付癌魔 130,001 views
  • 相戀年幾即娶 城城寵愛Moka舉止前所未見 55,144 views
  • 閃到盲 叻哥秀姑一球雪糕兩份食 27,574 views
  • 【入得廚房】容祖兒開騷賺錢 劉浩龍做「家庭煮夫」 25,209 views
  • 【夢熊論777當選】林鄭當選唔意外 曾俊華雖敗猶榮 24,973 views
  • 【樹仁放飛機風波】過來人明哥評大學生:做義工都甩底 24,281 views