< 返回
  • 【又論盡呀?】申報競選資料 邊個報得最hea?
  •   5,640 views │ 2017年02月16日
    留言()

 

參選特首後甩轆成性嘅林鄭月娥,就嘗試扮小女人自嘲,話自己私事論盡,但講到做公事,一樣好掂好打得,但究竟係咪真?《壹》仔就搵到例子去說明一切。

有人就同《壹》仔報料,話參加行政長官選舉,參選人會賣選舉廣告,佢哋仲就要用選管會提供嘅網上中央平台,將呢啲廣告資料,包括參選人競選網站同佢哋社交網站專頁,上載平台等公眾可以查閱。

不過有人就發現,林鄭嘅申報求其得過份,根本完全唔符合要求。《壹》仔去呢個平台睇過,截至呢個月12號,林鄭一共有廿四個申報,當中包括佢個競選網站、facebook專頁、youtube頻道同未仲開通嘅instagram截圖,但襟落去啲連結睇,去極都係同一版面,原來有人填資料時,一律只填首頁網址,例如競選網站就填「https://www.carrielam2017.hk/ 」,說明廣告性質嘅「選舉廣告類型」欄,亦都冇寫清楚。《壹》仔仲聽聞,有林鄭競選辦人員拎過份form畀佢睇,話咁填唔符合要求,點知換來一句:「乜個要求咁複雜架。」

《壹》仔就問過做過選管會主席嘅胡官,佢就話申報要求喺行政長官選舉守則中寫得好清楚,個個團隊都應規則做,「係好簡單嘅」。根據選管會個指引,講明啲超連結要以互動同即時模式傳送,咁條link去唔到,點係即時同互動呢?睇番其他參選人,大家啲申報就均真好多。似乎林鄭唔只要人教佢用fb,可能連點守規矩參與選舉,都要上番一堂囉!
熱門新聞
  • 【新手必學】素人變女神眼妝教學 86,797 views
  • 【一程壹會.女神背後(一)】紅的司機爆軼事 短裙女上車秒速黑面 數臭姊妹(白告) 47,517 views
  • 【一程壹會.女神背後(二)】突傳屎味急搵公廁 試過喺公路停車 43,206 views
  • 【隔代遺傳】「小糯米」唔似楊冪劉愷威 Isabella 孖仔同李嘉誠餅印 42,068 views
  • 【世紀合照】成龍袁詠儀冰釋前嫌 曾志偉做和事佬 42,036 views
  • 【條裙短到咁摟乜呀?】阿Gem牛一戰鬥格 男友買Cheap酒上家過夜 42,005 views