< 返回
專題
香港重案
壹鏡頭 壹車在手 壹健康 Nibiru 快樂入廚 坦白講 中環人語 點至有營 奶媽777 壹醫醒你 StartUp basel鐘錶展 台灣食玩手冊 八卦陣 香港重案 政商揭秘 爆壹爆 星級扮靚室 女生遊天下

【獨家●賊王逝世】獄外知己翁靜晶爆料:葉繼歡一直好痛苦

2017.04.19 | 52426 views

相關連結:
【賊王病逝】李嘉誠勸張子強從良 圖劫獄救葉繼歡
http://bit.ly/2oTXuzn

【賊王病逝】AK47橫掃物華街 賊王葉繼歡成魔之...

相關連結:
【獨家 賊王逝世】獄外知己翁靜晶爆料:葉繼歡一直好痛苦
http://bit.ly/2oKCWsN

【賊王病逝】AK47橫掃物華街 賊王葉繼歡成魔之路
http://bit.ly/2oMbqJA

【賊王病逝】信主自白冇殺人 葉繼歡獄中傷人加監
http://bit.ly/2pzc00l

【賊王病逝】葉繼歡肉搏警員被擒 赤柱度餘生
http://bit.ly/2pfbG75

一代賊王,「大富翁」張子強,最後在內地伏法,終年四十三歲。在他短短廿七年的犯罪生涯,犯下大案無數,同他交手的全部都不是泛泛之輩。

李嘉誠和張子強的相遇,絕對是世紀交手。一個是極惡凶徒,一個是亞洲首富。當大仔李澤鉅被綁架,張子強單人匹馬綁住炸彈上門,絕對有膽識。

李嘉誠在13年11月接受南方報刊訪問,他就大爆兩人對話,原來李嘉誠曾經多次叫他做個好人:「你拿那麼多錢,下半世夠用了,現在遠走高飛,洗心革面。」

之後張子強亦找他,聲稱他輸錢,問李嘉誠點樣投資,李嘉誠只係講:遠走高飛,否則下場可悲。張子強亦應驗這句說話。他為人好賭,又喜歡豪使,曾經試過兩晚輸了六千萬,所以要繼續犯案,走入末路。

雖然他對敵人不手軟,但是對自己手足,絕對講足義氣,義氣對象,就是另一位賊王,葉繼歡。葉繼歡和張子強在獄中相識,及後合謀綁架李澤鉅。但之後葉繼歡由大陸坐艇由西環上岸,被軍裝警用槍打傷,自此半身不遂,在赤柱監獄坐三十年監。

當 時張子強一心要炸赤柱監獄,在馬草壟一間石屋儲存近800公斤炸藥,不過被警方搗破,他亦被逼潛逃內地。而炸監獄的傳聞,亦在張子強另一位拜結兄弟得到印 證,他就是有赤柱監獄揸fit人的「搞事雄」劉國雄。劫獄不成,張子強亦被逼北上,眾多的前因後果,令到一代賊王,最終步入滅亡之路。

相關連結:
【獨家 賊王逝世】獄外知己翁靜晶爆料:葉繼歡一直好痛苦
http://bit.ly/2oKCWsN

【賊王病逝】AK47橫掃物華街 賊王葉繼歡成魔之路
http://bit.ly/2oMbqJA

【賊王病逝】李嘉誠勸張子強從良 圖劫獄救葉繼歡
http://bit.ly/2oTXuzn

【賊王病逝】葉繼歡肉搏警員被擒 赤柱度餘生
http://bit.ly/2pfbG75

賊王葉繼歡。1997年被判多項罪名而要服刑41年零3個月,即使上訴過後,仍要服刑36年零3個月。至今,佢已經服刑18年,仲有18年先至完結服刑。出嚟之後嘅賊王,到底係大賊,定係已經重新做人?

赤 柱監獄嘅葉繼歡,在獄中仍然保持住一定地位。雖然同罪犯關係良好,但同時亦受到基督感化,2004年受洗。其後喺2010年7月,佢更加罕有在基督雜誌 《天使心》懺悔:「有邊個人唔鍾意錢吖,所以當時我確實係需要金錢,才犯下轟動一時之嚴重罪行。」「我雖然有做過壞事,但冇殺人,比起一啲綁架撕票的綁 匪,那些人才真正令人感到可怕。」

不過,賊王又係咪洗心革面呢?喺2009年4月30日,當懲教員谷源科為佢清洗臀部膿瘡傷口時,佢突然拎原子筆襲擊懲教員頸部,被控襲撃傷人罪。法庭上葉繼歡聲稱呢位懲教員曾經打毒針,令佢臀部受傷,但事後仍然判佢傷人罪成,加監6個月。

坐 輪椅嘅葉繼歡,喺懲教員眼中仍然係一個麻煩人物。雖然中港罪犯對佢尊敬有加,但有外國罪犯就頂佢唔順。07年5月,有位美國被通緝的孌童疑犯 Kenneth Freeman,喺內地出入香港被捕,結果入住監獄醫院期間相遇。葉繼歡晚上不斷咳嗽,結果俾Freeman投訴「擾人清夢」。

時至今日,有葉繼歡出場嘅新聞仍然有引人注目。最近喺今年4月1日,賊王解往瑪麗醫院睇醫生,懲教人員仍要安排2架留囚車,3架衝鋒車押送。警員重裝戒備。即使賊王在已經半身不癱,但以前被逃獄嘅經歷,警方永遠要嚴防住每一個逃走嘅機會。

 

相關連結:
【獨家 賊王逝世】獄外知己翁靜晶爆料:葉繼歡一直好痛苦
http://bit.ly/2oKCWsN

【賊王病逝】李嘉誠勸張子強從良 圖劫獄救葉繼歡
http://bit.ly/2oTXuzn

【賊王病逝】信主自白冇殺人 葉繼歡獄中傷人加監
http://bit.ly/2pzc00l

【賊王病逝】葉繼歡肉搏警員被擒 赤柱度餘生
http://bit.ly/2pfbG75

未坐在輪椅前嘅葉繼歡,一度係香港頭號通緝犯。佢之所以深入民心,就係靠一把AK 47同驚人膽識。

一九九一年六月九日,可以話葉繼 歡嘅重大日子。觀塘物華街嘅街道一片平靜,直至佢嘅來臨。呢班賊人,大模大樣出現五間金行前,掠走價值千萬嘅金飾,更同警方駁火42槍。喺震驚全港同時, 亦有人拍低葉繼歡蒙面打劫嘅一刻。自此,AK47,金鋪,槍戰警察,就成為佢嘅風格。經歷幾次持械行劫後,警方不得不正視呢位賊王,懸紅100萬元通緝歸 案,成為香港頭號通緝犯。

不可一世嘅賊王,亦有失手嘅一日。1996年5月13日,消失幾年嘅葉繼歡,同兩位同黨帶大量槍械同炸藥從西環登岸。不過,今次行動被兩位軍裝警發現,以為係一般非法入境者,再次爆發槍戰。

賊王低估咗警方能力,一個人獨力應付兩警,結果下身中彈,以後半身不遂。最諷刺嘅係,去到捉拿嘅時候,警方仲未認出,佢地居然捉到賊王,只係以為普通犯人。

港人恐懼嘅一代賊王,換嚟係41年3個月嘅刑期。

相關連結:
【賊王病逝】AK47橫掃物華街 賊王葉繼歡成魔之路
http://bit.ly/2oMbqJA

【賊王病逝】李嘉誠勸張子強從良 圖劫獄救葉繼歡
http://bit.ly/2oTXuzn

【賊王病逝】信主自白冇殺人 葉繼歡獄中傷人加監
http://bit.ly/2pzc00l

葉繼歡,同大富翁張子強齊名嘅賊王,如今一個牢中病死,一個槍斃。但,並唔代表葉繼歡失去能力。早年,賊王曾經成功逃獄。

早喺葉繼歡 利用AK 47成名之前,佢1984年已經策劃過多宗行劫案,但來去無蹤。警方唯有向買賣賊贓呢條線追查落去。刑事情報科跟蹤支援隊警長李光明,遇上驚心動魄嘅一 刻。當時知道葉繼歡要賣賊贓還債,李光明喬裝賣家,同葉繼歡喺車上單獨買賣。喺車上,李光明為咗令佢分心,就拎到大量千元現鈔,令葉繼歡雙手離槍,表明身 份時,遇上猛烈反抗。

就咁樣,賊王第一次面臨牢獄,16年嘅判刑,足以粉碎佢一切野心。不過,仍然充滿嘅力量同詭計嘅賊王,繼續守候住一個逃走嘅機會。

五年之後,佢終於等候到呢個機會。佢聲稱肚痛,之後送往瑪麗醫院檢查,借口肚痛去廁所,借機逃走。逃走期間,佢遇上一架客貨車,就挾持住37歲客貨車司機同6歲嘅仔,去到黃竹坑,消聲匿跡。

兩年後,佢再以AK47震撼香港。

不過,過份嘅自信導致最終落網,換嚟半癱下場,要喺赤柱監獄渡過下半生。一代賊王要坐輪椅生活,但並不代表失去一切。喺獄中,賊王之名仍然備受尊重,就連「赤柱監獄話事人」嘅搞事雄,亦要為佢斟茶遞水。

傳聞張子強亦曾嘗試運出大批炸藥,營救佢嘅好友搞事雄同葉繼歡,不過被警方起出告終。假如兩大賊王聯手,香港警方同市民,將會面對前所未有嘅威脅。