< 返回
  • 【Whatsapp面試】上連登了解年青人諗咩 投資7位數創地圖搵工App
  •   4,656 views │ 2018年04月08日
    留言()

 

Moovup由邱力迅(Geoffrey)和陳凱文(Patrick)於上年創立,兩人都係法律系出身然後從事金融業,其中Geoffrey曾經係瑞銀集團工作,專門幫助公司上市集資,這個年紀要放棄原來投資銀行高收入而且穩定的工作,轉到未知的領域並不簡單,「我同拍檔其實都係專業人士,我本身從事金融,亦都無接觸過IT或 HR 嘅工作。」他續說「我哋做過咁多年專業人士,去嘗試創業喺十分少見,我哋都諗過創業喺咪年輕人嘅專利呢?」

在初期運作上,兩人就憂慮過應用程式能否吸引求職者使用,靠摸着石頭過河,最終將用戶定位在年輕人身上,不過人到中年要同年輕人溝通,過程並不簡單,當Facebook慢慢被淘汰,面對變幻須臾的數碼年代,原來公司會故意聘請一些年輕的實習生,從中就能了解年青人現在會觀看的社交平台及對市場營銷的看法,「我哋嘅定位以年輕人為主,咁佢哋在諗咩,我就只可以問佢哋先會最清楚。」所以上年moovup就聯同微辣(Manner)合作拍攝兩條影片,總觀看人數逾55萬人,令instagram同Facebook關注的人數自去年節節上升。

但要將讚好變為用戶,重點仍然在應用程式身上,Geoffrey就留意到年青人使用應用程式的情況,都係「碌碌吓」「掃吓掃吓」,他續引入新功能,當用戶在瀏覽工作資訊的介面時,只要左碌右碌,就能看到整個地區的工作資訊。而Geoffrey亦留意到近年有企業透過Whatsapp面試的趨勢,所以就將僱主平台連結到Whatsapp,僱主可以直接使用Whatsapp與求職者溝通,下一步他更希望在平台新增視像面試的功能,使求職者不用舟車勞頓,令求職變得更方便。

現時Moovup仍供用戶免費使用,暫時仍未有任何收入來源,Geoffrey表示由上年營運至今已投入近七位數字的金額,雖然金錢上可能未有回報,不過經營這盤生意,他就發現自己更加明白年輕人的需要,唔知喺咪律師都愛上論壇,幾年前前大律師公會主席石永泰就自爆「高登仔」身份,而拍攝期間記者就偷瞄到Geoffrey原來都有上連登,他大方承認因為「要同後生仔溝通,間唔中都要睇吓。」他講到透過同年輕人接觸,發現其實人都十分類似,每一個時代的人所追求的都很相近,只是表現的形式不同,他講到由最初要面對股市的浮浮沉沉,再走入另一個變幻的世界,其實並不簡單,不過幸好得到家人的支持,他才敢放膽一試做一個放得開的人。

撰文:財經組
攝影:財經組

立即按此連結Download《壹週刊》: https://goo.gl/NVySCK
熱門新聞
  • 【壹經典●富豪孤獨生活】一個人坐17人飯桌 四叔落寞大電視撈飯(足本) 54,429 views
  • 【獨家直擊Soho撐枱腳】48歲唐文龍認追sexy楊柳青(足本版) 52,306 views
  • 【月入4萬被質疑特別服務】貨Van女神大反擊: 我可以做到飯都唔食(足本版) 50,833 views
  • 潮人雲集「週末衣櫥」壽星仔馬天佑拉隊踩場撐Ceci 44,414 views
  • 【壹經典●富二代讀書成績】名校李家誠高考不如人意 經濟地理會計全肥佬(足本版) 42,660 views
  • 【壹經典●搵北京代母】家傑家誠搶生男孫 第三代接班人暗戰(足本版) 30,051 views